LEKSION 07
Antoy Itsura nen Jehova tan Anto ray Kualidad To?
No naisip moy Jehova a Dios, antoy nai-imadyin mo? Kasin singa bitewen ya pambiliban mo, pero arawrawi ed sika? Odino singa karol ya mabiskeg ya puersa pero anggapoy liknaan to? Antoy itsura nen Jehova tan anto ray kualidad to? Ibabaga na Salita to, say Biblia, no anto ray kualidad tan ugali to. Naamtaan mo met ya walay malasakit to ed sika.
1. Akin et agtayo nanengneng so Dios?
“Say Dios et Espiritu.” (Juan 4:24) Si Jehova et aliwan singa too ya walay laman to. Sikatoy sakey ya Espiritu ya manaayam ed tawen, kanian agtayo nanengneng.
2. Anto ray arum ya kualidad tan ugali nen Jehova?
Anggano agtayo nanengneng, amta tayo ya wala si Jehova. Tan no nakakabat tayo, naar-aro tayo ta balibali ray kualidad tan ugali to. Ibabaga na Biblia: “Aaroen nen Jehova so hustisya, tan agto paulyanan iray matoor ed sikato.” (Salmo 37:28) Sikatoy “maar-aro tan mapangasi,” lalo lad saray maniirap. (Santiago 5:11) “Si Jehova et asingger ed samay asugatay puso to; ililiktar to iramay nadidismaya.” (Salmo 34:18, paimanod leksab) Tan antam ya naaapektoan si Jehova ed saray gagawaen tayo? Nasasakitan tan naeermenan si Jehova no manggaway mauges so sakey ya too. (Salmo 78:40, 41) Balet naliliketan si Jehova no manggaway duga so sakey.—Basaen so Proverbio 27:11.
3. Panon ya ipapanengneng nen Jehova ya inar-aro to tayo?
Say manunan kualidad nen Jehova et aro. Diad tua, ibabaga na Biblia ya “say Dios et aro.” (1 Juan 4:8) Ipapalikna nen Jehova so panangaro to panamegley na Biblia tan saray palsa to. (Basaen so Gawa 14:17.) Singa bilang, nengnengen ta no panon to tayon ginawa. Inikdan to tayoy abilidad ya nanengneng iray balibalin kolor, narengel iray makapalikliket ya musika, tan natawayan iray mananam ya naakan. Labay ton na-enjoy tayoy bilay.
DAKEL NI NAARALAN MO
Amtaen no panon ya gagawaen nen Jehova iray makapabilib tan makapalikliket iran bengatla. Aralen met no panon ya ipapaamta nen Jehova iray balibalin kualidad to.
4. Masanton espiritu—aktibon puersa na Dios
No mantra-trabaho tayo, uusaren tayoy lima tayo. Si Jehova balet, uusaren toy masanton espiritu to. Ibabaga na Biblia ya say masanton espiritu et aliwan sakey ya persona o Dios, imbes puersa itan na Dios ya uusaren to pian nasumpal iray labay ton gawaen. Basaen so Lucas 11:13 tan Gawa 2:17, insan ebatan iraya:
-
‘Ikalbo’ na Dios so masanton espiritu to ed saramay onkekerew ed sikato. Kanian parad sika, sakey kasin persona so masanton espiritu? Akin ey?
Uusaren nen Jehova so masanton espiritu to pian nagawaan iray makapabilib tan makapalikliket iran bengatla. Basaen so Salmo 33:6, paimanod leksab tan 2 Pedro 1:20, 21, insan ebatan iya:
-
Anto ray angusaran nen Jehova ed masanton espiritu to?
5. Balibali iray kualidad nen Jehova
Si Moises et matoor ya lingkor na Dios, pero labay to nin mas nakabat so Amalsa ed sikato. Kanian oniay imbaga nen Moises ed sikato: “Ipaamtam ed siak iray dalan mo, pian nakabat ta ka.” (Exodo 33:13) Impaamta nen Jehova ed si Moises so arum ya kualidad To. Basaen so Exodo 34:4-6, insan ebatan iraya:
-
Anto ran kualidad tan ugali nen Jehova so impaamta to ed si Moises?
-
Dinan ed saratan so labalabay mo?
6. Inar-aro nen Jehova iray totoo
Saray mandadayew ed Dios nensaman ya tatawagen ya Hebreo et nagmaliw ya aripen ed Ehipto. Antoy alikna nen Jehova nen maniirap ira? I-play so AUDIO tan itumbok mon basaen so Exodo 3:1-10. Insan ebatan iraya.
-
Diad binasan teksto ed Biblia, antoy nalilikna nen Jehova no maniirap iray totoo?—Nengnengen so bersikulo 7 tan 8.
-
Manisia ka ya labay tan sarag nen Jehova ya tulongan iray totoo? Akin ey?
7. Naaralan ed palsa iray kualidad nen Jehova
Ipapaamta nen Jehova iray kualidad to panamegley na saray palsa to. I-play so VIDEO. Tan basaen so Roma 1:20, insan ebatan iya.
-
Anto ran kualidad nen Jehova so nanenengneng mo ed saray pinalsa to?
IBABAGA NA ARUM: “Aliwan persona so Dios, sakey labat ya puersa ya walad amin ya pasen.”
-
Antoy nibagam?
-
Akin ey?
SUMARYO
Si Jehova et agnanengneng ya Espiritu tan dakdakel iray balibalin kualidad to, singa say aro.
Rebyu
-
Akin et agtayo nanengneng si Jehova?
-
Anto so masanton espiritu?
-
Anto ray arum ya kualidad nen Jehova?
DISKOBRIEN
Aralen so apatira ed saray dakdakel ya balibalin kualidad nen Jehova.
“Anto ray Kualidad na Dios?” (Say Panag-bantayan No. 1 2019)
Amtaen iray ebidensya ya aliwan tua imay papanisiaan na arum ya si Jehova et walad amin ya pasen.
“Kasin say Dios et Walad Amin a Pasen?” (Artikulo ed website)
Nengnengen no akin ya imbaga na Biblia ya say masanton espiritu et lima na Dios.
Agmanisia so sakey ya bulag ya sikatoy inaro na Dios. Antoy akatulong ed sikato pian nauman to iman ya iisipen to?
“Sarag Ko La Natan ya Tulongan so Arum” (Say Panag-bantayan-E, Oktubre 1, 2015)
Ompan Nagustoan Mo Met
MABETBET YA ITETEPET
Anto tay Panag-aral na Biblia ya Iyoopresi na Saray Tasi nen Jehova?
Diad sayan libren interactive ya paraan na panag-aral ya iyoopresi na Saray Tasi nen Jehova, sarag mon usaren so anggan anton patalos na Biblia. Imbitaan so interon pamilyam odino anggan siopan kaarom ya labay day milad sika.
