TAMACHTILIS 07
¿Keniuj tamati Jiova?
¿Keniuj tikonnemilia ke tamati Jiova? Sekin kinemiliaj ke Dios semi ueyichiujkej uan ke amo ueli se mouika iuan porin uejka yetok. Oso ke semi kipia chikaualis sayoj ke amo tetasojta. Sayoj ke, ¿keniuj yekmelauj tamati Jiova? Yejuatsin techiluia itech Biblia. Uan no, ompa kijtoua ke semi moka motekipachoua.
1. ¿Keyej amo ueli tikitaj Dios?
“Dios se espíritu” (Juan 4:24, TNM). Jiova amo chijchiujtok kemej tejuan. Yejuatsin se espíritu akin nemi iluikak uan amo ueli tikitaj.
2. ¿Keniuj tamati Jiova?
Maski Jiova amo ueli tikitaj, peua tiktasojtaj keman tikixmatij porin yekmelauj nemi uan semi kualtsin kemej tamati. Biblia kijtoua: “Jiova kitasojta melaujkayot, uan amo kinkauas akin amo kikauaj” (Salmo 37:28). Uan no, “semi teyoliknelia uan teyoltasojta”, okachiok kinextia iniuan akin tajyouijtokej (Santiago 5:11). “Jiova iniuan yetok akin tajyouijtokej; kinmakixtia akin tayokoxtokej” (Salmo 34:18). ¿Tikonmatia ke tein tikchiuaj uelis kiyolkokos oso kiyolpaktis Jiova? Yejua ika, kiyolkokoua akin kichiua tein amo kuali (Salmo 78:40, 41). Sayoj ke, akin kichiua tein kuali kiyolpaktia (xikonita Proverbios 27:11).
3. ¿Keniuj Jiova kinextia ke techtasojta?
Netasojtalis yejua tein Jiova okachi kinextia “porin to Dios [...] tetasojtatinemi” (1 Juan 4:8). Jiova amo sayoj itech Biblia techiluia ke techtasojta, ta no porin kichijchiuak nochi tein onkak (xikonita Hechos 14:17). Xikonnemili keniuj techchijchiuak. Ueli tikitaj tataman colores, techyolpaktia tatsotson uan kichiuak maj tikuelilikan tein tikuaj porin Jiova kineki maj tiyolpakikan.
MAJ OKACHI TIMOMACHTIKAN
Maj tikitakan keniuj Jiova kichiua tein se kimoujkaita. Uan maj tikitakan seki taman kemej technextilia ke tamati.
4. Yektikatsin espíritu: ichikaualis Dios tein tekititok
Ijkon kemej tejuan titekitij ika tomauan, Jiova kichiua seki taman ika iyektikatsin espíritu. Biblia amo kijtoua ke yektikatsin espíritu se aksa, ta ichikaualis tein ika kichiua miak taman. Xikitakan Lucas 11:13 uan Hechos 2:17, uan ika xitajtokan nejin:
-
Dios kinmakas iyektikatsin espíritu akin kitajtaniaj. Yejua ika, ¿tikonnemilia ke yektikatsin espíritu yejua Dios oso ichikaualis Dios? ¿Keyej?
Jiova kichiua miak taman tein se kimoujkaita ika iyektikatsin espíritu. Xikitakan Salmo 33:6 uan 2 Pedro 1:20, 21, uan ika xitajtokan nejin:
-
¿Toni kichiuani Jiova ika iyektikatsin espíritu?
5. Semi tikuelitaj kemej Jiova tamati
Maski Moisés nochipa kitekitiliaya Dios, kinekia okachi kiixmatis iTachijchiujkauj. Yejua ika kiluij: “Xinechixmatilti moojuan uan ijkon nimitsixmatis” (Éxodo 33:13). Keman Jiova kinankilij Moisés, yejuatsin kiluij keniuj tamati. Xikitakan Éxodo 34:4-6 uan ika xitajtokan nejin:
-
Keman Jiova kinojnotsak Moisés, ¿keniuj kiluij ke tamati?
-
¿Toni tein Jiova kinextia okachi tikonuelita?
6. Jiova ininka motekipachoua nochin
Hebreos, akin kitekitiliayaj Dios ne uejkauj, katkaj takeualmej ompa Egipto. ¿Keniuj momachiliaya Jiova keman kiitaya ke kintajyouiltiayaj? Xikakikan AUDIO uan xikitstiakan, oso sayoj xikitakan Éxodo 3:1-10 uan ika xitajtokan nejin:
-
¿Keniuj momachilia Jiova keman kiita ke titajyouiaj? (Xikitakan versículos 7 uan 8).
-
¿Tikonnemilia ke Jiova kineki techpaleuis? ¿Uelis kichiuas? ¿Keyej ijkon tikonnemilia?
7. Ueli tikitaj keniuj tamati Jiova ika nochi tein onkak
Ueli tikixmatij Jiova keman tikitaj nochi tein kichijchiuak. Xikitakan VIDEO uan xikitakan Romanos 1:20 uan ika xitajtokan nejin:
-
¿Keniuj tikonita ke Jiova tamati ika tein kichijchiuak?
TEIN SEKIN KIJTOUAJ: “Dios sayoj se chikaualis tein yetok kampa yeski”.
-
¿Toni tikonnemilia tejuatsin?
-
¿Keyej ijkon tikonnemilia?
TEIN TIKITAKEJ
Jiova se espíritu uan yejua ika amo ueli tikitaj. Yejuatsin kinextia miak taman tein kuali uan tein okachi kinextia yejua netasojtalis.
Maj tikelnamikikan
-
¿Keyej amo ueli tikitaj Jiova?
-
¿Toni yektikatsin espíritu?
-
¿Keniuj tamati Jiova?
NO XIKONITA NEJIN
Kuali xikonixmati Jiova uan xikonita naui taman tein okachi kinextia.
“¿Keniuj tamati Dios?” (Tanejmachtijkej, tapoual 1 xiuit 2019)
Xikonita tein kinextia ke Jiova amo yetok kampa yeski.
“¿Está Dios en todas partes? ¿Es omnipresente?” (Artículo de jw.org)
Xikonita keyej Biblia kijtoua ke yektikatsin espíritu kemej yeskia “imauan” Dios.
Se takat akin amo tachia, kiouijmakaya kineltokas ke Dios ika motekipachoua. Xikonita toni kipaleuij maj amo ijkon tanemiliok.
“Ahora siento que puedo ayudar a los demás” (La Atalaya, 1 de octubre de 2015)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
