7. KAPITEL
Woo es Jehova?
Wan du aun Jehova Gott denkjst, waut kjemt die dan em Senn? Es dee fa die butajeweenlich sea groot, oba sea wiet auf soo aus de Stierns? Ooda es dee fa die sea stoakj, oba onen Jefeelen soo aus een groota Storm? Woo es Jehova opp iernst? En sien Wuat, de Schreft, kjenn wie läsen, woo Jehova es un daut hee uk om jieda eenem von ons waut romjeft.
1. Wuarom kjenn wie Gott nich seenen?
“Gott es Jeist” (Johanes 4:24). Jehova haft nich eenen Kjarpa soo aus de Menschen. Hee es een Jeist, waut em Himmel wont, un daut es eene Städ, waut wie nich seenen kjennen.
2. Woo es Jehova krakjt?
Wie kjennen Jehova nich seenen. Oba je mea wie lieren un enwoaren, waut fa een feina Gott hee es, je dolla fang wie am aun to leewen. De Schreft sajcht: “De HAR räakjent jerajcht sennen sea väl un woat siene heilje nich veloten” (Psalm 37:28). Hee es uk “metliedent un erboarmt sikj”, besonda äwa dee Menschen, waut lieden motten (Jakobus 5:11). “De HAR es aul dee no aun, dee een jebroaknet Hoat haben, un halpt dee, dee een bedrekjten Jeist haben” (Psalm 34:19). Hast du daut jewist, daut Jehova nich endoontich es äwa daut, waut wie doonen? Wan een Mensch met Fliet waut schlajchtet deit, dan feelt Jehova sikj aunjeschmäat un truarich (Psalm 78:40-41). Oba een Mensch, waut daut rajchte deit, moakt am schaftich (läs Spricha 27:11).
3. Woo wiest Jehova, daut hee ons leeft?
De Leew es daut, waut bie Jehova daut dolste uttieekjent. Daut sajcht je: “Gott es Leew” (1. Johanes 4:8, JHF). Jehova wiest ons siene Leew derch daut, waut hee haft loten oppschriewen un uk derch daut, waut hee jemoakt haft (läs Aposteljeschicht 14:17). Denkj bloos mol, woo hee ons Menschen jemoakt haft: Wie kjennen schmocke Kalieren seenen, scheenet Spell horchen un scheenet Äten schmakjen. Gott well, daut wie een scheenet Läwen haben.
DOLLA UNJASTONEN
Lia, derch waut Jehova groote Sachen deit, waut sea toom bewundren sent. Un dan see, woo Jehova ons wiest, woo goot hee es.
4. De heilja Jeist – Gott siene wirkjende Krauft
Krakjt soo aus wie onse Henj brucken toom schaufen, soo brukt Jehova sienen heiljen Jeist. De Schreft wiest ons, daut de heilja Jeist nich eene Persoon es, oba Gott siene Krauft toom Sachen volbrinjen. Läst Lukas 11:13 un Aposteljeschicht 2:17 un dan got toop dise Froagen derch:
-
Gott woat sienen heiljen Jeist äwa aul dee “jeeten”, waut am doano froagen. Soo, waut jleefst du, es de heilja Jeist eene Persoon ooda Gott siene wirkjende Krauft? Wuarom wurscht du daut sajen?
Jehova brukt sienen heiljen Jeist toom groote Sachen volbrinjen. Läst Psalm 104:30 un 2. Petrus 1:20-21 un dan got toop dise Froag derch:
-
Waut haft Jehova biejlikj derch sienen heiljen Jeist jedonen?
5. Jehova es een feina Gott
Moses kjand Gott aul, wiels hee wia sien trua Deena. Oba hee wull sienen Gott doawäajen noch bäta kjanen lieren. Hee säd to am: “Lot mie nu uk weeten, waut diene Wäaj sent, soo daut ekj weeten kaun, wäa du best” (2. Mose 33:13). Un Jehova säd to Moses dan eenje Sachen, woo hee wia. Läst 2. Mose 34:4-6 un dan got toop dise Froagen derch:
-
Waut krakjt säd Jehova to Moses, woo hee wia?
-
Waut jleichst du besonda äwa woo Jehova es?
6. Jehova es om de Menschen bekjemmat
Gott sien Volkj, waut Hebräa wieren, musten en Ägipten Sklowen sennen. Woo jinkj Jehova daut, aus hee dee lieden sach? Horcht daut AUDIO un läst met ooda läst selfst 2. Mose 3:1-10. Dan got toop de Froagen derch, waut hia aunjejäft sent.
-
Waut lieet ons dise Jeschicht doaräwa, woo Jehova daut jeit, wan Menschen lieden motten? (See Varsch 7 un 8.)
-
Jleefst du, daut Jehova opp iernst de Menschen halpen well un daut hee daut uk kaun? Wuarom wurscht du daut sajen?
7. Daut, waut Jehova jemoakt haft, wiest ons, woo hee es
Jehova wiest ons derch aul daut, waut hee jemoakt haft, woo hee es. Kjikjt daut VIDEO. Dan läst Reema 1:20 un got toop de Froag derch, waut hia aunjejäft es.
-
Waut sitst du aun daut, waut Jehova jemoakt haft, woo hee es?
WAUT EENJE SAJEN: “Gott es aulawäajen. Hee es soo aus eene Krauft, nich eene Persoon.”
-
Waut wurscht du sajen?
-
Un wuarom denkjst du soo?
KAPITEL TOOPJEFOT
Wie kjennen Jehova nich seenen, wiels hee een Jeist es, oba wie jleichen daut sea, woo hee daut haft; besonda siene Leew.
Waut hast du jelieet?
-
Wuarom kjenn wie Jehova nich seenen?
-
Waut es de heilja Jeist?
-
Waut es Jehova fa een Gott?
MEA NOSIEEKJEN
Lia äwa veatlei, waut bie Jehova besonda uttieekjent.
Kjikj mol, waut fa Bewies daut jeft, daut Jehova nich aulawäajen es.
Kjikj, wuarom de heilja Jeist enne Schreft met Gott siene Henj vejlikjt woat.
Een blinja Maun kunn daut nich jleewen, daut Gott om am bekjemmat wia. See mol, woo daut kjeem, daut hee aundasch docht.
“Nu weet ekj, daut ekj aundre halpen kaun” (De Woaktorm, 1. Oktooba 2015)
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
