OSHILESHWA 07
Jehova okwa tya ngiini?
Uuna to dhiladhila kombinga yaJehova Kalunga, oshike hashi ya momadhiladhilo goye? Mbela oho dhiladhila kutya omunankondo noku li kokule natse a fa oonyothi ndhoka dhi li pombanda muuleleeka? Mbela oto dhiladhila kutya ke shi omuntu gwolela, ihe oku li owala oshinima shi na oonkondo dha fa dhoshikungulu? Mbela Jehova okwa tya naanaa ngiini? Jehova okwe ku lombwela omaukwatya ge gamwe mOohapu dhe, Ombiimbeli, nonokutya oku na ko nasha nangoye.
1. Omolwashike ihaatu vulu okumona Kalunga?
Ombiimbeli otayi ti: “Kalunga oye Ombepo.” (Johannes 4:24) Ke na olutu lwopanyama, ihe oku li omuntu gwopambepo. Oha kala megulu, mehala moka tse ihaatu vulu okumona.
2. Jehova oku na omaukwatya geni?
Nonando Jehova ihatu mu mono, oku li Omuntu gwolela ngoka e na omaukwatya omawanawa. Omaukwatya ngoka ogo hage tu inyengitha tu kale twa hala oku mu tseya notu kale tu mu hole. Ombiimbeli otayi ti: “Omuwa [Jehova] oku hole shoka shu uka noihe etha aantu ye aainekelwa.” (Episalomi 37:28) Oku li wo “omunesilohenda nomunalukeno,” unene tuu kaantu mboka taya mono iihuna. (Jakob 5:11) Ombiimbeli otayi ti: “Omuwa oku li popepi naamboka ya dhengwa pevi; nota hupitha mbo ya kanitha etegameno.” (Episalomi 34:18) Eihumbato lyoye otali vulu okunyanyudha Jehova nenge oku mu uvitha nayi. Mboka haya longo uuwinayi, ohaye mu nikitha oluhodhi noku mu geyitha. (Episalomi 78:40, 41) Ihe mboka haya longo shoka shu uka, ohaya nyanyudha omutima gwe. — Lesha Omayeletumbulo 27:11.
3. Jehova ohe shi ulike ngiini kutya oku tu hole?
Ohole oyo uukwatya waJehova wa dhenga mbanda. Ombiimbeli otayi ti nokuli kutya “Kalunga oye ohole.” (1 Johannes 4:8) Jehova ine tu ulukila owala ohole ye okupitila mOmbiimbeli, ihe okwe yi tu ulukila wo okupitila miinima mbyoka a shita. (Lesha Iilonga 14:17.) Pashiholelwa, natu tale momukalo moka e tu shita. Okwe tu shita hatu mono omalwaala gi ili nogi ili, hatu vulu okupulakena iihikomwa tayi kwelengendja nawa nohatu uvu omulyo gwiikulya tayi tokola elaka. Shoka otashi ulike kutya okwa hala tu kale monkalamwenyo twa nyanyukwa.
ILONGA OSHINDJI
Tala kutya Jehova oha longitha shike, opo a ninge iinima iikumithi. Tala nkene Jehova ha holola noha ulike omaukwatya ge omawanawa.
4. Ombepo ondjapuki oyo oonkondo dhaKalunga
Ngaashi owala tse hatu longitha iikaha yetu, opo tu ninge sha, Jehova naye oha longitha ombepo ye ondjapuki. Ombiimbeli otayi ti kutya ombepo ondjapuki kayi shi omuntu, ihe oonkondo ndhoka Kalunga ha longitha okuninga iinima. Lesha Lukas 11:13 nosho wo Iilonga 2:17, e tamu kundathana omapulo taga landula:
-
Kalunga ota ka “tilila” ombepo ye ondjapuki, kumboka taye yi pula. Ngele ota vulu oku yi tu pa, mbela sho to dhiladhila ombepo ondjapuki omuntu nenge oonkondo dhaKalunga? Omolwashike to tile ngawo?
Jehova oha longitha ombepo ye ondjapuki a ninge iinima iikumithi. Lesha Episalomi 33:6 nosho wo 2 Petrus 1:20, 21, e tamu kundathana epulo tali landula:
-
Iinima yimwe yini Jehova a ninga ta longitha ombepo ye ondjapuki?
5. Jehova oku na omaukwatya omawanawa
Moses okwa li ha longele Kalunga nuudhiginini, ihe okwa li a hala okutseya Omushiti gwe nawanawa. Onkee ano, Moses okwa pula Omushiti a ti: “Tseyithila ndje oondjila dhoye, opo ndi ku tseye.” (Eksodus 33:13) Jehova okwa yamukula Moses a ti ngiini? Okwe mu lombwele omaukwatya ge gamwe. Lesha Eksodus 34:4-6, e tamu kundathana omapulo taga landula:
-
Omaukwatya geni Jehova e na, ngoka a li a lombwele Moses?
-
Omaukwatya gaJehova geni wu hole unene?
6. Jehova oku na ko nasha naantu
Aaisraeli oya li muupika muEgipiti. Mbela Jehova okwa li u uvite ngiini, sho taya mono iihuna? Dhana OSHIKWAMAWI e to landula mOmbiimbeli yoye, nenge wu leshe Eksodus 3:1-10. Opo nduno tamu kundathana omapulo taga landula.
-
Ngaashi wa zi nokupulakena, Jehova oha kala u uvite ngiini uuna aantu taya mono iihuna? — Tala ovelise 7 no 8.
-
Sho to dhiladhila, mbela Jehova okwa hala ngaa shili oku tu kwathela, nota vulu tuu oku shi ninga? Omolwashike to tile ngawo?
7. Eshito otali holola omaukwatya gaKalunga
Jehova okwe tu hololela omaukwatya ge okupitila miinima mbyoka a shita. Dhana OKAVIDIO. Opo nduno lesha Aaroma 1:20, e tamu kundathana epulo tali landula.
-
Omaukwatya gaJehova geni wu wete miinima mbyoka a shita?
AANTU YAMWE OHAYA TI: “Kalunga ke shi omuntu, ihe ombepo ndjoka yi li owala apuhe.”
-
Mbela ngoye oto ti ngiini?
-
Omolwashike to tile ngawo?
OWI ILONGO SHIKE?
Jehova iha monika, oshoka ye Ombepo. Oku na omaukwatya omawanawa, ihe ohole oyo unene uukwatya we wa dhenga mbanda.
Omapulo geendululo
-
Omolwashike ihaatu vulu okumona Jehova?
-
Ombepo ondjapuki oshike?
-
Jehova oku na omaukwatya galwe geni?
UUYELELE WA GWEDHWA PO
Tseya oshindji kombinga yaJehova mokwiilonga kombinga yomaukwatya ge gane ga dhenga mbanda.
“Kalunga oku na omaukwatya ga tya ngiini?” (Oshungolangelo No. 1 2019)
Tala uumbangi mboka tawu ulike kutya Kalunga ke li kehe pamwe.
“Mbela Kalunga oku li apuhe?” (Oshitopolwa shi li kepandja lyetu lyokointaneta)
Tala kutya omolwashike Ombiimbeli tayi faathanitha ombepo ondjapuki niikaha yaKalunga.
“Ombepo ondjapuki oshike?” (Oshitopolwa shi li kepandja lyetu lyokointaneta)
Omulumentu omuposi okwa li ta kakadhala okwiitaala kutya Kalunga oku na ko nasha naye. Tala kutya oshike she mu kwathele a lundulule omadhiladhilo ge.
“Ondu uvite kutya otandi vulu okukwathela yalwe” (Oshitopolwa sha za mOshungolangelo)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
