YACHAI 07
¿Yaya Diosca ima shinataj can?
¿Jehová Diospi yuyashpaca imapitaj yuyangui? Paica jatun Diosmi can. Pero ¿estrellacuna shina, galaxiacuna shinachu paica ñucanchijmanta carupi canga? ¿Jehová Diosca shuj acapana shina poderoso cashpapish nachu imata sintinga? ¿O ima shinashi canga? Bibliapimi Jehová Dios ima shina cashcata huillan. Por ejemplo, canmanta sustarij cashcatami huillan.
1. ¿Yaya Diostaca imamantataj mana ricui pudinchij?
Yaya Diosca shuj espiritumi can (Juan 4:24). Paica mana aichayuj, tulluyujchu can. Jahua pachapimi causan. Chai lugartaca mana ricui pudinchijchu.
2. ¿Jehová Diosca ima shinataj can?
Jehová Diosta mana ricui tucushpapish pai ima shina cashcata yachashpami paita cꞌuyai callarishun. Salmo 37:28-pica: “Diosca, ima pandata mana rurajtami cꞌuyan. Paipaj agllashcacunataca mana saquinchu” ninmi. Shinallataj Salmo 34:18-pica: “Diosca shungupi llaquilla cajcunapaj cꞌuchullapimi. Espiritupi llaquilla cajcunata quishpichinmi” ninmi. Cai verso nishca shinaca sufricuj gentecunatacarin Yaya Diosca ashtahuanmi cꞌuyan, llaquin (Santiago 5:11). Pero ¿ñucanchij rurashcacunahuan Jehová Diosta llaquichij o cushichij cashcata yachashcanguichu? Pi mana allicunata rurajpica Diosca llaquirinmi (Salmo 78:40, 41). Pero pi allicunata rurajpica Diosca cushicunmi (Proverbios 27:11-ta liyipai).
3. ¿Jehová Diosca ima shinataj cꞌuyaita ricuchishca?
Yaya Diosca tucuimanta yallica “cꞌuyajmi” can (1 Juan 4:8). Paica Bibliata cushpa, imalla tiyashcacunata rurashpami ñucanchijmanca cꞌuyaita ricuchishca (Hechos 14:17-ta liyipai). Yaya Dios canta ima shina rurashcapi yuyai. Cantaca sumaj colorta ricuchun, alaja musicata uyachun, mishqui micunata micuchunmi rurashca. Chashna rurashpami can cushilla causachun munashcata ricuchin.
ASHTAHUAN YACHAI
Jehová Dios maravilla cosascunata rurai tucushcata, pai cꞌuyaj, llaquij cashcata ima shina ricuchishcata yachai.
4. Espíritu santoca Diospaj fuerzami can
Ñucanchij maquicunahuanmi imatapish ruranchij. Chashnallatajmi Jehová Diospish paipaj espíritu santohuan imatapish ruran. Bibliapica espíritu santoca mana shuj personachu can, sino Diospaj fuerzami can. Paica chai fuerzahuanmi tucuita ruran ninmi. Lucas 11:13 y Hechos 2:17-ta liyipai. Qꞌuipaca cai catij tapuicunatami yachashun:
-
Yaya Diosta paipaj espirituta mañajpica paica cungallami. ¿Canca imatataj yuyangui? ¿Espíritu santoca shuj personachu can o Diospaj fuerzachu can? ¿Imamantataj chashna yuyangui?
Jehová Diosca paipaj espíritu santohuanmi sumaj cosascunata ruran. Salmo 104:30 y 2 Pedro 1:20, 21-ta liyipai. Qꞌuipaca cai catij tapuitami yachashun:
-
¿Yaya Diosca paipaj espíritu santohuanca imallatataj ruran?
5. Jehová Dios ima shina cashcata yachashpaca paipajman ashtahuanmi cꞌuchuyashun
Moisesca Jehová Diosta alli sirvij cashpapish paimanta ashtahuan yachanatami munarca. Chaimantami Diostaca can ima shina cashcata ñuca alli yachangapaj cambaj ñanta rijsichihuai nishpa rogarca (Éxodo 33:13). Chaimi Yaya Diosca pai ima shina cashcata Moisesman ricuchirca. Éxodo 34:4-6-ta liyipai. Qꞌuipaca cai catij tapuicunatami yachashun:
-
¿Jehová Diosca pai ima shina cashcataca ima shinataj Moisesmanca ricuchirca?
-
¿Jehová Dios ima shina cashcata yachashpaca imatataj ashtahuan munangui?
6. Jehová Diosca paita sirvijcunataca cuidanmi
¿Egipto llajtapi israelitacuna llaquita apacujta ricushpaca Jehová Diosca ima shinashi sintirishcanga? AUDIOTA uyai. Éxodo 3:1 al 10-ta liyipai. Qꞌuipaca cai catij tapuicunatami yachashun:
-
¿Verso 7 y 8-pi nishca shinaca pi llaquicunata apacujpica Jehová Diosca ima shinashi sintirin?
-
¿Canca Jehová Dios gentecunata ayudasha nishcata, ayudai tucushcatapish cringuichu? ¿Imamantataj chaita cringui? ¿O imamantataj chaita mana cringui?
7. Jehová Dios rurashcacunata ricushpami pai ima shina cashcata yachanchij
Jehová Diosca pai ima shina cashcataca paipaj rurashcacunapimi ricuchishca. VIDEOTA ricui. Romanos 1:20-ta liyipai. Qꞌuipaca cai tapuitami yachashun:
-
¿Jehová Dios rurashcacunata ricushpaca paimantaca imatataj yachashcangui?
HUAQUINCUNACA: “Diosca mana ñucanchij shinachu can. Diosca ñucanchij shungupimi causan” nincunami.
-
¿Canca imatataj yuyangui?
-
¿Imamantataj chashna yuyangui?
YUYARISHUNCHIJ
Jehová Diostaca mana ricui tucunchijchu. Pero paica yallitaj cꞌuyaj Diosmi can.
Yuyaringapaj tapuicuna
-
¿Jehová Diostaca imamantataj mana ricui pudinchij?
-
¿Espíritu santoca imataj can?
-
¿Jehová Diosca ima shinataj can?
CAICUNATAPISH RICUI
Jehová Dios ima shina cashcata yachai.
Jehová Dios mana tucui ladopi cashcata yachai.
“¿Diosca tucui ladocunapi, tucui cosascunapichu can?” (jw.org paginapi ricui)
¿Imamantataj Bibliapica espíritu santotaca Diospaj maquihuan chꞌimbapuran?
Mana ricuj runapajca Yaya Dios paita cꞌuyashcata crinaca sinchimi carca. Paipaj yuyaita ima shina cambiashcata yachai.
“Cunanmi shujtajcunata ayudai tucuni” (Huillaj, 1 de octubre de 2015)
Puede que también le interese
GENTECUNA RURASHCA TAPUICUNA
¿Testigo de Jehovacunaca ima shinataj Bibliamanta yachachincuna?
Testigo de Jehovacunahuan Bibliamanta gratis estudiacushpaca can charishca Bibliatami utilizai tucungui. Cambaj familiata o cambaj amigocunatapish canta compañachun invitai tucungui.
