LIÇÃO 07

Jeová to kanhrãn kãfór nĩ

TI VEN NĨ

Ã ne Jeová to jykrén tĩ? Ã mỹ ti mỹ tỹ ũn tar nĩ, hã ra ti tỹ ã kuvar há nĩ, krĩg ag tỹ kanhkã tá nỹtĩ ri ke? Ke tũ nĩn kỹ, ã hã mỹ, ti tỹ tỹ ũn tar nĩ, hã ra ti pi ẽg to kanẽ jur tĩ? Hã ra ũ nẽ tỹ Jeová nĩ? Topẽ Vĩ Rá vỹ ẽg mỹ ke tĩ, Topẽ vỹ nén ũ há e ki há nĩ, kar tóg ã to kanẽ jur tĩ gé.

1. Ẽg ne tugnĩn Topẽ vigvég tũ tĩ?

Topẽ Vĩ Rá vỹ ẽg mỹ ke tĩ João 4:24 ki: “Ẽg pijé Topẽ vég tĩ.” Jeová pi fár kar kuka nĩ. Ti tỹ tỹ vẽnh kuprĩg há nĩ, ti tỹ kanhkã tá ẽmãn tĩ, kar ẽg pi ti jamã vég tĩ.

2. Jeová vỹ nén ũ há ag tỹ ne ki há nĩ?

Ẽg pi Jeová vég tĩ. Ẽg tỹ Jeová to kanhrãnrãn kãfór kỹ, ẽg tóg ki kanhrã nỹtĩ, ti tỹ tỹ ũn pẽ nĩ, kar ti tỹ nén ũ há e ki há nĩ. Topẽ Vĩ Rá vỹ ẽg mỹ ke tĩ: “Topẽ tóg nén há kar to há nĩgtĩ. Kỹ tóg ũ tỹ ti vĩ hã han sór mũ ag tugvãnh tũ nĩgtĩ”. (Salmo 37:28) ‘Ti tỹ ẽg jagãgtãn mũ, ti ẽg jagtar nỹtĩ ve kỹ’, kỹ tóg ẽg tỹ vẽsỹrinhrénh mũ ve kỹ, ti vỹ ẽg to kanẽ jur tĩ. (Tiago 5:11) “Topẽ tóg ũn krĩ kufy han mũ ag kã jatuꞋ he tũ nĩgtĩ. Kỹ tóg ũ tỹ: ‘Inh hỹn hẽ ri kenh mũ?’ he mũ ag kren han tĩ.” (Salmo 34:18) Ũn tỹ nén ũ kórég han kuprẽg kỹ, tag vỹ Jeová fe krój han tĩ. Ã mỹ tag ki kanhrã nĩ vã? (Salmo 78:40, 41) Hã ra ũn tỹ nén ũ han kuprẽg kỹ, tag vỹ Jeová mỹ sér han tĩ. — Provérbios 27:11 le kem nĩ.

3. Jeová hã ren kỹ ti tỹ ẽg to há nĩ ven tĩ?

Jeová vỹ nén ũ há e ki há nĩ. Hã ra ti tỹ ẽg to há mũ vỹ ti nén ũ há kar kãfór nĩ. Topẽ Vĩ Rá vỹ ẽg mỹ ke tĩ “Topẽ jykre vẽ, hã vỹ: ẽg to há, he mũ”. (1 João 4:8) Ẽg tỹ Topẽ Vĩ Rá le ken kỹ, kar ẽg tỹ Topẽ tỹ nén hyn han ja ag tugnỹgnỹm kỹ, Jeová vỹ ti tỹ ẽg to há nĩ ven tĩ. (Han kãme 14:17 le kem nĩ.) Ha to ãkrén nĩ, ti hã ren kỹ ẽg han ke ti. Ti vỹ ẽg tỹ cor sĩnvĩ e vigvég han mũ, ti vỹ ẽg tỹ vãkyr sĩnvĩ mẽgmẽg han mũ, kar tóg ẽg mỹ vãjãn e vin tĩ. Jeová vỹ ẽg tỹ mỹ sigsér nỹtĩ ve sór tĩ.

VẼNH KÃNHRÃN KÃFÓR NĨ

Vẽnh kanhrãn nĩ, Jeová ne tỹ nén ũ há e hyn han tĩ ti. Kar Jeová hã ren kỹ ẽg mỹ ven tĩ ti, ti tỹ nén ũ e ki há nĩ.

4. Topẽ kuprĩg vỹ tỹ Topẽ tar ti nĩ

Ẽg tỹ vẽnh rãnhrãj hyn han tĩ, ẽg nĩgé tỹ. Jo Jeová ti hã ren kỹ nén ũ han tĩ? Ti vỹ nén ũ han tĩ, Topẽ kuprĩg tỹ. Ũn ag tỹ ãkrén tĩ, Topẽ kuprĩg vỹ tỹ Topẽ nĩ. Hã ra Topẽ Vĩ Rá vỹ ẽg mỹ kãmén tĩ, Topẽ kuprĩg vỹ tỹ Topẽ tar ti nĩ. Ti tỹ nén ũ han sór tĩ ag hyn han tĩ, ti kuprĩg tỹ. Lucas 11:13 kar Han kãme 2:17 le kem nĩ. Kar jagnẽ mré vẽmén nĩ, nén ũ tag ag to:

Ẽg tóg kanhrãnrãn mũ, ũn tỹ Topẽ mỹ ti kuprĩg to vĩn kỹ, ti vỹ ti kuprĩg ‘nĩm ke mũ’. Kỹ ã hã mỹ, Topẽ kuprĩg mỹ tỹ Topẽ nĩ, ke tũ nĩn kỹ ti tar ti? Ã ne tugnĩn ge ãkrén tĩ?

Jeová vỹ nén ũ há hyn han tĩ, ti kuprĩg tỹ. Salmo 33:6 kar 2 Pedro 1:20, 21 le kem nĩ. Kar jagnẽ mré vẽmén nĩ, tag to:

Jeová ne hyn han huri, ti kuprĩg tỹ?

5. Jeová tỹ nén ũ e ki há nĩ

Moisés vỹ Topẽ to jykre pir nĩgtĩ vã. Ge ra tóg Topẽ to kanhrãn kãfór sór tĩ vã. Kỹ Moisés tóg Jeová mỹ: “Hã kỹ inh mỹ ã tỹ ne han ke tóm nĩ, isỹ ã mré ke jé, isỹ ã to há nĩ jé.” (Êxodo 33:13) Kỹ Jeová vỹ Moisés mỹ tó mũ, ti tỹ nén e ki há nĩ ti. Êxodo 34:4-6 le kem nĩ. Kar jagnẽ mré vẽmén nĩ, nén ũ tag ag to:

Moisés vỹ Jeová nén há tỹ ne to kanhrãn ké?
Jeová tỹ nén ũ há e ki há nĩ. Ag kãmĩ, nén há tỹ ne ã mỹ há kãfór nĩ?

6. Jeová vỹ ũn ag to kanẽ jur tĩ

ãsỹ Israel krẽ ag tỹ tỹ Topẽ povo nỹtĩ vã. Egito tá, ag vỹ veké rãnhrãj tĩ vã. Ti povo tỹ jagtar nĩn kỹ, Jeová ne tag to jykrén tĩ vã? ÁUDIO jẽmẽm nĩ, kar ti vẽnh rá vem nĩ, Topẽ Vĩ Rá ki, ke tũ nĩn kỹ, Êxodo 3:1-10 le kem nĩ. Kar jagnẽ mré vẽmén nĩ, nén ũ tag ag to:

ÁUDIO: Ag tỹ vẽsỹrinhrénh nỹtĩ ra, Jeová tóg ag to kanẽ jur tĩ vã (2:45)

Ũn ag tỹ vẽsỹrirénh nỹtĩn kỹ, Jeová ne tag to jykrén tĩ? — Ha vé 7 kar 8 sĩ ti.
Ã hã mỹ, Jeová mỹ ũn ag ajũna ke sór tĩ? Ã hã mỹ, ti mỹ tar nĩ, ũn ag ajũna ke jé? Ã ne tugnĩn ge ãkrén tĩ?

7. Jeová tỹ nén hyn han ja ag tỹ ẽg kanhrãnrãn tĩ, Jeová nén há ag to

Ẽg tỹ Jeová tỹ nén hyn han ja ag tugnỹgnỹm kỹ, ẽg vỹ Jeová nén há ag to kanhrãnrãn tĩ. Ha vé VÍDEO ti. Kar Roma 1:20 le kem nĩ, kar jagnẽ mré vẽmén nĩ, tag to: