ДӘРСА 07
Гәло Йаһоԝа йәки Чаԝа нә?
Тӧ ча дьди бәр чʹәʹве хԝә, Йаһоԝа йәки чаԝа нә? Дьбәкә тӧ дьфькьри кӧ әԝ йәки Һьмзор ә, ле гәләк жь мә дур ә, чаԝа стәйркед галаксийеда. Йан тӧ дьфькьри кӧ әԝ нә кӧ кәс ә, ле ԛәԝат ә, чаԝа бьруск? Ле бь рʹасти Йаһоԝа йәки чаԝа нә? Кʹьтеба Пироз һьнә һʹӧнӧред Йаһоԝа әʹйан дькә. Хәбәра ԝида ӧса жи те готьне, кӧ әԝ бона тә хәм дькә.
1. Гәло әм чьрʹа нькарьн Хԝәде бьвиньн?
«Хԝәде рʹӧһʹ ә» (Йуһʹәнна 4:24). Бәдәна Йаһоԝайә физики тʹӧнә, чаԝа йа мә һәйә. Әԝ Рʹӧһʹ ә у нава әʹзманада дьжи, щийе кӧ әм нькарьн бьвиньн.
2. Кʹижан ьн һьнә һʹӧнӧред Йаһоԝа?
Рʹаст ә әм нькарьн Йаһоԝа бьвиньн, ле чахе әм ԝи нас дькьн, бал мә һʹьзкьрьн һьндава ԝида пешда те, чьмки гәләк һʹӧнӧред ԝийә һʹәԝас һәнә. Кʹьтеба Пироз дьбежә: «Хӧдан һәԛийе һʹьз дькә у пьшт надә амьнед Хԝә» (Зәбур 37:28). Әԝ ӧса жи «исаф у рʹәʹм ә» (Аԛуб 5:11). «Хӧдан незики дьлшкәстийа йә у мәʹрьм-бәләнгаза дьдәбьринә» (Зәбур 34:18). Ле тә заньбу ԝәки тӧ дькари дьле Йаһоԝа йан ша бьки, йан жи бешини? Мәрьве кӧ тьштед хьраб дькә, әԝ Хԝәде бинтәнг дькә у дьле ԝи дешинә (Зәбур 78:40, 41). Ле мәрьве кӧ тьштед рʹаст дькә, дьле Хԝәде ша дькә (Бьхунә Мәтʹәлок 27:11.)
3. Йаһоԝа ча дьдә кʹьфше кӧ әԝ мә һʹьз дькә?
Һʹӧнӧре Йаһоԝайи сәрәкә әԝ һәйә һʹьзкьрьн. Кʹьтеба Пирозда те готьне, ԝәки «Хԝәде һʹьзкьрьн ә» (1 Йуһʹәнна 4:8). Йаһоԝа нә тʹәне пе Кʹьтеба Пироз һʹьзкьрьна хԝә әʹйан дькә, ле ӧса жи бь ԝан тьшта, чь кӧ әԝи әʹфьрандийә (Бьхунә Кʹаред Шандийа 14:17.) Бьфькьрә кӧ әԝи әм ча әʹфьрандьнә. Мәсәлә әм дькарьн рʹәнгед бәдәԝ бьвиньн, мьԛамед һʹәԝас бьбьһен у тәʹма хԝарьнед хԝәш тедәрхьн. Демәк, Хԝәде дьхԝазә әм әʹмьре хԝәрʹа ша бьн.
КʹУР ЛЕКОЛИН КӘ
Пебьһʹәсә Йаһоԝа ча тьштед мәзьн у гьринг дькә. Ӧса жи бьвинә кӧ Әԝ ча һʹӧнӧред хԝәйи һʹәԝас мәрʹа әʹйан дькә.
4. Рʹӧһʹе Пироз ԛәԝата Хԝәде йә
Чаԝа кӧ әм дәсте хԝә дьдьнә хәбате сәва тьштәки бькьн, ӧса жи Йаһоԝа рʹӧһʹе хԝәйи пироз дьдә хәбате. Кʹьтеба Пироз әʹйан дькә, ԝәки рʹӧһʹе пироз нә кәс ә, ле ԛәԝата Хԝәде йә, бь сайа кʹижани әԝ чь кӧ дьхԝазә, тинә сери. Бьхунә Луԛа 11:13 у Кʹаред Шандийа 2:17, у паше әве пьрсе шеԝьр кә:
-
Әм дькарьн рʹӧһʹе пироз жь Хԝәде бьхԝазьн у әԝ ԝе бьдә мә. Демәк тӧ ча дьфькьри, рʹӧһʹе пироз кәс ә йан ԛәԝата Хԝәде йә? Шьровәкә чьрʹа тӧ ӧса дьфькьри.
