ପାଠ ୦୭
ଯିହୋବା କେଉଁଭଳି ଈଶ୍ୱର ଅଟନ୍ତି ?
ଆପଣ କʼଣ ଭାବନ୍ତି ଯିହୋବା କେଉଁଭଳି ଈଶ୍ୱର ଅଟନ୍ତି ? ହୁଏତ ଆପଣ ଭାବୁଥିବେ ଯେ ସେ ତ ବହୁତ ମହାନ, ଆଉ ମୁଁ ତ ତାଙ୍କ ଆଗରେ କିଛି ବି ନୁହେଁ । କିମ୍ବା ଆପଣ ଭାବୁଥିବେ ଯେ ସେ କେବଳ ଗୋଟିଏ ଶକ୍ତି ଅଟନ୍ତି । କିନ୍ତୁ କʼଣ ଏହା ସତ ? ବାଇବଲରେ ଲେଖାଅଛି ଯେ ଯିହୋବାଙ୍କଠାରେ ଅନେକ ଭଲ ଗୁଣ ଅଛି ଏବଂ ସେ ଆମ ବିଷୟରେ ଚିନ୍ତା କରନ୍ତି ।
୧. ଆମେ କାହିଁକି ଈଶ୍ୱରଙ୍କୁ ଦେଖିପାରି ନ ଥାଉ ?
ବାଇବଲରେ ଲେଖାଅଛି ଯେ ‘ଈଶ୍ୱର ଅଦୃଶ୍ୟ’ ଅଟନ୍ତି । (ଯୋହନ ୪:୨୪, NWT) ଯିହୋବାଙ୍କର ଆମ ଭଳି ଶରୀର ନାହିଁ । ତେଣୁ ଆମେ ତାଙ୍କୁ ଦେଖିପାରି ନ ଥାଉ । ସେ ସ୍ୱର୍ଗରେ ରହନ୍ତି । ଏହା ଏପରି ଏକ ଜାଗା ଯାହା ଆମେ ଦେଖିପାରି ନ ଥାଉ ।
୨. ଯିହୋବାଙ୍କଠାରେ କେଉଁସବୁ ଗୁଣ ଅଛି ?
ଏହା ସତ ଯେ ଆମେ ଯିହୋବାଙ୍କୁ ଦେଖିପାରି ନ ଥାଉ । କିନ୍ତୁ ତାଙ୍କଠାରେ ଅନେକ ଭଲ ଗୁଣ ରହିଛି । ଆମେ ଯେତେ ତାଙ୍କୁ ଜାଣିବା, ସେତେ ତାଙ୍କୁ ପ୍ରେମ କରିବାକୁ ଲାଗିବା । ବାଇବଲରେ ଲେଖାଅଛି ଯେ ‘ଯିହୋବା ନ୍ୟାୟ ବିଚାର ଭଲ ପାଆନ୍ତି ଓ ଆପଣା ସଦ୍ଭକ୍ତମାନଙ୍କୁ ପରିତ୍ୟାଗ କରନ୍ତି ନାହିଁ ।’ (ଗୀତସଂହିତା ୩୭:୨୮) ଯିହୋବା “ଦୟାରେ ପରିପୂର୍ଣ୍ଣ ଓ କୃପାବାନ ଅଟନ୍ତି ।” (ଯାକୁବ ୫:୧୧) ସେ ବିଶେଷ କରି, ଏପରି ଲୋକମାନଙ୍କ ପ୍ରତି କୃପା କରନ୍ତି, ଯେଉଁମାନେ ସମସ୍ୟାରେ ଥାʼନ୍ତି । ଯିହୋବା ଭାଙ୍ଗିପଡ଼ିଥିବା ଲୋକମାନଙ୍କର ନିକଟବର୍ତ୍ତୀ ଅଟନ୍ତି ଓ ନିରାଶରେ ଥିବା ଲୋକମାନଙ୍କୁ ରକ୍ଷା କରନ୍ତି । (ଗୀତସଂହିତା ୩୪:୧୮) ଆମେ ଯାହା ବି କରୁ, ତାହା ଯିହୋବାଙ୍କ ଉପରେ ପ୍ରଭାବ ପକାଇଥାଏ । ଯଦି ଆମେ ଭୁଲ କାମ କରୁ, ତାହେଲେ ଯିହୋବା ବହୁତ ଦୁଃଖି ହୁଅନ୍ତି । (ଗୀତସଂହିତା ୭୮:୪୦, ୪୧) କିନ୍ତୁ ଯଦି ଆମେ ଭଲ କାମ କରୁ, ତାହେଲେ ସେ ବହୁତ ଖୁସି ହୁଅନ୍ତି ।—ହିତୋପଦେଶ ୨୭:୧୧ ପଢ଼ନ୍ତୁ ।
୩. ଆମେ କିପରି ଜାଣୁ ଯେ ଯିହୋବା ଆମକୁ ପ୍ରେମ କରନ୍ତି ?
