KʼUTUNEM 07
¿Jas ubʼanik riʼ ri Jehová?
¿Jas ubʼanik riʼ ri Jehová kachomaj at? ¿La kachomaj che sibʼalaj nim ubʼanik are kʼu naj kʼo wi chawe, junam rukʼ ri uchʼumil jun galaxia? ¿O kachomaj che kʼo nim uchuqʼabʼ are kʼu kel ta ukʼuʼx chke ri winaq? ¿Jas riʼ ri qas ubʼanik ri Jehová? Pa ri Biblia, ri Jehová kukʼut chqawach jujun taq ubʼantajik y che xuqujeʼ nim katril wi.
1. ¿Jasche kojkun taj kqil uwach ri Dios?
«Ri Dios uxlabʼal» (Juan 4:24). Kʼo ta ubʼaqil ri Jehová. Are jun uxlabʼal che kʼo pa ri kaj, pa jun lugar che kojkun taj kqilo.
2. ¿Jas riʼ ri jujun taq ubʼantajik ri Jehová?
Paneʼ kqil ta uwach ri Jehová, are kʼu chiʼ kqetaʼmaj uwach kqaloqʼoqʼej rumal che qastzij kʼolik y kʼo jeʼlalaj taq ubʼantajik. Ri Biblia kubʼij: «Ri Ajawaxel kqaj ri sukʼilal chuwach man kʼu keʼuwonobʼaʼ ta kanoq ri e jik che» (Salmo 37:28). Xuqujeʼ «kutoqʼobʼisaj kiwach ri winaq kel ukʼuʼx chke», más na chke ri winaq che tajin kkiriq kʼax (Santiago 5:11). «Ri Ajawaxel naqaj kʼo wi che kitoʼtajisaxik ri ubʼanom chʼaqataʼq ri kanimaʼ, kitzaqom kʼut ri eyebʼal kʼuxaj» (Salmo 34:18). ¿Y la awetaʼm che ri kqachaʼ ubʼanik kuya bʼis o kikotemal che ri Jehová? Ri winaq che kubʼan itzel taq jastaq kuya bʼis che ri Jehová (Salmo 78:40, 41). Are kʼu ri winaq che kubʼan utz taq jastaq kuya nim kikotemal che (chasikʼij Proverbios 27:11).
3. ¿Jas kubʼan Jehová che ukʼutik che kojuloqʼoqʼej?
Ri loqʼoqʼebʼal are jun chke ri ubʼantajik ri Jehová che más nim ubʼanik. Rumal laʼ «ri Dios are loqʼoqʼebʼal» (1 Juan 4:8). Ri Jehová kukʼut ri uloqʼoqʼebʼal chqe pa ri Biblia xuqujeʼ rukʼ ri jastaq che xubʼano (chasikʼij Hechos 14:17). Chqachomajampeʼ jas xubʼan che qabʼanik. Xubʼan chqe che kojkunik kqil jeʼlalaj taq colores, kqanaʼ kikotemal are chiʼ kqata música y chiʼ kqatij jeʼlalaj taq jastaq. Ri areʼ kraj che kqanaʼ nimalaj kikotemal pa ri qakʼaslemal.
CHANIMARISAJ RI AWETAʼMANIK
Chqilaʼ jas kukoj ri Jehová rech kubʼan mayibʼal taq jastaq. Y chqilaʼ ri kubʼan che ukʼutik ri jeʼlalaj taq ubʼantajik chqawach.
4. Ri uxlabʼixel: ri uchuqʼabʼ ri Dios
Ri oj kqakoj ri qaqʼabʼ rech kojchakunik, y Jehová kukoj ri uxlabʼixel. Ri Biblia kubʼij taj che ri uxlabʼixel are jun winaq xaneʼ are ri uchuqʼabʼ ri Dios che kukoj che ubʼanik ronojel. Chisikʼij Lucas 11:13 y Hechos 2:17, y chixtzijon chrij wariʼ:
-
Dios kuya ri uxlabʼixel pa kiwiʼ ri winaq che kkita che. Rumal laʼ, ¿jas kachomaj, la winaq ri uxlabʼixel o are ri uchuqʼabʼ ri Dios che kukojo? ¿Jasche kachomaj wariʼ?
Jehová kukoj ri uxlabʼixel rech kubʼan mayibʼal taq jastaq. Chisikʼij Salmo 33:6 y 2 Pedro 1:20, 21, y chixtzijon chrij wariʼ:
-
¿Jas ubʼanom ri Jehová che ukojik ri uxlabʼixel?
5. Jehová kʼo jeʼlalaj taq ubʼantajik che utz kqilo
Moisés xupatanij ri Dios rukʼ sukʼilal. Paneʼ je wariʼ, kraj na kretaʼmaj más uwach. Rumal laʼ ri Moisés xubʼij: «Kintzʼonoj toqʼobʼ che la chi kkʼut la ri bʼe la chnuwach» (Éxodo 33:13). Jehová xutzalij uwach ri uchʼawem are chiʼ xukʼut jujun utz taq ubʼantajik chuwach. Chisikʼij Éxodo 34:4-6 y chixtzijon chrij wariʼ:
-
¿Jas bʼantajik xukʼut ri Jehová chuwach ri Moisés?
-
¿Jas ri más utz kawil at che ri Jehová?
6. Jehová nim keril ri winaq
Ri hebreos, ri ojer utinamit ri Dios, xeʼux esclavos pa Egipto. ¿Jas xunaʼ ri Jehová are chiʼ xril ri xkikʼulmaj ri utinamit? Chitatabʼej ri AUDIO y chiterneʼj ri lectura, o chisikʼij Éxodo 3:1-10. Y chixtzijon chrij wariʼ:
-
¿Jas kukʼut ri versículos riʼ chawach chrij ri kunaʼ Jehová are chiʼ keril ri winaq kkiriq kʼax? (Chiwilaʼ ri versículos 7 y 8).
-
¿La kraj ri Jehová kojutoʼo? ¿Y la kkun riʼ che qatoʼik? ¿Jasche je kabʼij?
7. Kojkunik kqetaʼmaj uwach ri Jehová rukʼ ri jastaq che xubʼano
Jehová kukʼut chqawach ri ubʼantajik rukʼ ri jastaq che xubʼano. Chiwilaʼ ri VIDEO. Tekʼuriʼ chisikʼij Romanos 1:20 y chixtzijon chrij wariʼ:
-
¿Jas ubʼantajik ri Jehová kawetaʼmaj chrij ri jastaq che ubʼanom?
RI KKICHOMAJ JUJUN WINAQ: «Ri Dios are ta jun winaq, xaneʼ are jun uxlabʼal che kʼo pa jalajoj lugar».
-
¿Jas kachomaj at?
-
¿Jasche je kachomaj waʼ?
RI XQETAʼMAJ
Jehová are jun uxlabʼal rumal laʼ kqil ta uwach. Kʼo utz taq ubʼantajik, jun chke are ri loqʼoqʼebʼal.
¿La knaʼtaj chawe?
-
¿Jasche kojkun taj kqil uwach ri Jehová?
-
¿Jas riʼ ri uxlabʼixel?
-
¿Jas riʼ ri jujun chke ri ubʼantajik ri Jehová?
CHAWILAʼ CHI NIKʼAJ
Kawetaʼmaj uwach ri Jehová are chiʼ kawil ri kajibʼ utz ubʼantajik.
Chawilaʼ jasche kqabʼij che ri Dios kʼo ta pa ronojel lugar.
«¿La kkun ri Dios kkʼojiʼ pa jalajoj taq lugar pa mismo tiempo?» (Kʼutunem re jw.org)
Chawilaʼ jasche ri Biblia kujunamaj ri uxlabʼixel kukʼ ri uqʼabʼ ri Dios.
Jun achi che kkaʼy taj kukojo che ri Dios kel ukʼuʼx che. Chawilaʼ jas xbʼanow che, che xukʼex ri uchomanik.
«Kimik kinkunik kentoʼ ri nikʼaj chik» (La Atalaya, 1 re octubre 2015)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
