PƐ MƐDÃPIA 07

Zi Kpɛɛ Lɛ Zihova Laa Ka?

À DA YƐƁO PÍÉ

Ye ɓaa i yɛlɛtaa e gbɛ̃a Zihova Wala mɔɔ, mɛɛ wɔ̃ lɛ e nu i yɛlɛ pie? Kea a kɛkɔɔ lɛ lepaazɛ, kɛɛ lɛ i ka gbekeni lɛ siaaŋele nia lɛ ɓe? Ɛɛ̃ ɓaa i yɛlɛtaaa, yikɛgaa laa kɛlɛ kɛɛ ye wá lɛ mi lɛ ɓe kpokpo ɓo, lɛ kelɛ fãa mɛgagazɛ lɛ ɓe? Zi kpɛɛ lɛ Zihova laa ka kpokpo ɓo? Baaboa lɛɛ Zihova zi yiikɔ bunuzɛ wa zi ko lɔkpɔɔ laa mɔɔ gee.

1. Mɛ e kɛ lɛ bɛi wa ko mɔ ko Wala gɛ̃?

“Wala lɛ Gɛɛ ka.” (Zɔ̃ɔ̃ 4:24) Zihova gbĩkpala wa lɛ mia gbĩkpala lɛ ɓe. Lɛ Gɛɛ lɛ koó gɛ̃ɛ ka lɛi sɛlɛ yi.

2. Zihova zi yiikɔ nia do lɛ e mɛɛ ka?

Yeɓoa, koó Zihova gɛ̃o, kɛɛ yɛ kɔaa a dɔɔ koo lɔkɛ a ka, ɓii lɛ kpokpo ɓo mi lɛ a sɔ̃ɔ̃ lɛ sɛɛ ka. Baaboa laa gee: “Zihova laa lɔkɛ wɔ̃ pulu ka, ɛ̃ɛ̃ lɛɛ́ lo e ko gbɛ̃ɛ̃ mia lɛ o gbini a lɛɛ o zo seĩ kaa mɔ.” (Sãã 37:28) Zeniia, a “paa lɛ mia yeĩ kũu ka,” kpokpo ɓoa mia lɛ o wàa ɓelepiaa, lɛɛ da o yeĩ yi. (Zĩĩ 5:11) “Zihova lɛ mia lɛ o zo kponɔɔ lɛ o gea ka kɔɛ, ɛ̃ɛ̃ lɛɛ gbũ mia lɛ o zo daa lɛ zizaaa mɔ.” (Sãã 34:18) Kea ɓaa yidɔ kelɛ koo bɛi wɔ̃ do kɛɛ lɛ e bɛi Zihova gelii ɛ̃ɛ̃ lɛ e bɛi a zoda zizaa? Mi lɛ e wɔ̃ yɔɔ yɔ e ge a kɛɛ, laa kɛ Wala zo aa to lɛi ɛ̃ɛ̃ a zo a da yeĩ yi. (Sãã 78:40, 41) Kɛɛ, mi lɛ e wɔ̃ kpeĩ kɛɛ lɛɛ a geli.—Pɔlɔvɛɛ 27:11 gee.

3. Zi kpɛɛ lɛ Zihova a zɔ̃ɔa kelɛ ko lɔkpɔɔ lɛ a mɔ?

Zihova zi yiikɔ nia beĩzɛ lɛ e lɔkɛamɔ kaa. Die ɓoa “Wala lɛ lɔkɛamɔ ka.” (1 Zɔ̃ɔ̃ 4:8) Ye wa nɔ Baaboa yi doo ka kɛɛ Zihova e la lɔkɛamɔ zɔ̃ɔ ko lɛɛ, kɛɛ a zɔ̃ɔ lɛ pɔɔ ni lɛ a kɛɛ kolola. (Apɔsɔlɔ 14:17 gee.) I lɛ gɛ̃ vɔ zi lɛ e ko kɛaa mɔ. E ko kɛ kɛɛ bɛi e kɛ ko mɔ kɛ ko pɛ-bɛ̃ɛ̃-nyiɛ yie yie gɛ̃, ko tã ɓo we yie yie ma, ɛ̃ɛ̃ kɔaa leɓele kɛ nɛinɛi kɔ dɔ. Laa naa ko kɛ gelizɛ ko kɛɓe yi.

A PIE FOO

Ko zi Zihova e pɔɔ nia kɛa e lepaazɛ kaa mɛdã. Ye aa kɛɛ koo lo zi Zihova ee zi yiikɔ yie yiea gee ɛ̃ɛ̃ zɔ̃ɔ a kaa gɛ̃ɛ.

4. Gɛɛ pulua—Wala la yikɛgaa

Lɛ zi nɔ ko yɛɓo kɛa ko kɔ kaa, lɛ Zihova e yɛɓo kɛa la gɛɛ pulua kaa. Baaboa laa zɔ̃ɔ kelɛ gɛɛ pulua ye wa mi ka, kɛɛ lɛ Wala la yikɛgaa lɛ e yɛɓo kɛaa ka. Ko Luu 11:13 wa Apɔsɔlɔ 2:17 gee, ɛ̃ɛ̃ kɛ ko wɛĩlɔɔ ni o kea yiɓo:

Wala lɛɛ lo la gɛɛ pulua nɔɔ mia lɛ o a pɛ̃ a mɔɔ lɛɛ. A mɔɔ wɔ̃ mɔɔ, ii bɛi a gee Wala la gɛɛ pulua lɛ mi ka, maa lɛ Wala la yikɛgaa ka? Mɛɛ ɓa mɔɔ a gee ɓo kili?

Zihova lɛɛ la gɛɛ pulua da yɛɓo pie aa wɔ̃ lepaazɛ kɛ a ka. Ko Sãã 33:6 wa 2 Pilɛ 1:20, 21 gee, ɛ̃ɛ̃ kɛ ko wɛĩlɔɔ e kea yiɓo:

Zi bunuzɛ kpɛɛ lɛ Zihova e la gɛɛ pulua daa yɛɓo pie?

5. Zihova zi yiikɔ nia lɛɛ mia zo si

Mooze e kɛ gbiniwalalɛɛmi zodɔamɔzɛ ka, kɛɛ a naa ee Kɛmi dɔ kpokpo ɓo. A mɔɔ wɔ̃ mɔɔ, Mooze a gee Wala lɛɛ: “A kɛ m i sɔ̃ɔ̃ dɔ, kɛ m i dɔ kpokpo ɓo.” (Ɛselɔ 33:13) Lɛ e kɛɛ, Zihova e Mi lɛ E a kaa zɔ̃ɔ Mooze lɛɛ. Ko Ɛselɔ 34:4-6 gee, ɛ̃ɛ̃ kɛ ko wɛĩlɔɔ ni o kea yiɓo:

Zihova zi yiikɔ nia ye kpɛɛ lɛ a zɔ̃ɔ Mooze lɛɛ?
Zihova zi yiikɔ nia ye kpɛɛ lɛ e i zo si?

6. Zihova lɛɛ kpaa mia ka

Wala la mia ni lɛ o kɛ Hiibulu mia kaa o kɛ luo ka Ize. Zi kpɛɛ lɛ Zihova ee yɛlɛtaa e gbɛ̃a wàa lɛ la mia ni o kɛ a ɓelepiaa mɔ? Koo bɛi ko too dɔɔ a WEEA mɔ ko to a pie, ɛ̃ɛ̃ Ɛselɔ 3:1-10 gee. Kɛ ko wɛĩlɔɔ ni lɛ o to a piea yiɓo.

WEE: Zihova E Kpaa Mɔ La Mia Ni Ka Lɛ O Kɛ Wàa Ɓelepiaa Ka (2:45)

Mɛɛ wɔ̃ lɛ a ye e kea a gee ko lɛɛ e gbɛ̃a zi Zihova ee yɛlɛtaa kaa mɔ, ye mia waa kɛ wàa ɓelepiaa ka? —A lonipia 7 wa 8 gɛ̃.
Kɛa Zihova laa naa kpokpo ɓo e gbũ mia mɔ, ɛ̃ɛ̃ bɛi laa mɔ a kɛ kili? Mɛɛ wɔ̃ wɛĩ?