TLAMACHTILI 07
¿Kenijkatsa eli Jehová?
¿Kenijkatsa timoiljuia eli toTeotsij? ¿Timoiljuia itstok tlauel uejkapa uan yeka amo mitstlakakilis kema tijnojnotsas? ¿O timoiljuia eli se tlamantli tlen kipia miak chikaualistli uan tlen amo tleno kiyolmati? ¿Kenijkatsa nelnelia eli Jehová? Biblia kiijtoua tlake kuajkuali tlamantli kinextia uan kitekipachoua tlen mitspano.
1. ¿Kenke amo ueli tikitaj toTeotsij?
“ToTeko Dios yajaya se tonaltsi” (Juan 4:24). Jehová amo kipia itlakayo kej tojuantij pampa ya amo ueli tikitaj uan itstok iluikak.
2. ¿Tlake kuajkuali tlamantli kinextia toTeotsij?
Maske Jehová amo ueli tikitaj, kema tikixmatij peua tikikneliaj pampa tikitaj kinextia miak kuajkuali tlamantli. Biblia kiijtoua: “ToTeko kipaktia tlen xitlauak uan axkema kinuejkamajkauas iaxkauaj tlen itstokej temachmej” (Salmo 37:28). Nojkia “tlauel teiknelia uan tetlasojtla”, uan kiampa kichiua ika maseualmej katli tlauel tlaijiyouiaj (Santiago 5:11). “ToTeko itstok ininnechka tlakamej tlen mokuesouaj. Uan kinmakixtia” (Salmo 34:18). ¿Tijmatiyaya uelis tijyolpakiltis o tijyolkokos Jehová? Ya moyolkokoua kema se akajya kichiua tlen amo kuali (Salmo 78:40, 41). Uan yolpaki kema se akajya kichiua tlen kuali (xijpoua Proverbios 27:11).
3. ¿Kenijkatsa kinextia Jehová techiknelia?
San Jehová tlauel teiknelia pampa ya eli “teiknelijkayotl” (1 Juan 4:8). Jehová kinextia techiknelia ika nochi tlen kichijchijtok uan nojkia pampa techmakatok Biblia (xijpoua Hechos 14:17). Ximoiljui kenijkatsa techchijchijtok Jehová, ya kineki ma tiyolpakikaj yeka kichijki ma tikitakaj yejyektsitsij colores, ma tiyolpakikaj kema tijkakij uikatl uan kema tijkuaj se tlamantli tlen ajuiyak.
KUALI XIMOMACHTI
Ma tikitakaj tlake kitekiuia Jehová uan kiampa kichiua uejueyi tlamantli. Uan nojkia ma tikitakaj kenijkatsa kinextia kuajkuali tlamantli.
4. ToTeotsij itonal eli ichikaualis
Kema titekitij tijtekiuiaj tomax uan Jehová kitekiuia itonal. Biblia kiijtoua toTeotsij itonal amo eli se maseuali, san eli ichikaualis. Uan ika ichikaualis kichiua nochi tlen ya kineki. Xijpouakaj Lucas 11:13 uan Hechos 2:17 uan xijnankilikaj ni tlajtlanili:
-
ToTeotsij kinmaka itonal katli kitlajtlaniaj, uajka ¿timoiljuia itonal eli se maseuali o eli ichikaualis? ¿Kenke kiampa timoiljuia?
Jehová kichiua uejueyi tlamantli ika ichikaualis. Xijpouakaj Salmo 33:6 uan 2 Pedro 1:20, 21 uan xijnankilikaj ni tlajtlanili:
-
¿Tlake tlamantli kichijki Jehová ika ichikaualis?
5. Jehová kinextia kuajkuali tlamantli
Maske Moisés kichiuayaya tlen Jehová kiiljuiyaya, ya nojua kinekiyaya kuali kiixmatis. Yeka kiiljuik: “Xinechiljui tlake mopakilis para nijchiuas uan keja nopa más uelis nimitsixmatis” (Éxodo 33:13). Jehová kiiljuik Moisés tlake kuajkuali tlamantli kinextiyaya. Xijpouakaj Éxodo 34:4-6 uan xijnankilikaj ni tlajtlanili:
-
Kema Jehová kikamanaljuik Moisés, ¿tlake kuajkuali tlamantli kiijtok kinextia?
-
¿Tlake kuajkuali tlamantli tlen Jehová kinextia tlauel mitspaktia?
6. Jehová kitekipachoua tlen kinpano maseualmej
Israeleuanij eliyayaj katli uejkajkia kiueyichiuayayaj Jehová, inijuantij kinchiualtiyayaj tlauel ma tekitikaj ipan Egipto. ¿Kenijkatsa kiyolmatki Jehová kema kiitak tlauel tlaijiyouiyayaj? Xijtlakakilikaj nopa AUDIO uan xikitstiakaj ipan inmoBiblia o san xijpouakaj Éxodo 3:1-10. Teipa xijnankilikaj ni tlajtlanili:
-
Kej kiijtoua ni tlapoualistli, ¿kenijkatsa kiyolmati Jehová kema kiita titlaijiyouiaj? (Xikitakaj versículos 7 uan 8).
-
¿Timoiljuia Jehová nelnelia kineki techpaleuis? ¿Timoiljuia kena uelis techpaleuis? ¿Kenke kiampa timoiljuia?
7. Jehová kinextia kuajkuali tlamantli ika tlen kichijchijtok
Ika tlen kichijchijtok Jehová kinextia kenijkatsa eli. Xikitakaj nopa VIDEO. Teipa xijpouakaj Romanos 1:20 uan xijnankilikaj ni tlajtlanili:
-
¿Tlake kuajkuali tlamantli kinextia Jehová ika tlen kichijchijtok?
TLEN SEKINOK KIIJTOUAJ: “Amo uelis tikixmatisej toTeotsij”.
-
¿Ta tlake timoiljuia?
-
¿Kenke kiampa timoiljuia?
TLEN TIMOMACHTIJKEJ
Jehová amo eli kej tojuantij yeka amo ueli tikitaj. San ya tlauel teiknelia uan kinextia sekinok kuajkuali tlamantli.
¿Tlake tijyekok?
-
¿Kenke amo ueli tikitaj Jehová?
-
¿Tlake eli toTeotsij itonal?
-
¿Tlake kuajkuali tlamantli kinextia Jehová?
NOJKIA XIKITA NI
Tlaj tijneki nojua kuali tikixmatis Jehová xikita naui kuajkuali tlamantli tlen kinextia.
“¿Kenijkatsa eli toTeotsij?” (Tlen Tematiltia, pilamochtsi 1, 2019)
Xikita tlake tlamantli kinextia Jehová amo itstok kampa ueli.
Xikita kenke Biblia kiijtoua toTeotsij itonal eli kejuak imax.
Se tlakatl katli amo ueli tlachia moiljuiyaya toTeotsij amo kiikneliyaya. Xikita tlake kipaleuik ayokmo kiampa ma moiljui.
“Nama ueli nikinpaleuia sekinok” (Tlen Tematiltia, tlamachtili)
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
