SUƐI LEBOLII 07

Vɛɛ Kpeekpei Chɛhowa Cho Yɛ?

PILEI

Te a tuei pɛ a Chɛhowa okɔɔ, vɛɛ ŋ yiyaŋ yɛ maa o cho? Baa ma yiyaŋ pa maa o cho Mɛlɛka tɔɔma bɛndu, nduyɛ mbo wa landaŋ a num, mɛɛ looŋ cho nuaa choo choo pɔɔli yɛ? Ɔɔ ma che ndu pa maa wana kpaaya bɛndu nɔ sinaŋ te wo o cho ni, mɛɛ taŋndeŋ le cho nuaa yɛ? Vɛɛ kpeekpei Chɛhowa cho yɛ? Baabuiyo chɔm naa suliŋnda Chɛhowa nɔ laŋ lapum. O chɔm naa vɛlɛ maa o buulaŋ a naa.

1. Le yɛɛ waŋchieeya nɔla ma che Mɛlɛka le?

“Nyinaa Mɛlɛka cho ni.” (Chɔŋ 4:24) O cho dialuŋ iwanachieeya le Chɛhowa nɔ le. Le hei, ŋ nɔla miŋ che ndu le. O choo choo niŋ pɔ o cho ni, naa wana nɔla ma che ndu le wa.

2. Ɔɔ suliŋnda Chɛhowa nɔ laŋ lapum?

Mi che bɛɛ ŋ chi Chɛhowa le, kɛ Mɛlɛka cho achal kpeekpeiyo o cho ni. O nɔ suliŋnda tosa miŋ sɔɔŋguu ndu ikɛi laŋ tau. Baabuiyo dimi aa: “Mɛlɛka Yaawɛɛ ndu, o kaala sakpoyɛi. Nduyɛ o puɛɛnuŋ wanaa yɔŋguŋ o ndu lo sakpo wa le.” (Sam 37:28) “Wana inyiɛɛyo a wana ikɛndɔɔ” Chɛhowa cho ni, taama taama o wanaa cho saŋgaa wa lo. (Chemisi 5:11) “Wanaa kɔltaŋ la wa haa la tambɛi a nyɛ palaa, a nɔ lɛ tiindaŋ te wa, Mɛlɛka Yaawɛɛ o kue nda levil te, piŋioo o piŋi nda ni.” (Sam 34:18) A sina pa maa mi kaa naa tosa mi Chɛhowa naŋ kɔl ɔɔ mbo tambu kɔl? Te waŋndo wa pɛ sɔɔŋ wɔɔŋndoŋ tosaa, mbo tɛɛmbuu ndu kɔllo tau. (Sam 78:40, 41) Kɛ wana tosa sɔɔŋ kɛndɔŋ ndo, mbo nɛŋi ndu kɔllo.—Nuawɔ Pulɔwaa 27:11.

3. Vɛɛ Chɛhowa chɔm yɛ maa o kaala naa?

O suliŋnda Chɛhowa nɔ laŋ tɛɛŋ kpou, kaalaa cho o bɛndoo ni. Baabuiyo dimi pɛŋ aa, “Kaalaa Mɛlɛka cho ni.” (1 Chɔŋ 4:8) O cho ko o Baabuiyo niŋ te Chɛhowa chɔm mɛɛ kpɛ o kaala naa yɛ le. Kɛ hali nyɛm o toosiaa woŋ bɛɛ, ŋ chɔm mɛɛ o kaala naa yɛ. (Nuawɔ Walta Kiilaa 14:17.) Le tamaseliiyo, yiyaŋndɔ a mɛɛ o toosiaa naa yɛ. O ke naa kɔl kaloo le chɔɔ mɛɛ nyɔɔŋ nɔ kɔɔle yɛ yɛ leŋ yɛ. Ŋ nɔla vɛlɛ miŋ tuei nyɛchaa a nyɛdiaa kɛndɔɔ yeela. Hei chɔm kɛsɛ maa o yeema naa miŋ tuei yoomoo yeela.

CHƆƆLU YAASIAA

Pɛɛku ma sina nyɛ Chɛhowa soliŋ kpeku le sɔɔŋ kɔndɔfilloŋ tosaa wo. Okoŋ, ma che suliŋnda kɛndɛla o nɔ laŋ, a mɛɛ o chɔm ndaŋ yɛ.

