AN̈KEJAYOʼOYI 07

¿Juʼuts Jehová?

REPRODUCIR EN

¿Juʼuts Jehová?

Jesɨk iñjɨɨspa Jehová, ¿in̈kujɨɨspa juʼuts jeʼ? ¿Pɨɨmi migaʼman̈jakpa, pero inin̈jaam iga tsaam juʼumɨ ity juʼuts jeʼm maatsayaj? ¿O in̈kujɨɨspa iga tsaam pɨɨmiɨy, juʼuts jeʼm majɨywiñ? Jesɨk, ¿juʼuts Jehová? Ikuyukmɨ jeʼm Biblia Jehová tan̈kejaʼyba juʼuts jeʼm ijɨɨxi y jeʼm ijaamoʼoyiyaj, y min̈kejaʼybatyim juʼtspɨy mityeguet.

1. ¿Tyiʼiga dyaʼ wɨap tanaʼmtaʼm Dios?

«TanJa̱tuŋ Dios je tu̱m [espíritu] juuts jém sa̱wa» (Juan 4:24). Jehová dyaʼ maʼayɨy y dyatyim pagɨy. Jeʼ tuum espíritu itywɨʼɨp sɨn̈yukmɨ y dyaʼ wɨap tanaʼmtaʼm juʼuts.

2. ¿Juʼptam weeñi jɨɨxiyaj y jaamoʼoyiyaj iniity Jehová?

Mex iga dyaʼ wɨap tanaʼmtaʼm juʼuts Jehová, pero jeʼ nunta ity y jesɨk mojpa tañixpɨktaʼm tantoytyaʼmpa iga jeʼ iniity wɨtampɨk jɨɨxiyaj y jaamoʼoyiyaj. Jeʼm Biblia nɨmpa: «Jehová ityoyba jeʼm wɨwadoʼoyi y ni keman ikujaʼamaʼyba jempɨk ikoosteñayyajpa» (Salmo 37:28). Kejpatyim «iga tatoypa Dios y tayaachaŋja̱mpa» y maaj kun jempɨk sɨʼ iyaʼachayaj (Santiago 5:11). «Jehová toomi ity kun jempɨk yaʼachayajpa; pɨɨmi iyooxpaʼtpa jempɨk an̈yaʼkneyaj» (Salmo 34:18). ¿Iñjoodon̈ iga wɨap tammaymaywattaʼm o tanan̈yaʼkwattaʼm Jehová kun tyityam tan̈wattaʼmpa? Jempɨk dyaʼ iwɨpɨkpa ijɨɨxi in̈yaʼkwatpa y ikkoowaaʼyba ianmaj (Salmo 78:40, 41). Pero jempɨk iwɨpɨkpa ijɨɨxi imaymaywadaʼyba ianmaj (maayɨʼ Proverbios 27:11).

3. ¿Juutypɨk ikwiñkejpa Jehová iga tatoytyaʼmpa?

Jeʼm maaj wɨbɨk jaamoʼoyi iniitywɨʼɨp Jehová jeʼ jeʼm toyoʼoyi, iga «tsa̱m tóyóypa Dios» (1 Juan 4:8). Takwiñkejaʼyba jeʼm ityoyoʼoyi ikuyukmɨ jeʼm Biblia y kun ityumpɨy tyityam iwatneʼ (maayɨʼ Hechos 14:17). Kujɨɨsɨ juutypɨk tawatnetaʼm, wɨap tanaʼm jeʼm wɨtampɨk colores, tan̈kumaton̈ba jeʼm tɨʼksoʼoyiyaj y tan̈kɨʼɨspa jeʼm wiʼkkuy kɨɨnyajpaʼap. Jeʼ ixunba iga tamaymayataʼmiñ juchixkej.

MAAJ TAN̈WƗKUYUJKAIÑ

Tanaʼmiñ juutypɨk Jehová iwatpa wɨtampɨk tyidyin̈kej. Y okmɨ tan̈kɨʼpin̈iñ juutypɨk ikwiñkejpa jeʼm iwɨtampɨk jɨɨxiyaj y jaamoʼoyiyaj.