ଯିହୋବାଙ୍କର ସବୁଠୁ ବଢ଼ିଆ ଗୁଣ ହେଉଛି, ପ୍ରେମ । ତେଣୁ ବାଇବଲରେ ଏହା ଲେଖାଯାଇ ନାହିଁ ଯେ ଈଶ୍ୱରଙ୍କଠାରେ ପ୍ରେମ ଅଛି, ବରଂ ଏଠାରେ ଲେଖାଅଛି ଯେ “ଈଶ୍ୱର ତ ପ୍ରେମ ।” (୧ ଯୋହନ ୪:୮) ବାଇବଲ ପଢ଼ିବା ସହିତ ଯିହୋବା ସୃଷ୍ଟି କରିଥିବା ପ୍ରାଣୀ ଓ ଜିନିଷଗୁଡ଼ିକୁ ଦେଖି ମଧ୍ୟ ଆମେ ଜାଣିପାରୁ ଯେ ସେ ଆମକୁ କେତେ ପ୍ରେମ କରନ୍ତି । (ପ୍ରେରିତ ୧୪:୧୭ ପଢ଼ନ୍ତୁ ।) ଟିକେ ଧ୍ୟାନ ଦିଅନ୍ତୁ ଯେ ସେ ଆମକୁ କିପରି ସୃଷ୍ଟି କରିଛନ୍ତି । ଆମେ ସୁନ୍ଦର ରଙ୍ଗ ଦେଖିପାରୁ, ମଧୁର ସଂଗୀତ ଶୁଣିପାରୁ ଏବଂ ସୁଆଦିଆ ଖାଦ୍ୟର ମଜା ନେଇପାରୁ । ଏଥିରୁ ଜଣାପଡ଼େ ଯେ ଯିହୋବା ଚାହାନ୍ତି ଆମେ ଖୁସିରେ ରହୁ ।
ଭାବନ୍ତୁ ଓ ଶିଖନ୍ତୁ
ଜାଣନ୍ତୁ ଯେ ଯିହୋବା କିପରି ବଡ଼ ବଡ଼ କାମ କରନ୍ତି । ତାʼପରେ ଦେଖନ୍ତୁ ଯିହୋବା କିପରି ନିଜ ଗୁଣଗୁଡ଼ିକୁ ଦେଖାଇଛନ୍ତି ।
୪. ଜାଣନ୍ତୁ ଯେ ଈଶ୍ୱର ନିଜ ପବିତ୍ର ଶକ୍ତିକୁ କିପରି ବ୍ୟବହାର କରନ୍ତି
ଯେପରି ଆମେ ନିଜ ହାତ ସାହାଯ୍ୟରେ କାମ କରୁ, ଠିକ୍ ସେହିପରି ଯିହୋବା ନିଜ ପବିତ୍ର ଶକ୍ତି ସାହାଯ୍ୟରେ କାମ କରନ୍ତି । ବାଇବଲରୁ ଜଣାପଡ଼େ ଯେ ପବିତ୍ର ଶକ୍ତି କୌଣସି ବ୍ୟକ୍ତି ନୁହେଁ, ବରଂ ତାହା ଈଶ୍ୱରଙ୍କ ଶକ୍ତି ଅଟେ, ଯାହା ସାହାଯ୍ୟରେ ସେ ନିଜ ଇଚ୍ଛା ପୂରଣ କରନ୍ତି । ଲୂକ ୧୧:୧୩ ଓ ପ୍ରେରିତ ୨:୧୭ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
-
ଆମେ ଦେଖିଲୁ ଯେ ଈଶ୍ୱର ଲୋକମାନଙ୍କୁ ପବିତ୍ର ଶକ୍ତି ଦିଅନ୍ତି କିମ୍ବା ସେମାନଙ୍କ ଉପରେ ତାହା “ବୃଷ୍ଟି” କରନ୍ତି । ତାହେଲେ ଟିକେ ଭାବନ୍ତୁ, ଯଦି ପବିତ୍ର ଶକ୍ତି ଜଣେ ବ୍ୟକ୍ତି ଅଟେ, ତାହେଲେ ତାକୁ କିପରି ଅନ୍ୟମାନଙ୍କ ଉପରେ ବୃଷ୍ଟି କରାଯାଇପାରେ ? ଏଥିରୁ ଆପଣଙ୍କୁ ପବିତ୍ର ଶକ୍ତି ବିଷୟରେ କʼଣ ଜଣାପଡ଼େ ?
ଯିହୋବା ନିଜ ପବିତ୍ର ଶକ୍ତି ସାହାଯ୍ୟରେ ବଡ଼ ବଡ଼ କାମ କରନ୍ତି । ଗୀତସଂହିତା ୧୦୪:୩୦ ଓ ୨ ପିତର ୧:୨୦, ୨୧ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ:
-
ଯିହୋବା ଈଶ୍ୱର ନିଜ ପବିତ୍ର ଶକ୍ତି ସାହାଯ୍ୟରେ କʼଣ କʼଣ କରିଛନ୍ତି ?
୫. ଯିହୋବାଙ୍କଠାରେ ଏପରି ଗୁଣଗୁଡ଼ିକ ରହିଛି, ଯାହା ଆମ ହୃଦୟକୁ ଛୁଇଁଯାଏ
ପ୍ରାଚୀନ କାଳରେ ମୋଶା ନାମକ ଜଣେ ବ୍ୟକ୍ତି ଥିଲେ, ଯିଏ ଈଶ୍ୱରଙ୍କ ବିଶ୍ୱସ୍ତ ସେବକ ଥିଲେ । ସେ ଯିହୋବା ଈଶ୍ୱରଙ୍କୁ ଭଲ ଭାବେ ଜାଣିଥିଲେ, ତଥାପି ସେ ତାଙ୍କୁ କହିଲେ, ‘ମୁଁ ଯେପରି ତୁମ୍ଭଙ୍କୁ ଜାଣି ପାରିବି, ଏଥିପାଇଁ ଏବେ ତୁମ୍ଭେ ମୋତେ ଆପଣା ମାର୍ଗ ଜଣାଅ ।’ (ଯାତ୍ରା ପୁସ୍ତକ ୩୩:୧୩) ତାʼପରେ ଯିହୋବା ମୋଶାଙ୍କୁ ନିଜ ବିଷୟରେ କିଛି କଥା ଜଣାଇଲେ । ଯାତ୍ରା ପୁସ୍ତକ ୩୪:୪-୬ ପଢ଼ନ୍ତୁ, ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ:
-
ଯିହୋବା ମୋଶାଙ୍କୁ ନିଜ ବିଷୟରେ କʼଣ କʼଣ କହିଲେ ?
-
ଆପଣଙ୍କୁ ଯିହୋବାଙ୍କର କେଉଁ ଗୁଣ ସବୁଠୁ ବେଶି ଭଲ ଲାଗେ ?
୬. ଯିହୋବା ଲୋକମାନଙ୍କ ବିଷୟରେ ଚିନ୍ତା କରନ୍ତି
ପ୍ରାଚୀନ କାଳରେ ଇସ୍ରାଏଲୀୟମାନେ ଅର୍ଥାତ୍ ଈଶ୍ୱରଙ୍କ ଲୋକମାନେ ମିଶରରେ ଦାସ ଭାବେ ଥିଲେ । ସେମାନଙ୍କ ଉପରେ ବହୁତ ଅତ୍ୟାଚାର କରାଯାଉଥିଲା । ଦେଖନ୍ତୁ ଯେ ସେମାନଙ୍କ କଷ୍ଟ ଦେଖି ଈଶ୍ୱରଙ୍କୁ କିପରି ଲାଗିଲା । ଅଡିଓ ରେକଡିଙ୍ଗ୍ ଶୁଣନ୍ତୁ ଏବଂ ତାʼସହ ବାଇବଲରେ ବି ଦେଖନ୍ତୁ କିମ୍ବା ଯାତ୍ରା ପୁସ୍ତକ ୩:୧-୧୦ ପଢ଼ନ୍ତୁ । ତାʼପରେ ଆଗକୁ ଦିଆଯାଇଥିବା ପ୍ରଶ୍ନଗୁଡ଼ିକ ଉପରେ ଆଲୋଚନା କରନ୍ତୁ ।
-
ଲୋକମାନଙ୍କର କଷ୍ଟ ଦେଖି ଯିହୋବାଙ୍କୁ କିପରି ଲାଗେ ?—ପଦ ୭ ଓ ୮ ଦେଖନ୍ତୁ ।
-
କʼଣ ଯିହୋବା ଲୋକମାନଙ୍କୁ ସାହାଯ୍ୟ କରିବାକୁ ଚାହାନ୍ତି ? କʼଣ ସେ ଏପରି କରିପାରିବେ ? ଆପଣଙ୍କୁ ଏପରି କାହିଁକି ଲାଗେ ?