Йаһоԝа рʹӧһʹе хԝәйи пироз дьдә хәбате, ԝәки тьштед мәзьн у гьринг бинә сери. Бьхунә Зәбур 33:6 у 2 Пәтрус 1:20, 21, у паше әве пьрсе шеԝьр кә:
-
Кʹижан һьнә тьштада Йаһоԝа рʹӧһʹе хԝәйи пироз дайә хәбате?
5. Һʹӧнӧред Йаһоԝайә гәләк һʹәԝас һәнә
Муса хьзмәткʹаре Йаһоԝайи амьн бу, ле әԝи дьхԝәст Әʹфьрандаре хԝә дьһа рʹьнд нас кә. Әԝи готә Хԝәде: «Рʹийед хԝә ль бәр мьн вәкә ԝәки әз тә нас бькьм» (Дәркʹәтьн 33:13). Йаһоԝа щаба ԝи да бь ԝе йәке, кӧ һьнә һʹӧнӧред хԝә ԝирʹа әʹйан кьр. Бьхунә Дәркʹәтьн 34:4-6, у паше ван пьрса шеԝьр кә:
-
Йаһоԝа кʹижан һʹӧнӧред хԝә Мусарʹа әʹйан кьр?
-
Тӧ кʹижан һʹӧнӧред Йаһоԝа зәʹф бәгәм дьки?
6. Йаһоԝа бона мәрьва хәм дькә
Щьмәʹта Йаһоԝайә Ибрани Мьсьреда дил бун. Ле Йаһоԝа чь сәр хԝә тʹәхмин дькьр, чахе дьдит кӧ щьмәʹта ԝи зәлулийеда нә? Вехә АУДИО у бьхунә Дәркʹәтьн 3:1-10. Паше ван пьрса шеԝьр кә:
-
Әԝ рʹез ча әʹйан дькьн ве йәке, кӧ Йаһоԝа ча хԝә тʹәхмин дькә чахе щьмәʹта ԝи дьчәрчьрә? (Бьхунә рʹезед 7 у 8.)
-
Тӧ ча дьфькьри, Йаһоԝа дьхԝазә али щьмәʹта хԝә бькә у әԝ дькарә ве йәке бькә? Чьрʹа әре, йан чьрʹа на? Шьровәкә.
7. Әʹфрин һʹӧнӧред Йаһоԝа әʹйан дькьн
Йаһоԝа һʹӧнӧред хԝә бь әʹфринед хԝә әʹйан дькә. Вехә ВИДЕО. Паше бьхунә Рʹомайи 1:20, у әве пьрсе шеԝьр кә:
-
Тӧ кʹижан һʹӧнӧред Йаһоԝа дьвини ван тьштада, чь кӧ әԝи әʹфьрандийә?
ҺЬНӘ МӘРЬВ ДЬБЕЖЬН: «Хԝәде нә кәс ә, әԝ тʹәне ԛәԝат ә, кʹижан кӧ һʹәму дәра йә.»
-
Ле тӧ ча дьфькьри?
-
Тӧ чьрʹа ӧса дьфькьри?
ТʹӘМАМКЬРЬН
Йаһоԝа кәсе рʹӧһʹани йә, кʹижан кӧ найе дитьне, у гәләк һʹӧнӧред ԝийә һʹәԝас һәнә, илаһи һʹьзкьрьн.
Ԝәкʹьландьн
-
Әм чьрʹа нькарьн Йаһоԝа бьвиньн?
-
Чь йә рʹӧһʹе пироз?
-
Кʹижан һьнә һʹӧнӧред Йаһоԝа һәнә?
ҺЕ ЗЕДӘ ПЕБЬҺʹӘСӘ
Һе зедә пебьһʹәсә дәрһәԛа чар һʹӧнӧред Йаһоԝайә сәрәкә.
Пебьһʹәсә ԝан избаткьрьна, кӧ Йаһоԝа нә һʹәму дәра йә.
Пебьһʹәсә кӧ чьрʹа Хәбәра Хԝәде рʹӧһʹе пироз бәрамбәри дәсте Хԝәде дькә.
Бона мәрьвәки кор чәтьн бу баԝәр кә, ԝәки Хԝәде ԝи һʹьз дькә. Пебьһʹәсә кӧ чьрʹа әԝи ньһерʹандьна хԝә һьндава ве йәке гӧһаст.
«Ньһа Әз Дькарьм Али Мәрийа Бькьм» («Бьрща Ԛәрәԝьлийе», 1 Щотмәһе, 2015)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
