07 YACHANA PARTI
Jehovaga imasa tan
Jehova imasa ashcata yuyashcanguichu. Jehovaga atun Dios man. Chasna ashahuas, estrellaguna shina, yapacta caruibi man nishachu yuyashcangui. Paiga rayu shina, manzhanayacta ushayuc Dios chan. Jehovaga imasa tan. Paiba shimi Bibliaga, Jehova imasa ashcata, canda llaquishcatahuas yachachin.
1. Imahuata Diosta mana ricunata ushanchi
“Diosca shuc espiritu man” (Juan 4:24, TNM). Jehovaga mana aichayuc tulluyuc chan. Paiga cieloibi causac espiritu man. Cieloibi causaccunata mana ricuibac chan.
2. Jehovaga ima sami Dios tan
Jehovata mana ricunata ushashahuas, paita ricsisha llaquinata ushanchi. Paiga sirtu Dios ashcamandami, ali shunguta charin. Biblia nin: “Jehovaga alita ranata llaquic ashcamandami paita casuccunata mana saquinga” (Salmo 37:28). Jehova turmintuibi auc runagunata llaquisha “yapa yanapac man” (Santiago 5:11). “Jehovaga llaquirishca corazonda charic runagunahua mayanbi maun. Yapacta llaquirisha urmashcagunata quishpichin” (Salmo 34:18). Ñucanchiga Jehovata cushiyachinata o llaquichinata ushanchi. Imahua. Shuc runa mana alita raushcamanda, Jehovata llaquichisha, mana tunuta sintichin (Salmo 78:40, 41). Chasna ashahuas, alita rauc runaga paita yapactami cushiyachin (Proverbios 27:11ta leipai).
3. Jehovaga ñucanchita llaquinzhu
Jehovaga huingunata llaquin. Biblia nin: “Diosca sirtu llaquic man” (1 Juan 4:8). Bibliata cushcamanda, tucuita rashcamanda, Jehova ñucanchita llaquishcata ricuchin (Hechos 14:17ta leipai). Ñucanchita imasa rashcata yuyai. Sumacta ricunata, musicata uyanata, gustuta micusha camana ushashcata cuitucushcanchi. Paiga ñucanchi cushilla causachun munan.
CAIMANDA MASTA YACHAI
Jehovaga ali gustu, manzhanayacta ricuriccunata imahuan rashcata ricushun. Huasha, Jehova imashina ashcata yachangahua pai imata rashcata intindishun.
4. Espiritu santoga: Diospa ushai man
Ñucanchi maquihuan tarabanchi. Jehova randiga, paihua espirituhuan tucuita ran. Bibliaga, espiritu santo mana Dios chan ninmi. Astahuanga, tucuita rangahua Diospa ushai man nin. Lucas 11:13 y Hechos 2:17ta (TNM) leichi, a huasha cai tapuimanda cuintanacuichi:
-
Diosca maican runa paiba espiritu santota tapucpi, paiga cungallami. Chasna acpiga, canga imatata yuyangui: espiritu santoga Dios chan, o paiba ursa, imatas rangahua ushai chan. Imahuata casna yuyangui.
Jehovaga ali gustu, manzhanayacta ricuriccunata paiba espirituhuan ran. Salmo 33:6 y 2 Pedro 1:20, 21ta leichi, huasha cai tapuimanda cuintanacuichi:
-
Jehovaga paiba espiritu santohuan imagunatata rashca.
5. Jehova imashina ashcata yachashaga paima mas caillayanata munanchi
Moisesca Diosta mana saquishachu sirvira. Chasna ashahuas, paita masta ricsinata munara. Chiraicu, Moises nira: “Camba ñambita yachachihuai, canda masta ricsingahua” (Exodo 33:13). Jehovaga pai imashina ashcata Moisesta yachachira. Exodo 34:4-6ta leichi, huasha cai tapuigunamanda cuintanacuichi:
-
Jehovaga Moisesta pai imashina ashcatata yachachira.
-
Jehovamanda imata masta gustangui.
6. Jehovaga huin runagunata llaquisha yanapan
Callari timpuibi Diospa llacta hebreogunaga, Egipto llactaibi esclavo manaura. Jehovaga paita sirvic runaguna turmintarishcata ricusha, imashinata sintirira. RIMASHCATA uyasha Biblia nishcata catichi, o Exodo 3:1-10ta leichi. Huasha, cai tapuigunamanda cuintanacuichi:
-
Cai Bibliamanda yachachishca shina, Jehova runaguna turmintarishcata ricusha imashinata sintirin (Versiculo 7 y 8ta ricuichi).
-
Jehovaga sirtutachu runagunata yanapanata munan. Canga pai yanapangaraushcata quiringuichu. Imahuata casna yuyangui.
7. Jehova rashcata ricusha pai imashina ashcata yachanchi
Jehova tarbashcaga pai imashina ashcata yachachitucunchi. VIDEOTA ricuichi. Huasha, Romanos 1:20ta leisha, cai tapuimanda cuintanacuichi:
-
Jehova rashcata ricusha paimanda imatata yachangui.
MAICANGUNAGA CASNAMI NINAUN: “Diosta mana ricushaga paita mana ricsinata ushanchi”.
-
Can imatata yuyangui.
-
Imahuata casna yuyangui.
IMATA YACHASHCANGUI
Jehovaga shuc espiritu man. Chasnamanda, paita mana ricunata ushanchi. Jehovaga llaquic Dios man. Pai imasa ashcata yachashaga paima mas caillayanata munanchi.
Yachashcata cuintai
-
Jehovata imahuata mana ricunata ushanchi.
-
Espiritu santoga ima tan.
-
Jehovaga ima sami Dios tan.
CANLLATA MASTA YACHAI
Jehovaga llaquic, alita rac, tucuita yachac, tucui ushayuc Dios ashcata yachasha paita masta ricsi.
Jehovaga tucui partigunaibichu aun.
“Diosca tucui uras, tucui partigunaibichu aun” (jw.org internet pistuibi)
Bibliaga espiritu santo Diospa maqui shina man nin.
Puyu ñahui runaga Dios paita llaquishcata mana quiric chara. Pai yuyaita cambiachun ima yanapashcata ricui.
“Cunan shuccunata yanapanata ushani” (La Atalaya, 1 de octubre de 2015)
a Hechos 2:17 (TNM): “Tucuric punzhagunaibi, Dios nin, tucui sami runaguna ahuaibi ñuca espiritumanda ansahuata talisha. Paiguna churiguna, paiguna ushiguna ima pactaringaraushcata rimangauna, paiguna maltaguna ima pasangaraushcata ricungauna, paiguna rucugunahuas muscungauna”.