୭. ସୃଷ୍ଟିରୁ ଆମେ ଯିହୋବାଙ୍କ ଗୁଣଗୁଡ଼ିକ ବିଷୟରେ ଜାଣିପାରୁ
ଯିହୋବା ଯାହାସବୁ ସୃଷ୍ଟି କରିଛନ୍ତି, ସେଥିରୁ ଆମେ ତାଙ୍କ ବିଷୟରେ ବହୁତ କିଛି ଜାଣିପାରୁ । ଭିଡିଓ ଦେଖନ୍ତୁ । ତାʼପରେ ରୋମୀୟ ୧:୨୦ ପଢ଼ନ୍ତୁ ଏବଂ ଆଗକୁ ଦିଆଯାଇଥିବା ପ୍ରଶ୍ନ ଉପରେ ଆଲୋଚନା କରନ୍ତୁ ।
-
ଯିହୋବା ଯାହା ସବୁ ସୃଷ୍ଟି କରିଛନ୍ତି, ସେଥିରୁ ତାଙ୍କର କେଉଁ କେଉଁ ଗୁଣ ବିଷୟରେ ଜଣାପଡ଼େ ?
କିଛି ଲୋକ କହନ୍ତି: “ଈଶ୍ୱର ବ୍ୟକ୍ତି ନୁହନ୍ତି, ବରଂ ତାହା ଆପଣଙ୍କ ହୃଦୟରେ ଥିବା ଭାବନା କିମ୍ବା ଭଲ ଗୁଣ ଅଟେ ।”
-
ଆପଣ କʼଣ ଭାବନ୍ତି ?
-
ଆପଣ ଏପରି କାହିଁକି ଭାବନ୍ତି ?
ଆମେ କʼଣ ଶିଖିଲୁ ?
ଆମେ ଯିହୋବାଙ୍କୁ ଦେଖିପାରି ନ ଥାଉ, କିନ୍ତୁ ତାଙ୍କଠାରେ ଅନେକ ଭଲ ଗୁଣ ଅଛି । ସେମଧ୍ୟରୁ ସବୁଠୁ ବଢ଼ିଆ ଗୁଣ ହେଉଛି, ପ୍ରେମ ।
ଆପଣ କʼଣ କହିବେ ?
-
ଆମେ ଯିହୋବାଙ୍କୁ କାହିଁକି ଦେଖିପାରି ନ ଥାଉ ?
-
ପବିତ୍ର ଶକ୍ତି କʼଣ ଅଟେ ?
-
ଯିହୋବାଙ୍କଠାରେ କେଉଁ ଗୁଣଗୁଡ଼ିକ ରହିଛି ?
ଅଧିକ ଜାଣନ୍ତୁ
ଜାଣନ୍ତୁ ଯେ ଯିହୋବାଙ୍କ ସମସ୍ତ ଗୁଣ ମଧ୍ୟରୁ ମୁଖ୍ୟ ଚାରୋଟି ଗୁଣ କʼଣ ।
“ଈଶ୍ୱରଙ୍କଠାରେ କେଉଁସବୁ ଗୁଣ ରହିଛି ?” (ପ୍ରହରୀଦୁର୍ଗ-ହି ସଂ. ୧ ୨୦୧୯)
ଜାଣନ୍ତୁ ଯେ ଏହା କହିବା କାହିଁକି ସଠିକ୍ ହେବ ନାହିଁ ଯେ ଈଶ୍ୱର ସବୁଠାରେ ଅଛନ୍ତି ।
“କʼଣ ଈଶ୍ୱର ସର୍ବବ୍ୟାପୀ ଅଟନ୍ତି, ସେ ସବୁଠାରେ ଅଛନ୍ତି ?” (jw.org ୱେବସାଇଟ୍ରେ ଥିବା ଲେଖା)
ଜାଣନ୍ତୁ ଯେ ବାଇବଲରେ ପବିତ୍ର ଶକ୍ତିକୁ ଈଶ୍ୱରଙ୍କ ହାତ ବୋଲି କାହିଁକି କୁହାଯାଇଛି ।
ଜଣେ ବ୍ୟକ୍ତି ଯେ ନିଜ ଦେଖିବାର ଶକ୍ତି ହରାଇଛନ୍ତି, ତାଙ୍କୁ ଲାଗୁଥିଲା ଯେ ଈଶ୍ୱର ତାଙ୍କ ବିଷୟରେ ଚିନ୍ତା କରନ୍ତି ନାହିଁ । ଜାଣନ୍ତୁ ଯେ ତାଙ୍କ ଏହି ଚିନ୍ତାଧାରା କିପରି ବଦଳିଲା ।
“ଏବେ ମୁଁ ଅନ୍ୟମାନଙ୍କୁ ସାହାଯ୍ୟ କରିପାରେ” (ପ୍ରହରୀଦୁର୍ଗ-ହି, ସଂ. ୧ ୨୦୧୬)