TLAMACHTIL 07
¿Uelis tikixmatiskej Jehová?
¿Ken timokuayejyekoua kipia iyelis Jehová? ¿Timokuayejyekoua ye ueyititok uan amo uelis iuan timotlapouis porque uejka kajki ijkon ken sitlalimej? ¿Noso timokuayejyekoua sapanoua chikauak uan amitlaj kimachilia? ¿Ken kipia iyelis Jehová? Itech Biblia kijtoua ken iyelis uan noijki kijtoua ye kineki techpaleuis.
1. ¿Tleka amo ueli tikitaj toTajtsin Dios?
“ToTajtsin Dios se espíritu” (Juan 4:24). Jehová amo ijkon ken tejuan. Ye se espíritu uan chanti ompa iluikak kanin amo ueli tikitaj.
2. ¿Ken iyelis Jehová?
Maski amo ueli tikitaj, peua tiktlasojtlaj ijkuak okachi tikixmatij. Tikajsikamatij melauak kajki uan kualtsin kipia iyelis. Biblia kijtoua Jehová nochipa kichiua tlen kuali uan amo keman kinkaua akinmej kitlakamatij (Salmo 37:28). Noijki tetlasojtla uan teiknomati uan okachi techiknomati ijkuak techpanoua tlen amo kuali (Santiago 5:11). “Jehová kajki inmiuan akinmej moyolkokouaj; ye kinmakixtia akinmej yolpatlachitokej” (Salmo 34:18). ¿Otikmatiaya tlen tikchiuaj uelis kiyolpaktis noso kiyolkokos Jehová? Akin san kineki kichiuas tlen amo kuali, kiyolkokoua (Salmo 78:40, 41). Pero akin mochijchikaua kichiuas tlen kuali, kiyolpaktia (xiktlajtolti Proverbios 27:11).
3. ¿Ken kiteititia Jehová techtlasojtla?
Ye sapanoua techtlasojtla uan Biblia kijtoua “toTajtsin Dios tlasojtlalistli” (1 Juan 4:8). Tikmatij Jehová techtlasojtla porque otechmakak Biblia uan noijki okichijchi miak tlamantli (xiktlajtolti Hechos 14:17). Ximokuayejyeko ken kuali otechchijchi. Ueli tikinmitaj miakej colores, ueli tikinkakij tlakuikalmej uan noijki tikpiaj miak tlakuali uelik. Ye kineki matiyolpakikan uan kuali matimomachilikan.
MATIMOMACHTIKAN
Matikitakan ken toTajtsin Dios ueli kichiua miak tlamantli uan satepan tikitaskej ken kiteititia ye melauak yolkuali.
4. ¿Tlen kichiua toTajtsin Dios ika iespíritu santo?
Tejuan titekipanouaj ika tomauan pero Jehová ika espíritu santo kichiua tlen kineki. Biblia amo kijtoua espíritu santo se tlakatl. Ompa kijtoua espíritu santo kijtosneki ichikaualis toTajtsin Dios. Xiktlajtoltikan Lucas 11:13 uan Hechos 2:17 uan satepan xikitakan tlen namechmachtia.
-
ToTajtsin Dios kinmaka iespíritu santo akinmej kitlajtlaniliaj. ¿Timokuayejyekoua tejuatsin espíritu santo se tlakatl? ¿Noso kijtosneki ichikaualis toTajtsin Dios tlen ika kichiua tlen ye kineki? ¿Tleka ijkon timokuayejyekoua?
Jehová ika iespíritu santo kichiua miak tlamantli kualtsin. Xiktlajtoltikan Salmo 33:6 uan 2 Pedro 1:20, 21 uan satepan xikitakan tlen namechmachtia.
-
¿Tlen yokichi toTajtsin Dios ika iespíritu santo?
5. Jehová yolkuali uan kichiua miak tlamantli kualtsin
Moisés nochipa okitekichiuili toTajtsin Dios pero okinekiaya okachi kixmatis Jehová. Ikinon Moisés okilui: “Techmachti motlanauatiluan para manimitsixmati” (Éxodo 33:13). Ikinon Jehová okilui ken kipia iyelis. Xiktlajtoltikan Éxodo 34:4-6 uan satepan xikitakan tlen namechmachtia.
-
¿Tlen okijto Jehová ijkuak okilui Moisés ken kipia iyelis?
-
¿Tlen okachi mitspaktia tlen kichiua Jehová?
6. Jehová kitekipachoua tlen techpanoua
Israelitas okatkaj itekipanojkauan toTajtsin Dios uan okatkaj ken tlakeualmej ompa Egipto. ¿Ken omomachiliaya Jehová ijkuak okitaya okintlajyouiltiayaj itekipanojkauan? Xikkakikan noso xiktlajtoltikan Éxodo 3:1-10 uan satepan xikitakan tlen namechmachtia.
-
Ijkon ken otikkakej, ¿tlen kimachilia Jehová ijkuak kita titlajyouiaj? Xikitakan versículos 7 uan 8.
-
¿Tikneltoka kineki techpaleuis? ¿Uelis ijkon kichiuas? ¿Tleka ijkon tikijtoua?
7. Nochi tlen onka techititia ken iyelis Jehová
Okachi tikixmatij Jehová ijkuak tikitaj tlen okichijchi. Xikitakan VIDEO. Satepan xiktlajtoltikan Romanos 1:20 uan satepan xikitakan tlen namechmachtia.
-
¿Tlen kiteititia nochi tlen okichijchi Jehová?
SEKIMEJ KIJTOUAJ: “Amo ueli tikitaj toTajtsin Dios, ikinon amo uelis tikixmatiskej”.
-
¿Tlen tikijtoua?
-
¿Tleka ijkon tikijtoua?
XIKILNAMIKTO
Jehová se espíritu, ikinon amo ueli tikitaj. Ye kipia kuali iyelis uan sapanoua tetlasojtla.
Matikojpauikan
-
¿Tleka amo ueli tikitaj Jehová?
-
¿Tlen kijtosneki espíritu santo?
-
¿Ken iyelis Jehová?
NIN NOIJKI MITSPAKTIS
Xikita naui tlamantli tlen techpaleuia okachi matikixmatikan Jehová.
“¿Ken iyelis toTajtsin Dios?” (Akin Tetlapouijtok, núm. 1, 2019)
Xikita tleka tikijtouaj Jehová amo san kanin kajki.
“¿Kajki toTajtsin Dios san kanin?” (Nin tlamachtil kajki itech jw.org/ncx)
Xikita tleka itech Biblia moijtoua espíritu santo yetoskia ken imauan toTajtsin Dios.
“¿Tlen kijtosneki espíritu santo?” (Nin tlamachtil kajki itech jw.org/ncx)
Se tlakatl tlen amo tlachia omokuayejyekouaya toTajtsin Dios amo kitlasojtla. Xikita tleka ayakmo ijkon mokuayejyekoua.
“Axkan nechpaktia nikinpaleuis oksekimej” (Akin Tetlapouijtok, 1 de octubre 2015)
Xamo noijki mitspaktis
TLEN MIAKEJ MOTLAJTLANIAJ
¿Ken tlamachtiaj iTlaixpantijkauan Jehová?
Ijkuak mitstlajpalotiuij iTlaixpantijkauan Jehová uelis timomachtis ika moBiblia. Noijki uelis tikinyoleuas mofamilia noso moyolikniuan mouan mamomachtikan.
