07 EL SUOBEL

A Jehovah, Ngngua Ngerang?

MORELII

Sel molatk el kirel a Jehovah el Dios, e a omomdasu e ngngua ngerang? Omomdasu e ngkmal mengasireng engdi ngkmal cheroid er kid el ua btuch er a melidiul? Me a lechub e ngngua derumk el kmal mesisiich engdi ngdiak a ngera el lolechesuar? A Jehovah ngkmal uangerang? Ngoeak a Tekingel el Biblia, e ngouchais er kid a bebil er a blekerdelel me a dirrek el klemeriarreng er ngii er kau.

1. Ngera me ngdiak el sebeched el mesa Dios?

“A Dios a Reng.” (Johanes 4:24) Jehovah a diak a bedengel el rruul er a tech me a rasech. Ngika diak lemeues e kiei er a eanged el basio el diak el sebeched el mesang.

2. Ngngera bebil er a blekerdelel a Jehovah?

Alta ngdiak el sebeched el mesa Jehovah engdi ngika mera el ngar, el ngar ngii a blekerdelel el kmal olechau a rengrir tirke el medengelii. A Biblia kmo: “Jehovah a betik a rengul er a llemalt, ngkmal diak bo lechititerir a reblak a rengrir el chedal.” (Psalm 37:28, NW) Ngdirrek el “kmal bekokuii e chubechubchad,” tokubets el bedul tirke el chuarm er a ringel. (Jakobus 5:11) “A RUBAK a kmeed er tirkel chelam a rengrir; ng olsobel er tirkel di dikea omeltkir.” (Psalm 34:18) E ke medengei el kmo a omerellem a ngar ngii a rellii el mora Jehovah? A chad el melilt el meruul a mekngit a rullii el kmal mo mekngit a rengul. (Psalm 78:40, 41) Engdi chad el meruul a llemalt a rullii el kmal mo dmeu a rengul.—Monguiu er a Osisechakl 27:11.

3. A Jehovah ngmekera e ochotii el kmo ngbetik a rengul er kid?

A kot el ngarbab el blekerdelel a Jehovah a bltikerreng. A Biblia kmo, a “Dios a bltikerreng.” (1 Johanes 4:8) Jehovah ochotii a bltikerreng er ngii el diak di loeak a Tekingel ngdirrek loeak a blebelel. (Monguiu er a Rellir 14:17.) Molatk er a rolel e kede ulebeob. Ngrirellid el sebeched lomes a chiro, orrenges ongngak, e mengarm a kall. Ngkmal soal a doldeu a rengud er a klengar.

BOM DMOLECH EL MERRITER

Bo modengelii a rolel a Jehovah meruul a mengasireng el tekoi. E mesa rolel e ngouchais e olecholt a blekerdelel.

4. A chedaol reng a oureor el klisichel a Dios

A Jehovah ousbech er a chedaol reng er ngii el di ua teletelel a dousbech a chimad el meruul a ureor. A Biblia ochotii el kmo a chedaol reng a diak el chad e ngbai klisiich lousbech er ngii a Dios el meruul a tekoi. Monguiu er a Lukas 11:13 me a Rellir 2:17 e mosaod aika el ker:

A Dios a mo ‘mesterir’ a chedaol reng er tirke el olengit er ngii. Me a omomdasu e a chedaol reng ngchad me a lechub e ngoureor el klisichel a Dios? E ngera uchul me ke melekoi el uaisei?

Jehovah ousbech er a chedaol reng er ngii el meruul a mengasireng el tekoi. Monguiu er a Job 33:4 me a 2 Petrus 1:20, 21 e mosaod er tia el ker:

Ngera bebil er a rolel e a Dios a uluusbech er a chedaol reng er ngii?

5. Jehovah a ungil a blekerdelel

Moses a mle blak a rengul el mesiungel a Jehovah engdi ngika mle soal lmuut el mo ungil medengelii a Ulemeob. Me ngdilu er ngii el kmo: “Mochotii a uldesuem me bo le sebechek el mo medengelkau.” (Exodus 33:13) Jehovah ulenger er ngii loeak a louchais er ngii el kmo ngngua ngera el Dios. Monguiu er a Exodus 34:4-6 e mosaod aika el ker:

A Jehovah nguluuchais er a Moses a ngerang el kirel?
Ngera el blekerdelel a Jehovah a kmal soam?

6. Jehovah a betik a rengul er a rechad

A rechad er a Hebru el mle chedal a Dios, a mle sibai er a Ekipten. Ngmle uangerang a uldesuel a Jehovah er a lomes er a rechedal el chuarm? Morelii a AUDIO e momes er a Biblia loltirakl er ngii, me a lechub e monguiu er a Exodus 3:1-10. E mosaod aika el ker.

AUDIO: Jehovah Cared About Their Suffering (2:45)

Ngera ngouchais er kau tia el cheldecheduch er a uldesuel a Jehovah el kirel a ringel lechebangel a rechad?—Momes er a 7 me a 8 el kekerei el bades.
Omomdasu a Jehovah ngkmal soal olengeseu er a rechad e ngar ngii a klisichel el ngosuterir? Ngera uchul me ke melekoi el uaisei?