4. Jeʼm espíritu santo jeʼ jeʼm Dios ipɨɨmi iyooxakapaʼap

Taɨchtyam tayooxataʼmpa tan̈kɨʼɨmɨ y Jehová ipɨkpa iespíritu santo. Jeʼm Dios In̈maatyi dyaʼ tan̈madaʼyba iga jeʼm espíritu santo jeʼ algun i, jeʼ jeʼm Dios ipɨɨmi iyooxakapaʼap iga iwatpa ityumpɨy. Maytyaʼamɨ Lucas 11:13 y Hechos 2:17, y an̈mattaʼamɨ tyi iñjɨɨstaʼmpa y kutson̈taʼamɨ:

Dios ichiʼiba iespíritu santo jempɨk iwaʼgayyajpa. Y mich, ¿in̈kupɨkpa iga jeʼm espíritu santo jeʼ algun i o jeʼ jeʼm Dios ipɨɨmi iyooxakapaʼap? ¿Tyiʼiga iñjɨɨspa jeempɨk?

Jehová ipɨkpa iespíritu santo iga iwatpa wɨtampɨk tyidyin̈kej. Maytyaʼamɨ Salmo 33:6 y 2 Pedro 1:20, 21, y an̈mattaʼamɨ tyi iñjɨɨstaʼmpa y kutson̈taʼamɨ:

¿Juutypɨk ipɨkneʼ Jehová jeʼm iespíritu santo?

5. Jehová iniity wɨtampɨk jɨɨxiyaj y jaamoʼoyiyaj tan̈kusuʼnɨytyampaʼap

Moisés tsaam iwɨkuyooxaap idyɨk Dios, pero majnam iwɨixpɨktoʼoba idyɨk. Jeʼyukmɨ Moisés iñɨʼmay: «An̈kejaʼayɨ jeʼm iñtyun̈yaj iga wɨaiñ mañixpɨk» (Éxodo 33:13). Jehová ikutson̈ y in̈maday juʼuts ijɨɨxi y tyi ijaampa. Maytyaʼamɨ Éxodo 34:4-6 y an̈mattaʼamɨ tyi iñjɨɨstaʼmpa y kutson̈taʼamɨ:

¿Juʼptam wɨtampɨk jɨɨxiyaj y jaamoʼoyiyaj iñɨʼmay Jehová a Moisés?
¿Juʼptam jɨɨxiyaj y jaamoʼoyiyaj iniitywɨʼɨp Jehová maaj in̈kusuʼnɨʼyba?

6. Jehová tateguet tantumpɨytyam

Jeʼm hebreos, jeʼm wiñɨkpɨk Dios ikumun, ityyaj idyɨk Egipto juʼuts esclavos. ¿Juʼuts idyɨk in̈jaam Jehová iga jeʼm israelitajyaj sɨʼ idyɨk iyaʼachayaj? Kumaton̈taʼamɨ jeʼm AUDIO y maayɨtyim ininɨk imBibliajom o maytyaʼamɨ Éxodo 3:1-10. Okmɨ an̈mattaʼamɨ tyi iñjɨɨstaʼmpa y kutson̈taʼamɨ:

AUDIO: Jehová tsaam ityoʼyan̈jaam iga jeʼm israelitajyaj sɨʼ idyɨk iyaʼachayaj (2:45)

¿Tyi min̈kejaʼyba yɨʼp nasɨyoʼoyi iga juʼuts in̈jaam Jehová jesɨk iaʼmpa iga sɨʼ tanyaʼachataʼm? (Aʼmtaʼamɨ jeʼm versículos 7 y 8).
¿In̈kupɨkpa iga Jehová nunta tayooxpaʼttamtoʼoba? ¿In̈kupɨkpa iga wɨap iwat? ¿Tyiʼiga iñjɨɨspa jeempɨk?

7. Tyityam Jehová iwatneʼ ikwiñkejpa juʼuts ijɨɨxi y jeʼm ijaamoʼoyiyaj

Kun tyityam Jehová iwatneʼ takwiñkejaʼyba juʼuts jeʼm ijɨɨxi y jeʼm ijaamoʼoyiyaj. Aʼmtaʼamɨ jeʼm VIDEO. Okmɨ maytyaʼamɨ Romanos 1:20 y an̈mattaʼamɨ tyi iñjɨɨstaʼmpa y kutson̈taʼamɨ: