07 YACHACHIKUY
¿Imaynataq Jehova Diosqa?
Ichapas ninki: “Jehova Diosqa mayna suma-sumaqchiki hukchus ñuqataqa yuyariwanman”, nispa. Utaqchu ninki: “Mayna-mayna atiyniyuqchiki payqa, imallaraqtaqsi rayopas”, nispa. Chaynaqa, ¿imaynataq Jehova Diosqa kanman? Bibliapim niwanchik taytanchik Jehova Dios imayna kasqanmanta. Chaymantapas niwanchikmi sapakamata kuyawasqanchikta.
1. ¿Imanasqataq Diostaqa mana rikuyta atinchikchu?
Jehova Diosqa manam ñuqanchik hina aychayuq, tulluyuqchu. Chaymi paytaqa rikuyta mana atinchikchu. Bibliapim nin: “Diosqa espiritum”, nispa (Juan 4:24). Payqa hanaq pachapim yachan, ichaqa manamá chay yachasqan lawtaqa rikunchikchu.
2. ¿Imayna sunquyuqtaq Jehova Diosqa?
Jehova Diosta rikuyta mana atispapas sumaq sunquyuq kasqanta yachaykuspanchikqa paytam anchata kuyasun. Bibliapim nin Jehova Diosqa allin kaqkunata ruwasqanmanta hinaspa payman sunqu kaqkunataqa mana saqisqanmanta (Salmos 37:28). Nintaqmi ‘Jehova Diosqa ancha kuyapayakuq, llakipayakuq’ kasqanmantapas, aswanraqmi llakipayan llakipi tarikuqkunataqa (Santiago 5:11). Chaymantapas “Jehova Diosqa llakisqa sunquyuqkunapa hichpallanpim kachkan. Llumpay hukmanyasqa kaqkunatam yanapaykun” (Salmos 34:18). Jehova Diostaqa imapas ruwasqanchikwanmi kusichichwan utaq llakichichwan. Mana kasukuptinchikqa llakikunmi (Salmos 78:40, 41). Kasukuptinchikñataqmi kusikun (leey Proverbios 27:11).
3. ¿Imaynatam yachanchik Jehova Dios kuyawasqanchikta?
Jehova Diosqa ancha-ancha kuyakuqmi. Bibliapipas ninmi: “Diosqa kuyakuymi”, nispa (1 Juan 4:8). Jehova Diosqa kuyawasqanchikraykum bibliata ruwachipuwarqanchik hinaspa tukuy imatapas unanchapuwarqanchik (leey Hechos 14:17). Kuyawasqanchikraykutaqmi unanchawarqanchik mikuqta, qawaqta, uyariqta. Chaymi tukuy rikchaq colorkunatapas rikuyta atinchik, mikuspapas musyanchikmi miski utaq puchqu kasqanta. Jehova Diosqa munanmi kusisqa kawsakunanchikta.
ASTAWAN YACHAYKUSUN
Kaypim yachaykusun imawan Jehova Dios tukuy imata ruwasqanmanta hinaspa imayna sunquyuq taytanchik Jehova Dios kasqanmanta.
4. Chuya espirituqa Diospa atiyninmi
Imaynam ñuqanchikpas imatapas ruwanchik makinchikwan, chaynam Diospas imatapas ruwan chuya espiritunwan. Wakin runakunam ninku chuya espirituqa Dios kasqanta. Bibliam ichaqa nin chuya espirituqa Diospa atiynin kasqanta. Leeychik Lucas 11:13 willakuy; hinaspa Hechos 2:17, chaymantañataq qatiqninmanta rimariychik:
-
Kay ñawinchasqanchikpim nin Diosqa chuya espiritunta utaq atiyninta quwananchikmanta hinaspa chaqchurimunanmanta. Chaynaqa, ¿chuya espirituqa Dioschu icha Diospa atiyninchu? ¿Imanasqataq chaynata ninki?
Jehova Diosqa atiyninwanmi tukuyta ruwan. Leeychik Salmos 33:6 hinaspa 2 Pedro 1:20, 21 chaymantañataq qatiqninmanta rimariychik:
-
¿Imakunatam Jehova Diosqa ruwarqa atiyninwan?
5. Jehova Diosqa ratakuykunapaq Diosmi
Jehova Diostam Moisesqa unay wataña servirqa, ichaqa astawanmi riqsiykuyta munarqa. Chaymi nirqa: “Riqsichillawayá imayna kasqaykita”, nispa (Exodo 33:13). Hinaptinmi Jehova Dios imayna kasqanta willarqa. Leeychik Exodo 34:4-6 hinaspa qatiqninmanta rimariychik:
-
¿Imayna kasqanmantataq Jehova Diosqa Moisesman willarqa?
-
¿Imayna Dios kasqanraykutaq payman asuykuyta munanki?
6. Jehova Diosqa lliw runakunatam kuyawanchik
Ñawpaq tiempopi Diosta yupaychaq hebreo casta runakunam Egipto nacionpi llumpay ñakarichisqa karqaku. ¿Imaynataq Jehova Dios tarikurqa ñakarisqankuta qawaspan? Uyariykuychik utaq leeychik Exodo 3:1-10, hinaspa qatiqninmanta rimariychik:
-
¿Imaynataq Jehova Diosqa tarikun runakuna ñakarisqankuta qawaspan? (Kaqmanta leeychik 7 hinaspa 8 versiculokunata).
-
¿Jehova Diosqa qunqaruwanchikchu? ¿Atinmanchu yanapawayninchikta? ¿Ima niwaqtaq?
7. Unanchasqankunata qawaspam Dios imayna kasqanmanta yachanchik
Jehova Dios imayna sunquyuq kasqantam yachachwan tukuy ima unanchasqankunata qawaspa. VIDEOTA qawaykuychik. Chaymantañataq leeychik Romanos 1:20 hinaspa qatiqninmanta rimariychik:
-
¿Jehova Dios imayna sunquyuq kasqanmantataq niwaq tukuy ima unanchasqankunata qawaspayki?
WAKIN RUNAKUNAM NINKU: “Diosta mana rikuchkaspayqa, ¿imaynatataq paymantaqa yachayman?”, nispanku.
-
Qamqa ¿ima ninkitaq?
-
¿Imanasqataq chaynata ninki?
YUYARIYKUSUN
Kaypim yacharunchik Jehova Diosqa espiritu kasqanrayku rikuyta mana atisqanchikmanta. Payqa manam aychayuqchu nitaq tulluyuqchu. Yacharunchiktaqmi Jehova Diosqa llakipayakuq hinaspa kuyapayakuq kasqanmanta.
¿Ima niwaqtaq?
-
¿Imanasqataq Jehova Diostaqa mana rikunchikchu?
-
¿Imataq chuya espirituqa?
-
¿Imayna sunquyuqtaq Jehova Diosqa?
ASTAWAN YACHANAYKIPAQ
Jehova Diosqa atiyniyuq, yachayniyuq, allinkunata ruwaq, hinaspa kuyakuqllaña kasqanmanta yachanaykipaq kay yachachikuyta leey.
¿Imanasqam ninchik Jehova Diosqa tukuylawpi mana kasqanmanta? Chaymanta kay yachachikuypi leey.
“¿Tukuy lawkunapichu Diosqa kachkan?” (Tarinkim jw.org nisqanpi)
Bibliapim nin Diospa chuya espiritunqa “makin” hina kasqanta. Chaymanta kaypi leeykuy.
Ñawsa runacham Diospa qunqasqan hina tarikurqa, chaymantam ichaqa yacharurqa Diosqa payta anchata kuyasqanmanta.
“Kunanqa atiniñam hukkuna yanapayta” (Willakuq, noviembre-diciembre 2015)
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
