ΜΑΘΗΜΑΣ 07
Σο Τζανάσα ι Ιεχωβάσκε;
Σαρ τθερέσα ι Ιεχωβά Ντεβλές τι γκοντιάτε; Μήπως σκεφτίνεσα ότι ισί μπουτ μπαρό ντα αζόμ ντουρ τούταρ καζόμ ισί ο τσεργανιά εκχέ γαλαξιάσκε; Μήπως σκεφτίνεσα-λες ζουρανό αλλά χωρίς χαρακτήρας, σαρ εκ ζουρανί μπαρμπάλ; Σο χαρακτήρας τθερέλα ο Ιεχωβά; Η Αγία Γραφή βακερέλα καλά ισί ο λατσσίματα ι Ιεχωβάσκε ντα σικαβέλα καζόμ πφαμπόλα τούκε.
1. Σόσκε ναστί ντικχάσα ι Ντεβλές;
«Ο Ντεβέλ ισί Πνεύμας». (Ιωάννης 4:24) Ο Ιεχωβά να τθερέλα τζενέσκο σώμας. Ισί Πνεύμας σο τζουβντιόλα κο ουρανός, εκχέ τθανέστε σο ναστί ντικχάσα.
2. Καλά ισί μερικά λατσσίματα σο τθερέλα ο Ιεχωβά;
Αμέν ναστί ντικχάσα ι Ιεχωβάς. Αλλά κάνα σικλιάσα λέσκε, μανγκάσα-λες επειδή ισί αληθινός ντα τθερέλα μπουτ λατσσίματα. Η Γραφή βακερέλα: «Ο Ιεχωβά μανγκέλα ι δικαιοσύνη ντα να κα μουκχέλ οντουλέν σο ισί αφοσιωμέ λέστε». (Ψαλμός 37:28) Επίσης, «σικαβέλα μπουτ μανγκιπέ ντα συγχωρίνελα» ντα ανταβά κερέλα-λες ατζέ πο μπουτ οντουλένγκε σο τθερένα προβλήματα. (Ιακώβου 5:11) «Ο Ιεχωβά ισί πασέ οντουλέντε σο τθερένα πφανγκό γκι· σώνελα οντουλέν σο χασαρντέ πουμαρί ζορ». (Ψαλμός 34:18, υποσημείωση) Ντα τζανέας ότι μπορίνασα τι κεράς ο γκι ι Ιεχωβάσκο ή τι πφανγκάς-λες οντουλέντζαρ σο κεράσα; Κάνα εκ τζενό τραμπίνελα τι κερέλ μπέτι πράγματα, πφανγκέλα ντα ντουκχαβέλα ι Ντεβλέσκο γκι. (Ψαλμός 78:40, 41) Αλλά κάνα κερέλα ο σωστός ντέλα-λες χαρά.—Διαβάνεν Παροιμίες 27:11.
3. Σαρ σικαβέλα ο Ιεχωβά ότι μανγκέλα-αμέν;
Ο πο μπαρό λατσσιπέ ι Ιεχωβάσκο ισί ο μανγκιπέ. Κι πραγματικότητα, «ο Ντεβέλ ισί μανγκιπέ». (1 Ιωάννη 4:8) Ο Ιεχωβά σικαβέλα πο μανγκιπέ όχι σάντε αντράλ κατά Γραφή, αλλά εμ κατά πράγματα σο λατσσαρντάς. (Διαβάνεν Πράξεις 14:17) Σκέφτινε για παράδειγμας σαρ λατσσαρντάς αμέν, ι τζενέν. Μπορίνασα τι ντικχάς σουκάρ χρώματα, τι ασουνάς σουκάρ γκιλιά ντα τι αγαβάς ο γκουλντιπέ ι χαμπιματένγκο. Μανγκέλα τι μπεϊντίνας αμαρί ζωή.
ΧΑΝΤΖΟΥΒ ΠΟ ΑΧΟΡΤ
Σίκλιουβ σαρ ο Ιεχωβά κερέλα μπουτ σουκάρ πράγματα. Σοράν, ντικχ σαρ σικαβέλα ο Ιεχωβά ο λατσσίματα σο τθερέλα.
