LYNNONG 07

U Jehobah U Long Uba Kumno?

TEM

Haba phi pyrkhat shaphang U Blei Jehobah, kaei kaba wan ha ka jingmut jong phi? Hato u long uba khraw haduh katta katta haduh ba ngim lah shuh ban jan sha u? Ne hato phi mutdur ïa u kum uba khlaiñ bor bha hynrei u bym don jingsngew? Hato u long shisha kumta? Lyngba ka Ktien jong u ka Baibl, U Jehobah u la pynpaw ïa ki jinglong jong u. Ka batai ruh ba u phikir ïa phi.

1. Balei ngim lah ban ïohi ïa U Blei?

“U Blei u long u Mynsiem.” (Ïoannis 4:24) Um don ka met kum ma ngi. Na kata ka daw ngim lah ban ïohi ïa u. Ngim lah ruh ban ïohi ïa ka bneng, ka jaka shong jong u.

2. U Jehobah u don ki jinglong kiba kumno?

Watla ngim lah ban ïohi ïa U Jehobah, hynrei ngi lah ban jan sha u, namar u don ki jinglong kiba sngewieid. Ka Baibl ka ong: ‘U Jehobah u ieid ïa ka jingbishar, bad um iehnoh ïa ki briew jong u.’ (Pule Salm 37:28) U long ruh “uba dap da ka jingisynei bad uba leh isynei” khamtam ïa kito kiba jynjar. (Jakob 5:11) ‘U Jehobah u long hajan kita kiba pait dohnud, bad u pynim ïa kat kiba sngewsih ka mynsiem.’ (Salm 34:18) Bad phi tip, kaei kaba phi leh ka lah ban pynkmen ne pynsngewsih ïa u. Lada ngi leh ïa kiei kiei kiba sniew kan pynsngewsih ïa u. (Salm 78:40, 41) Hynrei lada ngi leh ïa kaba bha kan pynkmen ïa u.—Pule Proberb 27:11.

3. Kumno U Jehobah u pyni ba u ieid ïa ngi?

Ka jinglong kaba khraw tam jong U Jehobah ka dei ka jingieid. Ym tang ba u pyni jingieid, hynrei ka Baibl ka ong ruh ba “U Blei u long ka jingieid.” (1 Ïoannis 4:8) U Jehobah u pynpaw ïa la ka jingieid ym tang lyngba ka Baibl, hynrei lyngba ki jingthaw jong u ruh. (Pule Kam 14:17) Kum ka nuksa, peit kumno u la thaw ïa ngi. Ngi lah ban ïohi ïa ki rong kiba itynnad, ban sngap ïa ki sur jingrwai kiba sngewtynnad, bad ban mad ïa ki jingbam kiba bang. U la ai ïa ngi ïa kine kiei kiei baroh namarba u kwah ïa ngi ban im ka jingim kaba kmen.

WAD SHUH SHUH

Peit kumno U Jehobah u leh ban pyndep ïa ki kam kiba khraw. Bad nangta peit kumno U Jehobah u pynpaw ïa la ki jinglong baitynnad.

4. U mynsiem bakhuid—Ka bor jong U Blei

U Jehobah u pyndonkam ïa la u mynsiem bakhuid kumba ngi pyndonkam ïa la ki kti ban trei kam. U mynsiem bakhuid um dei U Blei ne uei uei uba im, hynrei ka dei ka bor jong U Blei kaba u pyndonkam ban leh ïa kiei kiei. Pule Loukas 11:13 bad Ki Kam 2:17, bad nangta sa ïa peit lang ïa kine ki jingkylli harum:

U Blei “un theh noh” ïa la u mynsiem bakhuid ha kito kiba pan na u. Te hato phi tharai ba u mynsiem bakhuid u dei U Blei, ne ka dei ka bor jong U Blei? Balei phi ong kumta?

U Jehobah u pyndonkam ïa la u mynsiem bakhuid ban pyndep ïa ki kam kiba khraw. Pule Job 33:4 bad 2 Petros 1:20, 21, bad nangta sa ïa peit lang ïa kane ka jingkylli harum:

Ha kino ki rukom U Jehobah u la pyndonkam ïa la u mynsiem bakhuid?

5. U Jehobah u don ki jinglong kiba itynnad

U Moses u la shakri hok ïa U Blei da ki snem, hynrei wat la katta ruh u sngew ba u dang donkam ban tip kham bha ïa la U Nongthaw. Te u Moses u la ong ha u: “To pyni ha nga ïa ka lynti jong me ba ngan ïoh ithuh ïa me.” (Eksodos 33:13) U Jehobah u la jubab ïa u Moses da kaba ïathuh ha u ïa ki jinglong jong u. Pule Eksodos 34:4-6, bad nangta sa peit lang ïa kine ki jingkylii harum:

U Jehobah u la ïathuh ha u Moses ba u don ki jinglong kiba kumno?
Kano na ki jinglong jong U Jehobah kiba phi kham sngewtynnad?

6. U Jehobah u phikir ïa ki briew

Mynshuwa ki nong Israel ki dei ki briew jong U Blei. Haba ki la jynjar kum ki mraw ha ri Ijipt, kumno U Jehobah u la sngew? Sngap ïa ka Sur Jingkren (AUDIO) ne pule Eksodos 3:1-10. Nangta sa ïa peit lang ïa kine ki jingkylli harum:

AUDIO: U Jehobah u la Phikir ïa Ki (2:45) (Phareng)

Kane ka jingjia ka ïathuh aïu ïa phi shaphang ka jingsngew jong U Jehobah ïa ki jingjynjar jong ki briew?—Peit ka dkhot 7 bad 8.
Hato phi tharai ba U Jehobah u kwah shisha ban ïarap ïa ki briew bad ba u lah shisha ban leh kumta? Balei?

7. Ki jingthaw jong U Blei Jehobah ki pynpaw ïa ki jinglong jong u

U Jehobah u pynpaw ïa la ki jinglong jong u lyngba kiei kiei kiba u la thaw. Peit ïa ka VIDEO Nangta sa pule Rom 1:20, bad sa ïa peit lang ïa kane ka jingkylli harum: