LECȚIA 07
Sar si o Iehova?
Cana gândis-tu co Iehova Del, so avel tuche andi goghi? Pachias că silo prea baro hai dur tutar, sar le cerhaia pa o cerii, hai anda codoia ci daștis te pașios lestar? Sau daștil-pe că pachias că na-i iech jeno ciacio, că si numai iech zuralimos, sar i bari barval. Tha sar si ciaces o Iehova? Ande pesco Cuvânto, i Biblia, o Iehova sicavel amenghe sar silo hai vi că lel sama pe tute.
1. Sostar ci daisaras te dichas le Devles?
„O Del si Spirito.” (Ioan 4:24) Le Iehovas nai-les iech corpo masesco, sar amen. Vo silo iech spirito cai beșel andel ceruri, iech than cai amen ci daisaras te dichas-les.
2. Sar si o Iehova?
Ci daisaras te dichas le Iehovas, tha cana prinjianas-les camas vi mai but te pașioas lestar, anda codoia că vo si iech jeno ciacio, pherdo iubirea. I Biblia phenel: „O Iehova iubil o ortomos hai ci va mechela codolen loialo lesche”. (Psalmo 37:28) Vo silo „pherdo afecțiunea hai îndurătorii”, vi mai but caring codola cai sile duchade. (Iacov 5:11) „O Iehova si pașa codola cai lengo ilo si duchado; salvil codolen cai sile perade.” (Psalmo 34:18) Jianglean că chio phiraimos daștil te duchavel sau te bucuril le Iehovas? Iech manuș cai alosarel te cherel so si nasul, holiarel le Iehovas hai duchavel lesco ilo. (Psalmo 78:40, 41) Tha iech manuș cai cherel lașe buchia, bucuril lesco ilo. (Citisaren Proverbe 27:11.)
3. Sar sicavel o Iehova că iubil-ame?
Chanci na-i mai bari sar i iubirea le Iehovaschi. I Biblia phenel: „O Del silo iubirea”. (1 Ioan 4:8) O Iehova sicavel amenghe peschi iubirea na numai prin i Biblia, tha vi prin le buchia cai cărdea-le. (Citisaren Fapte 14:17.) Sar exemplo, gândisar-tu sar cărdea-ame o Del. Daisaras te dichas ande mai but culori, te așunas șucar ghilea hai te has lașio hamos. Ciaces, o Iehova camel te bucurisaras-ame viațatar.
HACHIAR MAI MIȘTO
Va avela te hachiares sar cherel o Iehova bare buchia. Pala codoia, va avela te diches sar o Del sicavel tuche sar silo vo.
4. O spirito sfânto si o zuralimos le Devlesco
Cadea sar amen folosisaras amare vasta caște cheras buchi, sa cadea o Iehova folosil pesco spirito sfânto. I Biblia sicavel amenghe că o spirito sfânto na-i iech jeno, tha si o zuralimos cai o Del folosil-les caște cherel sea so camel. Citisaren Luca 11:13 hai Faptele 2:17 hai pala codoia den duma:
-
O Del va „șiorela” spirito sfânto opral codola cai manghen-les lestar. Cadea că, tu so pachias, o spirito sfânto si iech jeno sau si o zuralimos le Devlesco? Tu sostar pachias cadaia?
O Iehova folosisarel pesco spirito sfânto caște cherel bare buchia. Citisaren Psalmo 33:6 hai 2 Petru 1:20, 21 hai pala codoia den duma:
-
Sar folosisardea o Iehova pesco spirito sfânto?
5. Cana jianas sar silo o Iehova, camas te pașioas lestar
O Moise sas iech slujitoro loialo le Devlesco. Cu sea cadala, vo camelas te prinjianel vi mai mișto pesche Devles cai cărdea-les. Cadea că o Moise phendea lesche: „Cher-ma te prinjianav che droma, caște prinjianav-tu”. (Exodo 33:13) Anda codoia, o Iehova cărdea-pe vi mai but prinjiando le Moisesche. Citisaren Exodo 34:4-6 hai pala codoia den duma:
-
So cărdea prinjiando o Iehova le Moisesche anda peste?
-
So placial-tu o mai but co Iehova?
6. Le Iehovas duchal-les le manușendar
Le evrei, cai sas o poporo alosardo le Iehovastar, arăsle sclavi ando Egipto. So sas ande le Iehovasco ilo cana dichlea lenghi duch? Așunen cado MATERIALO AUDIO hai dichen andi Biblia i relatarea sau citisaren Exodo 3:1-10 hai pala codoia den duma:
-
So sicavel cadai relatarea că si ando ilo le Iehovasco cana dichel le manușenghi duch? (Dich le versetea 7 hai 8.)
-
Tu pachias că o Iehova camel, hai vi daștil, te ajutil le manușen? Sostar?
7. I creația sicavel sar si o Iehova
Daisaras te dichas sar si o Iehova anda le buchia cai vo cărdea-le. Dichen o MATERIALO VIDEO. Pala codoia citisaren Romani 1:20 hai den duma:
-
So sichios anda o Iehova cana diches le buchia cai cărdea-le?
UNII MANUȘA PHENEN: „O Del na-i iech jeno. Vo si numai iech zuralimos cai si oricai, ande orisavi buchi”.
-
Tu so pachias?
-
Sostar pachias cadai buchi?
SO SICHILEAM
O Iehova si iech jeno spiritualo. Amen ci daisaras te dichas-les, tha daisaras te jianas sar silo vo. Chanci na-i mai bari sar leschi iubirea.
So dichleam
-
Sostar ci daisaras te dichas le Iehovas?
-
So si o spirito sfânto?
-
So phenes, sar si o Iehova?
RODE MAI BUT
Va avela te sichios ștar buchia importanto anda o Iehova, caște prinjianes-les mai mișto.
Va avela te diches buchia cai sicaven că o Iehova na-i oricai, ande orisavi buchi.
„Si o Del oricai, ande orisavi buchi?” (Articolo pa amaro site-o)
Va avela te diches sostar i Biblia phenel că o spirito sfânto si „o vast” le Devlesco.
Iech murș coro ci pachiaia că le Devles duchal-les lestar. Va avela te diches so ajutisardea-les te paruvel peschi gândirea.
„Acana simțosarav că daștiv te ajutiv averen” (O Turno de Veghe, 1 octombria 2015)