CHILAYIJO 07
Jehova NdiMwali Ulichini?
Ini zunoswika mundangalilo iyo yopo pawunobeyeya nozwaJehova Mwali? Kana uyeya nozwobukulwana bubwe angaba kule nasu senyenyeji jikokudenga na? Kana kuti ubweni sofana unesimba chete sakampalanganda koga esineshe nabanhu? Jehova ulichini kasa? Jehova unoshingisa iWhi lilyeBhayibhili kukubuja zwaali akale kuti unokuda zulichini.
1. Neni tisinokwanisa kubona Mwali?
“Mwali uMpepo.” (Johani 4:24) Jehova aana umbili unanga sowedu. Unogala kudenga kwatisinokwanisa kumbona.
2. Jehova unabunhu bulichini?
Kojoba Jehova tisinokwanisa kumbona, tokwanisa kunziba nokunda sezwatinota unhu watibweni. IBhayibhili linoti: “Jehova unoda bululami akale aatosiya banhu balobimbika kunayiye.” (Lwimbo 37:28) “Uneshe neshungu” kasakasa kunabo banosheta. (Jemusi 5:11) “Jehova upo pelyo naabo banamyoyo ilohetela; unochija yabo baloshulubala.” (Lwimbo 34:18, mawhi apo pasi) Wabezuziba na kuti zwatinota zunokwanisa kunshantisa kana kunyeteja Jehova? Unhu unota zubi unonyemeja Jehova. (Lwimbo 78:40, 41) Koga unhu unota zulolulama unonshantisa.—Balani Zwichimbe 27:11.
3. Jehova unotondeja chini kuti unotida?
Bunhu bukulwana bwatinobona pana Jehova ludo lulwe. IBhayibhili linoti “Mwali ludo.” (1 Johani 4:8) Atitolayijwa nozoludo lwaJehova muBhayibhili chete koga nomuzunu zwaakabumba. (Balani Mishingo 14:17.) Sonkwejaniso, inzila yaakatibumba nayo inotondejela kuti Mwali unotida. Wakatibumba tikwanisa kuyeba maluba alosiyana-siyana, kuwhilila inyimbo jinonakilija akale nokunakilwa nokulya chikafu chinozipa. Jehova unoda kuti tinakilwe nobupenyu.
FUNDA ZUNJI
Layijwa kuti Jehova unoshingisani kuti ete zunu zunochenamisa. Akale bona kuti Jehova unotitondeja chini bunhu bubwe bubhodo.
4. Umpepo unchena isimba lyaMwali lyaanoshingisa
Sozwatinoshingisa maboko kuta mishingo ilosiyana-siyana, Jehova nayiye unoshingisa umpepo unchena kuta zwaanoda. IBhayibhilili linotondeja kuti umpepo unchena atobeli unhu koga isimba lilye lyaanoshingisa kuta zwaanoda. Balani Luka 11:13 naMishingo 2:17, akale kwejisani nemibhuzo yeyi:
-
Mwali “unopa” umpepo unchena uwe kunabo banonkumbila. Ubweni sofana umpepo unchena unhu kana kuti isimba lyaMwali? Neni udalo?
Jehova unoshingisa umpepo unchena uwe kuti ete mishingo inochenamisa. Balani Lwimbo 33:6 na2 Pita 1:20, 21, akale kwejisani nombuzo yoyu:
-
Ndiponi Jehova paakashingisa umpepo unchena uwe?
5. Jehova unabunhu bubhodo
Mozesi wakabeli unamati waMwali ulobimbika koga wakabeda kunziba zubuyanana umbumbi uwe. Mozesi wakati kuna iye: “Nditondejeni inzila jenu kuti ndimuzibe.” (Kubhuda 33:13) Jehova wakonshandula Mozesi embuja kuti ndiMwali ulichini. Balani Kubhuda 34:4-6, akale kwejisani nemibhuzo yeyi:
-
Ndibupi bunhu Jehova bwakatondeja Mozesi?
-
Ndibupi bunhu bwaJehova bwawunodisisisa?
6. Jehova unobabayilila banhu
BaIsraeli bakabenamata Mwali bakabeli balanda muIjipiti . Jehova wakawha chini nokusheta kwakabeta banhu babe? Zokuwhilila Zulorekodwa kana kuti balani Kubhuda 3:1-10. Akale kwejisani nemibhuzo inotobela.
-
Sozwawawha munyaya yeyi Mwali unowha chini kana ebona banhu besheta? Linga vesi 7 na8.
-
Ubweni sofana Jehova unoda kubhancha banhu akale angaba nesimba lyokuta alo na? Neni udalo?
7. Tokwanisa kulayijwa nozobunhu bwaJehova muzunu zwaakabumba
Jehova unotibuja nozobunu bubwe eshingisa zunu zwaakabumba. Yebani iVIDIYO. akale balani BaRoma 1:20, akale kwejisani nombhuzo unotobela.
-
Ndibupi bunhu bwaJehova bwawunobona muzunu zwaakabumba?
BAMWE BANOTI: “Mwali aatobanhu koga isimba linowanikwa pose-pose.”
-
Iwi unotini?
-
Neni udalo?
INI ZWAWAFUNDA
Jehova Umpepo unabunhu bubhodo, kasa kasa ludo.
Kubwilulula
-
Neni tisinokwanisa kubona Jehova?
-
Umpepo nchena ini?
-
Ndibupi bumwe bunhu bwaJehova?
PAMIJA PANA ZWAWAWANA
Layijwa zunji nozobunhu 4 Jehova bwaanowaja kutondejela.
Bona busumikiji bokuti Jehova atowanikwa pose-pose.
“UNkulunkulu Utholakala Yonke Indawo?” (Inyaya ipo peintaneti)
Bona kuti neni iBhayibhili liti umpepo nchena maboko aMwali.
Unhulume bhofu zwakabonkomela kudimbwa kuti Mwali unombabayilila. Bona kuti ini zwakata kuti echinche mayeyelo awe.
“Khathesi Sengisenelisa Ukuncedisa Abanye Abantu” (INqabayokulinda, October 1, 2015)
