LISOMU LA 07

Yehova Jubi na Sipa Bole?

INA

Gupata picha bo paguholale kunhusu Yehova Mungo? Bo, gunzogopa nukuhisi kwamba ngase guwesa kuba gunkosi jwaki kwa ndaba jubi kutali ngani kama pe ndondu eibi kutale? Au bo, guwasali gabi pe makili fulani ganga na bwomi kama pe mngulumu gwi kitobe? Yehova jubi na sifa bole? Kupete lilobi laki, Bibilia, Yehova juelasi baazi ja sifa yaki nu kulangi kwamba jutenda kugujali.

1. Ndaba jaki ngasetuwesa kummbona Mungo?

“Mungu jubi Loho.” (Yohana 4:24) Yehova ngasejubi na yega kama jika mundo. Jwombi jubi loho nu jutama kumbinguni, mahali ambapu ngasetuwesa kupabona.

2. Yehova jubi na sifa bole?

Ingawa ngasetuwesa kumbona Yehova, jwombi jubi, na patulibola kunhusu tumpala kwa ndaba ja sifa yaki yeivutia. Bibilia jipwaga: “Yehova jupala haki, na jwombi ngajwaaleki akamulani baki.” (Zaburi 37:28) Kabe, jwombi ndo “jojubi nu upalani mwololu ngani nujubi na lehema,” hasa kwa bandu baateseka. (Yakobo 5:11) “Yehova jubi kalibu na baatunwiki mwoju; jwaoko baakatiki tamaa.” (Zaburi 34:18) Bo, gumanyiki kwamba tuwesa kunhumisa au kunfulahisha Yehova? Mundu jojuamu kuhenga mambu giliaha anhumisa nu kunhuzunisha. (Zaburi 78:40, 41) Lakini mundu jojuhenga mambu gasapi anfulahisha jwombi.—Soma Methali 27:11.

3. Yehova julangibo kwamba jutei kutupala?

Sifa ngolongu jika Yehova ndo upalani. Na kwa sakaka, “Mungu ndo upalani.” (1 Yohana 4:8) Yehova juyekwi upalani gwaki kupete Bibilia nukupete indu yejubombiki. (Soma Matendo 14:17.) Kwa mfanu, holalya jinsi ejutubombiki. Jutupeki uwesu gukwibona langi malidadi, kujogwane muziki gwasapi, nukutogule posu jejinoi. Jupala tutogulya maisha.

HEMBA NGANI

Libola jinsi Yehova ejutimisa mambu gingi gasapi. Halafu gulinga jinsi ejuyekwi nu kulangi sifa yaki yeivutia.

4. Loho takatifu ndo makili gika Mungu guutendaji

Kama twe etutumi maboku kuhenga kasi, Yehova jutumi loho jaki takatifu kutimisa mambu. Bibilia jielesa kwamba loho takatifu nga mundo, ila makili gajutumi Mungu kuhenga kasi yaki. Soma Luka 11:13 na Matendo 2:17, halafu nndongalya maswali ganga:

Mungu ‘jwajimimana’ loho jaki takatifu panani ja babundoba. Henu guholale loho takatifu ndo mundu au makili gika Mungu gu utendaje? Ndaba jaki gujibu hela?

Yehova jutumi loho jaki takatifu kutimisa mambu gingi gasapi. Soma Zaburi 33:6 na 2 Petro 1:20, 21, halafu nndongalya liswali lende:

Yehova jutumi loho jaki takatifu katika indela bole?

5. Yehova jubi na sifa yeivutia

Musa ntumishi mwaminifu juka Mungu jwatamana kummanya Muumba jwaki ngani. Kwa hiyu Musa ampwagila Yehova ana: “Gumbundisa indela yaku ili nugumanyaje.” (Kutoka 33:13) Hela, Yehova ampwagila Musa baazi ja sifa yaki. Soma Kutoka 34:4-6, halafu nndongalya maswali ganga:

Ibi sifa bo ambayu Yehova anhyekulya Musa?
Ibi sifa bo ika Yehova yeyuguvuti ngane?

6. Yehova jwaajali bandu

Aebrania, bababi bandu bika Mungu, bakabi atumwa ku nchi ju Kumisri. Yehova jwahisia bo paatesikaje? Kina LEKODI JUKUPELAKANE nu mpwatana nu usomaji hogu, au soma Kutoka 3:1-10. Halafu nndongalya maswali gagapwata.

LEKODI JUKUPELAKANE: Yehova Jutendika Kwaajali Paatesika (2:45)

Lisimulizi heli lugupundisa ki kuhusu jinsi Yehova ejuhisi bandu paateseka?—Linga mstali gwa 7 na 8.
Bo, guwasali kwamba Yehova jupala kwajangati bandu, na bo, jubi nu uwesu gukuhenga hela? Ndaba jaki guholale hela?