4. Ο άγιος πνεύμας ισί η ζορ ι Ντεβλέσκι
Σαρ αμέν κεράσα μπουτί αμαρέ βαστέντζαρ, ο Ιεχωβά κερέλα μπουτιά πι άγιε πνευμάσαρ. Η Γραφή σικαβέλα ότι ο άγιος πνεύμας νανέ ντεβέλ, αλλά η ζορ σο τθερέλα ο Ντεβέλ για τι κερέλ σαρέ οντουλά σο μανγκέλα. Διαβάνεν Λουκάς 11:13 ντα Πράξεις 2:17 ντα σοράν συζητίνεν ο ερωτήσεις:
-
Ο Ντεβέλ “ντέλα” πο άγιος πνεύμας οντουλέντε σο μανγκένα-λες λέσταρ. Άρα τούι σο πακιάσα, ισί ο άγιος πνεύμας η ζορ ι Ντεβλέσκι ή κάτι γιαβέρ; Σόσκε βακερέσα-λες ανταβά;
Ο Ιεχωβά πι άγιε πνευμάσαρ κερέλα μπουτ σουκάρ πράγματα. Διαβάνεν Ψαλμός 33:6 ντα 2 Πέτρου 1:20, 21 ντα σοράν συζητίνεν ι ερώτηση:
-
Καλά ισί μερικά πράγματα σο κερντάς ο Ιεχωβά πι άγιε πνευμάσαρ;
5. Ο Ιεχωβά τθερέλα μπουτ λατσσίματα
Ο Μωυσής ντέλας λατρεία πιστά ι Ντεβλές, αλλά μανγκέλας τι σικλιόλ ατζέ πο λατσσές Οντουλές σο λατσσαρντάας-λες. Οτθάρ, βακερντάς κο Ντεβέλ: «Κερ-μαν τι σικλιάβ το ντρομά, για τι σικλιάβ-τουτ». (Έξοδος 33:13) Ο Ιεχωβά σικαντάς κο Μωυσής μερικά λατσσίματα σο τθερέλα Βοβ. Διαβάνεν Έξοδος 34:4-6 ντα σοράν συζητίνεν ο ερωτήσεις:
-
Καλά λατσσίματα πιρέ σικαντάς ο Ιεχωβά κο Μωυσής;
-
Τούι, καλά λατσσίματα ι Ιεχωβάσκε μπεϊντίνεσα πο μπουτ;
6. Ο Ιεχωβά πφαμπόλα ι τζενένγκε
Ο Εβραίοι, σο ισινέ ο λαός ι Ντεβλέσκο κο πουρανέ μπρεσά, ισινέ δούλοι κι Αίγυπτος. Σαρ νιωθίνελας ο Ιεχωβά κάνα τσσίντενας μπουτ; Ασουνέν ι ΗΧΟΓΡΑΦΗΣΗ καζόμ ντικχένα τουμαρέ Γραφιάταρ ή διαβάνεν τουμέν Έξοδος 3:1-10. Σοράν συζητίνεν ο ερωτήσεις:
-
Σαρ σικαβέλα ανταγιά ιστορία, σαρ νιωθίνελα ο Ιεχωβά κάνα τσσίντενα μπουτ ο τζενέ;—Ντικχέν ο εδάφια 7 ντα 8.
-
Πακιάσα τούι ότι ο Ιεχωβά μπαγιά μανγκέλα ντα μπορίνελα τι βοηθίνελ ι τζενέν; Σόσκε βακερέσα-λες ανταβά;
7. Αγαβάσα ο λατσσίματα ι Ιεχωβάσκε αντράλ οντουλένταρ σο λατσσαρντάς
Ο Ιεχωβά σικαβέλα πο λατσσίματα αντράλ κατά πράγματα σο λατσσαρντάς. Ντικχέν ο ΒΙΝΤΕΟΣ. Σοράν, διαβάνεν Ρωμαίους 1:20 ντα συζητίνεν ι ερώτηση:
-
Τούι, καλά λατσσίματα ι Ιεχωβάσκε ντικχέσα κο πράγματα σο λατσσαρντάς;
ΜΕΡΙΚΑ ΤΖΕΝΕ ΒΑΚΕΡΕΝΑ: «Ο Ντεβέλ ισί απλά εκ ζορ σο ισί παντού».
-
Τούι σο πακιάσα;
-
Σόσκε βακερέσα-λες ανταβά;
ΧΑΝΙΚ ΛΑΦΙΝΤΖΑΡ
Ι Ιεχωβάς ναστί ντικχάσα-λες σόσκε ισί Πνεύμας, αλλά τζανάσα ότι τθερέλα μπουτ λατσσίματα ντα ο πο μπαρό ισί ο μανγκιπέ.
Σο Σικλιλάν;
-
Σόσκε ναστί ντικχάσα ι Ιεχωβάς;
-
Σο ισί ο άγιος πνεύμας;
-
Καλά ισί μερικά λατσσίματα ι Ιεχωβάσκε;
ΡΟΝΤΕ
Αγάβ πο λατσσές κον ισί ο Ιεχωβά κατά σταρ πο μπαρέ λατσσίματα σο τθερέλα.
Ντικχ αποδείξεις σο σικαβένα ότι ο Ιεχωβά νανέ παντού.
Σίκλιουβ σόσκε ο άγιος πνεύμας βακέρντιβελα κι Γραφή ο βαστά ι Ντεβλέσκε.
Εκ κορορό δυσκολίντιβελας τι πακιάλ ότι ο Ντεβέλ πφαμπόλας λέσκε. Σίκλιουβ σο κερντάς-λες τι αλλάνελ πι άποψη.
«Ακανά Νιωθίναβα ότι Μπορίναβα τι Βοηθίναβ Γιαβερέν» (Η Σκοπιά 1 Οκτωβρίου 2015)