4. Kpaaya Mɛlɛkaa nyina diandaa cho ni

Mɛɛ naŋ soliŋ bala naalaŋ kpeku le wallo tosaa yɛ Chɛhowa bɛɛ soliŋ nyina ndɔ diandaa kpeku ni. Baabuiyo mala naa le sinaa maa nyina diandaa cho nyɛ yoomaa le. Kɛ, kpaaya Mɛlɛka tosa wallo wo o cho ni. Nuawɔ Luku 11:13 a Walta Kiilaa 2:17, okoŋ mi la suukaŋ o nyunalaŋ ndaŋ choo:

Te ŋ nyuna pɛ Mɛlɛka le nyina ndɔ diandaa, o tiuba mbo “ke” naa ndu. Lelaŋ, a yiyaŋ pa maa nyɛ yoomaa nyina diandaa cho ni, ɔɔ kpaaya Mɛlɛkaa? Le yɛɛ ŋ dimi yɛ lende?

Nyina diandaa Chɛhowa soliŋ kpeku ni le sɔɔŋ kɔndɔfilloŋ tosaa. Nuawɔ Sam 33:6 a 2 Pitɛ 1:20, 21, okoŋ mi la suukaŋ o nyunaa hoo choo:

Ɔɔ nɛilaŋ lapum la Chɛhowa soliŋ niŋ nyina ndɔ diandaa kpeku laŋ?

5. Mɛlɛka kɛndɔɔ pila Chɛhowa cho ni

Wana wa Mɛlɛka piɛiyo o laalaŋndo choo wo Muuse wa ni. Kɛ ndoo yeema mbo chɔɔlu sina a Wana Toosiaa ndu wo okɔɔ. Le hei, mbo dimul Mɛlɛka aa: “Chɔm ya nyɛ ŋ kɛɛsiaa le tosaa wo, le mi sina Mɛlɛka suu ŋ cho wo.” (Ɛsɔdɔɔ 33:13, NWT) Okoŋ, mi Chɛhowa chɔm Muuse Mɛlɛka suu o cho wo. Nuawɔ Ɛsɔdɔɔ 34:4-6, okoŋ mi la suukaŋ o nyunalaŋ ndaŋ choo:

Suliŋnda kuɛɛ Chɛhowa nɔ yɛ mbo chɔm Muuse laŋ?
O suliŋnda Chɛhowalaŋ tɛɛŋ kinɛi, o kuɛɛ hiou yɛ num hɛnaŋ?

6. Chɛhowa buulaŋ a waŋchieeya

Wanaa Mɛlɛkaa Hibuluiya wa ni. Kɛ a teleŋ pilɛ, a wa saŋgaa o chɛleŋ niŋ Ichipi. Vɛɛ kɔllo wa yɛ Chɛhowa mɛɛ o che nda saŋgaa? Nuawɔ Ɛsɔdɔɔ 3:1-10 ɔɔ handu VIDUEI DIOMNDA NDA CHUA LAŊ mi la yaŋ nilaŋ. Okoŋ, mi la suukaŋ o nyunalaŋ ndaŋ choo:

VIDUEIYO: Mi Chɛhowa Cha Saŋga Nda Wa Niŋndo (2:45)

Vɛɛ bolle Baabuileŋ ndeŋ le mala yɛ num le sinaa maa, mi Chɛhowa tambu kɔl te o che pɛ waŋchieeya saŋgaa?—Tofawɔ sɔɔŋ 7 a 8.
A yiyaŋ pa maa Chɛhowa yeema kɛsɛ mbo mala waŋchieeya? O nɔla pa mbo tosa keŋ? Le yɛɛ ŋ dimi yɛ lende?

7. Nyɛm Chɛhowa toosiaa woŋ chɔm Mɛlɛka suu o cho wo

Te ŋ mɛɛndaŋ pɛ nyɛm Chɛhowa toosiaa woŋ, ŋ nɔla miŋ sina a suliŋnda ndɔlaŋ okɔɔ. Handu VIDUEIYO. Okoŋ ma nua Luomaŋnda 1:20, mi la suukaŋ o nyunaa hoo choo: