TIMOKO 07

Ngano Yehova bwe kena?

WÂ MU

Bwe mwinaka Nzambi’eto Yehova? Ngano wa nkatika wa nzitukulu mu monaka, mpe nkatika mala kena na nge? Peleko na ngolo zazingi mu monaka, kena na timuntu ko ntiana kwa nzazi? Mu matieleka, Yehova bwe kena? Bibila bifu bia Yehova dituzonzelaka. Bibila mpe ditêle ti beto kafwilaka tiari.

1. Mu bungu dia nti tulembo mwinaka Nzambi?

“Nzambi Mpeve yena.” (Za 4:24, NWT) Yehova kena na nitu ntiana ya beto ko. Mpeve yena yibâka ku zulu.

2. Ngano Yehova ntia bifu bie nandi?

Ka tulendi’â tamona Yehova ko. Kâ, bu tukwizi mu zabaka, mbo tukwizi mu zoloko mu bungu ti bifu bia mbote bie nandi, mpe wa matieleka wena. Bibila ditêle ti: “Yehova buderede kazoloko, mpe ka yambirikaka bantu bê ba kwikama kwe Yandi ko.” (Mikunga 37:28) Yehova “luzolo lwa mutima lwe nandi mpe tiari tia mutima kasongelaka,” vula-vula kwe bô bamonaka mpasi. (Zaki 5:11, NWT) “Yehova penepene kena na bô bê na mitima mia lwala; mbo kavukisaka bô bê ba nôka.” (Mikunga 34:18) Ngano wazebi ti Yehova ndiatulu’eto kabelokelaka lwaka? Muntu wusolaka mu yirika mbi, Yehova wuniongesaka, tiari mpe wumutâka. (Mikunga 78:40, 41) Kâ, muntu wuyirikaka misamu mia mbote nsayi wumutâka.—Tanga Bingana 27:11.

3. Bwe Yehova kasongelaka ti beto kazololo?

Tifu tiyôkele bunene kwe Yehova ni luzolo. Wa matieleka, “Nzambi Nkwa luzolo.” (1 Za 4:8, NWT) Yehova mu nzila ya Bibila kasongelaka luzolo lwandi, na ya bima bi kasala. (Tanga Bisalu 14:17.) Taluzula’eti mpila yi katusarila. Yehova watuhana lenda dia mona couleurs za toma, dia wâ mikunga mia toma na dia bimba bidia bia mbote. Yandi zololo ti tamwina luzingu nsayi.

YIKA NDILU

Longoka nti Yehova kasarilaka mu sala bima bia nzitukulu. Buna tala bwe Yehova kasongelaka bifu biandi bia mbote.

4. Mpeve santu—Ngolo za sarila za Nzambi

Ntiana bu tusarilaka moko mu sala bisalu, Yehova mpeve santu’andi kasarilaka. Bibila ditêle ti mpeve santu ka Nzambi’â ko, kâ ngolo zi kasarilaka mu sala bima. Tangeno Like 11:13 na Bisalu 2:17, mpe zonzeleno biyuvu ebi:

Nzambi mbo “kahombola” mpeve santu’andi kwe bô bamulombaka yo. Buna, ngano mpeve santu ni Nzambi, peleko ngolo zi sarilaka Nzambi? Mu bungu dia nti ta têla bo?

Yehova mpeve santu kasarilaka mu sala bima bia nzitukulu. Tangeno Mikunga 33:6 na 2 Piere 1:20, 21, mpe zonzeleno tiyuvu eti:

Ngano Yehova bwe kayizi sarila mpeve santu’andi?

5. Yehova bifu bia mbote bie nandi

Mose tisari tia kwikama tia Nzambi tieri, kâ Mose wadinga mu zaba bubote Yandi wamusala. Buna Mose watâ kwe Yehova: “Kunsongela nzila zaku ngatu nakuzaba.” (Ndukulu 33:13) Yehova wamuhana mvutu mpe ni kamusongela bifu biandi. Tangeno Ndukulu 34:4-6, mpe zonzeleno biyuvu ebi:

Ntia bifu Yehova kasongela kwe Mose?
Ntia tifu tia Yehova tomo zoloko?

6. Yehova bantu kafwilaka tiari

Kanda dia Nzambi, Bahebre, ngamba zeri ku Ezipte. Bwe mpasi zawu zafwemesena Yehova? Wêno AUDIO peleko tangeno Ndukulu 3:1-10. Ha manima zonzeleno biyuvu bita landa.

AUDIO: Yehova mpasi zawu keri kipaka (2:45)

Nti tinsamu ti tita ku longesa mu mpila Yehova yi kamwinaka mpasi za bantu?—Tala verse 7 na 8.
Bwe ta banza, ngano Yehova nsatu ye nandi ya bakisa bantu, mpe ngano lendi bwa sa? Mu bungu dia nti?

7. Tulendi longoka mu zaba Yehova mu nzila ya bima bi kasala

Yehova bifu biandi kasongelaka mu nzila ya bima bi kasala. Taleno VIDEO. Ha manima tangeno Bisi-Rome 1:20, mpe zonzeleno tiyuvu tita landa.