XØRꞸ 07
¿Ja ga ngeje e Jehová?
¿Ja gi kjijñige ke ngeje e Jehová? ¿Gi kjijñige ke me na zɇzhi ñe bʼꞹbʼꞹ me na je̱e̱, nzakja yo tanseje kja na galaxia? Maxke ¿gi kjijñi ke me na zɇzhi ñe ke dya søø ri mange ja ga ngeje, nzakja ma me yꞹrꞹ ga pjⱥjnⱥ na juɇnsʼi? Nuʼma, ¿ja ga ngeje e Jehová? Kja nu Jñaa, ne Biblia, e Jehová xitsiji ja ga nge angeze ñe ja ga zøʼø ko yo ri kjagøji.
1. ¿Pjenga dya søø ra janrraji e Mizhokjimi?
“Mizhokjimi ngeje espíritu” (Juan 4:24). Jehová dya pɇsʼi na kuerpo nzakjazgøji. Angeze ngeje na espíritu ke bʼꞹbʼꞹ ajensʼe, nu ja dya søø ra janrraji.
2. ¿Ja ga kjaa e Jehová?
Zø dya søø ra janrraji e Jehová, ma ri pa̱ra̱ji angeze kjaa ke ra sʼiyaji nangeje me na jonte. Kja ne Biblia mama: “Jehová sʼiya ne justicia ñe dya ra jyɇzi yo matrʼꞹ angeze” (Salmo 37:28). Xo me “juentse ñe ga mbøsʼꞹ” yo ntee yo me supjreji (Santiago 5:11). “Jehová bʼɇxtrjo ga bʼꞹbʼꞹ ko yo me sichʼi o mꞹbʼꞹ; pjøsʼꞹ yo me to̱gꞹ o mꞹbʼꞹ” (Salmo 34:18). ¿Gi pa̱rge ke søø ra kjaji ke ra mⱥjⱥ e Jehová o ra søxi? Kʼe ntee ke nee ra tsjaa kʼo na sʼoo, kjaa ke ra søxi o mꞹbʼꞹ (Salmo 78:40, 41). Pe kʼe ntee ke kjaa kʼo na joo, kjaa ke e Jehová ra mⱥjⱥ (xørꞹ Proverbios 27:11).
3. ¿Ja ga ñetse ke Jehová sʼiyazꞹji?
Nu cualidad ke mazi na mubi, ngeje ke Jehová sʼiya. Ja̱a̱, “Mizhokjimi me sʼiya” (1 Juan 4:8). Ñetse ke Jehová me sʼiyazꞹji nangeje o dyakꞹji ne Biblia ñe kʼꞹ o dyⱥtrʼⱥ texe (xørꞹ Hechos 14:17). Tsjijñi ja ba dyⱥkøji. O tsjaa ke ra janrraji na punkjꞹ color, ra søji na joo ma ri ⱥrⱥji bʼizhi ñe yo ri siji ri søji ke me na kijmi. Angeze nee ke me ra mⱥji rga minji.
TEXE YO JÑAA KE ME NI MUBI RA PA̱RA̱JI
Ra nuji ja ba tsjaa e Jehová texe yo kjakꞹji me ra kentrjoji. Kjanu ra nuji ja ga kjaa angeze.
4. Ne espiritu santo: nge o zɇzhi Mizhokjimi kʼꞹ kjaa texe kʼo nee
Nutsʼkøji ko in dyɇji ri kjagøji kʼo ri neji, e Jehová ko nu espíritu santo kjaa texe kʼo nee. Kja ne Biblia dya mama ke ne espíritu santo ngeje na ntee, mama ke nge o zɇzhi Mizhokjimi ko kʼꞹ kjaa texe kʼo nee. Xørꞹbi Lucas 11:13 ñe Hechos 2:17, ñe ri chjꞹrꞹbi ne trʼønꞹ nu ba e̱je̱:
-
Mizhokjimi ra unꞹ o espíritu santo kʼo ntee ke øtꞹji. Natsʼkʼe, ¿pje gi kjijñige ne espíritu santo ngeje na ntee, o ngeje o zɇzhi Mizhokjimi ko nu kʼꞹ o dyⱥtrʼⱥ texe? ¿Pjenga gi kjijñige akjanu?
Ko nu espíritu santo Jehová kjaa texe kʼo nee. Xørꞹbi Salmo 33:6 ñe 2 Pedro 1:20, 21, ñe ri chjꞹrꞹbi ne trʼønꞹ nu ba e̱je̱:
-
¿Pje o tsjaa e Jehová ko nu espíritu santo?
5. Jehová pɇsʼi cualidades ke me ri negøji
E Moisés mi matrʼꞹ e Jehová. Zø mi nge akjanu, xi mi nee ro mba̱ra̱ ja ga kjaa angeze. Ngekʼua e Moisés go xipji: “Jitsi in ñʼii ngekʼua ra pa̱kʼa̱” (Éxodo 33:13). Jehová o nrrꞹrꞹ ñe go xipji janzi cualidades. Xørꞹbi Éxodo 34:4-6 ñe ri chjꞹrꞹbi yo trʼønꞹ yo ba e̱je̱:
-
¿Pje ma cualidades go xipji Jehová a e Moisés?
-
¿Pje ma cualidad ke pɇsʼi e Jehová mazi gustatsʼꞹ?
6. Jehová me sʼiya yo ntee
Kʼo hebreo, mi ngeji o jñiñi e Mizhokjimi mi jingua, go ngeji esclavo a Egipto. ¿Ja ma zøʼø e Jehová ma mi janrra ke mi supjreji? Dyⱥrⱥbi ne AUDIO ñe ri sꞹtʼꞹbi ne xørꞹ, o ngextrjo xørꞹbi Éxodo 3:1-10. Ñe ri chjꞹrꞹbi yo trʼønꞹ yo ba e̱je̱:
-
Yo mama ne Biblia, ¿pje jitsʼi ja ga zøʼø e Jehová ma janrra ke yo ntee supjreji? (Xørꞹbi yo versículo 7 ñe 8).
-
¿Gi kreoge ke e Jehová bʼemi nee ra mbøsʼꞹ yo ntee? ¿Gi kjijñige ke søø ra tsjaa? ¿Pjenga gi kjijñi akjanu?
7. Texe yo bʼꞹbʼꞹ ñetse ja ga ngeje e Jehová
Ko texe kʼo o dyⱥtrʼⱥ e Jehová jitsiji ja ga nge angeze. Jñanrrabi ne VIDEO. Kjanu xørꞹbi Romanos 1:20 ñe ri chjꞹrꞹbi ne trʼønꞹ nu ba e̱je̱:
-
¿Pje ma cualidad ke pɇsʼi e Jehová gi janrrage kja texe kʼo o dyⱥtrʼⱥ?
BʼꞸBʼꞸ KʼO MANJI: “Mizhokjimi ngeje na zɇzhi kʼꞹ bʼꞹbʼꞹ kja texe ne xoñijomꞹ, dya ngeje na ntee ke søø ra pa̱ra̱ji ja kjaa angeze”.
-
¿Pje gi kjijñige?
-
¿Pjenga gi kjijñi akjanu?
KʼO YA RO NUJI
Jehová ngeje na espíritu ngekʼua dya søø ra janrraji. Pɇsʼi cualidades ke me na joo, dʼaja nge ke sʼiya.
Pje gi mbeñege
-
¿Pjenga dya søø ra janrraji e Jehová?
-
¿Pje nge ne espíritu santo?
-
¿Pje ma cualidades pɇsʼi e Jehová?
XE SØØ RI PA̱RA̱
Xørꞹ yo nziyo cualidades ke me na joo ke pɇsʼi e Jehová, akjanu ri pa̱ra̱ na joo ja ga kjaa angeze.
Ñuge pjenga e Jehová dya bʼꞹbʼꞹ kja texe yo o dyⱥtrʼⱥ.
“¿Bʼꞹbʼꞹ Mizhokjimi kja texe yo o dyⱥtrʼⱥ?” (Xørꞹ kja jw.org)
Ñuge pjenga ne Biblia mama ke ne espiritu santo nge nzakja “o dyɇɇ” e Mizhokjimi.
Na bʼɇzo ke mi ngoro dya mi kreo ke e Diosi mi sʼiya. Jñanrra pje go mbøsʼꞹ ngekʼua dya kja ro ngijñi akjanu.
“Nudya ri søʼø ke søø ra pjøsʼꞹ yo dyaja” (La Atalaya, 1 de octubre de 2015)
Puede que también le interese
KʼO ME ØNꞸJI
¿Ja ga kjaa ne curso bíblico kʼꞹ unꞹji yo testigo e Jehová?
Kja ne curso interactivo søø ri xørꞹge ne Biblia kʼꞹ gi nege. Dya pje ri tsjontrʼꞹ. Søø ri zojnꞹge kja ne curso texe ni pjamiliage ñe yo ntee yo gi joge.
