LECCIÓN 07

¿Kén yawi Jehová?

XIKAKI PAN

¿Kén yawi Jehová?

Kua̱ titajla̱miki pan Jehová, ¿kén tikejla̱miki iga yawi yéj? ¿Tikejla̱miki iga pux weyi pero onoʼ pux wejka de téj, ken las estrellas yej onokej pux wejka? ¿O tikejla̱miki iga kipiá pux tajpal pero akimachi̱liá nité̱? ¿Kén nokta yawi Jehová? Pan Itajto̱l, la Biblia, Jehová tene̱xtiliá ken yawi yéj wan te̱ kimachi̱liá iga téj.

1. ¿Té íga awel tikitaj Dios?

«Dios yawi se̱ espíritu» (Juan 4:24, TNM). Jehová akipiá se̱ cuerpo yej kipiá inakayo wan iyomiyo. Yéj se̱ espíritu yej onoʼ pan el cielo, se̱ lugar yej awel tikitaj.

2. ¿Katiá sekin cualidades yej kipiá Jehová?

Jehová ayá̱ tikitaj, pero kua̱ tiki̱xmatij ma̱j tiknekij iga yéj se̱ persona yej onoʼ wan kichi̱wa yej ye̱kti. La Biblia kijtowa: «Jehová kineki mamochi̱wa yej ye̱kti wan akikajte̱was yej nochipa kitajto̱lkakij» (Salmo 37:28). Wan no̱ «pux te̱neki wan misericordioso», ma̱j wan las personas yej moyo̱lmiktijtokej (Santiago 5:11, TNM). «Jehová onoʼ na̱ de yej moyo̱lmiktijtokej; kima̱nawiá yej momachi̱liáj ise̱ltimej» (Salmo 34:18). ¿Tikmatiá iga tejeme̱n wel tikyo̱lpaktiáj o tikyo̱lmiktiáj Jehová wan yej tikchi̱waj? Siga se̱ persona kichi̱wa yej aye̱kti kiyo̱lmiktiá (Salmo 78:40, 41). Pero la persona yej kichi̱wa yej ye̱kti kiyo̱lpaktiá (xiktajto̱lti Proverbios 27:11).

3. ¿Kén kine̱xtiá Jehová iga te̱neki?

La cualidad yej ma̱j kine̱xtiá Jehová yawi nekilis. «Dios yawi nekilis» (1 Juan 4:8, TNM). Pan la Biblia wan pan nochi yej kichij Jehová kine̱xtiá iga te̱neki (xiktajto̱lti Hechos 14:17). Kén ejemplo, xitajla̱miki kén te̱chij. Kichij iga matikitakan colores yej pux mo̱nsajtiʼ, iga matikakikan takuikalismej wan matigajwiakmatigan o matikwelmatikan yej tikuaj. Yéj kineki matipa̱kikan.

MATIMOMACHTI̱KAN MA̱J DE INÍ̱N TEMA

Matimomachti̱kan kén Jehová kichi̱wa miak tejté̱. De ompa matikitakan ken Jehová kine̱xtiá imo̱nsaj cualidades.

4. El espíritu santo: Itajpal Dios iga kichi̱wa miak tejté̱

Tejeme̱n titekipano̱waj iga toma̱, wan Jehová iga iyespí̱rituj santo. La Biblia ayá̱ kine̱xtiá iga el espíritu santo maya̱wi se̱ persona, kine̱xtiá iga yawi itajpal Dios iga kichi̱wa nochi tejté̱. Xiktajto̱ltikan Lucas 11:13 wan Hechos 2:17, wan xitajto̱ka̱n de iní̱n:

Dios kimakas iespíritu santo yej kitajtaniliskej. ¿Tikejla̱miki téj iga el espíritu santo yawi se̱ persona, o itajpal Dios iga kichi̱wa miak tejté̱? ¿Té íga ijkó̱n tikejla̱miki?

Iga iespíritu santo Jehová kichi̱wa miak tejté̱. Xiktajto̱ltikan Salmo 33:6 wan 2 Pedro 1:20, 21, wan xitajto̱ka̱n de iní̱n:

¿Kén kinentij Jehová iespíritu santo?

5. Jehová kipiá cualidades yej te̱natecho̱wa ka̱n yéj

Moisés nochipa kichi̱waya yej Dios kineki. Pero aunke ijkó̱n yéj kinekiá makiye̱ʼixmati. Inó̱n iga Moisés kijlij: «Xine̱nextili moojtimej iga wel manimitsye̱ʼixmati» (Éxodo 33:13). Jehová kitajto̱lkuepaʼ kua̱ kijlij sekin de icualidades. Xiktajto̱ltikan Éxodo 34:4-6 wan xitajto̱ka̱n de iní̱n:

¿Katiá sekin cualidades yej Jehová kijlij a Moisés?
¿Te̱ cualidades de Jehová ma̱j tikye̱ʼita?

6. Jehová kineki la gente

Los hebreos, yajkij ia̱ltepe̱ʼ Dios, onoyaj ken esclavos pan Egipto. ¿Kén momachi̱lij Jehová kua̱ kitaya iga ia̱ltepe̱ʼ moyo̱lmiktia̱ya? Xikakikan el AUDIO wan xiktokakan la lectura, o san xiktajto̱ltikan Éxodo 3:1-10. Wan xitajto̱ka̱n de iní̱n:

AUDIO: Jehová y̱o̱lkualoʼ kua̱ kitaʼ iga ia̱ltepe̱ʼ moyo̱lmiktijtoya (2:45)

¿Te̱ mitsne̱xtiliá iní̱n relato de Jehová kua̱ kita iga la gente moyo̱lmiktiá? (Xikitakan los versículos 7 wan 8).
¿Tikijtowaya iga Jehová kineki mate̱pale̱wi? ¿Wel kichi̱wa? ¿Té íga ijkó̱n titajla̱miki?

7. Pan nochi yej onoʼ tikitaj icualidades Jehová

Jehová te̱ne̱xtiliá ken yawi yéj pan nochi yej kichij. Xikitakan el VIDEO. De ompa xiktajto̱ltikan Romanos 1:20 wan xitajto̱ka̱n de iní̱n: