SIKAIMOS 07

Che fialo si o Jehova?

THO

Kana des tu gogi ando Jehova, so gindis, che fialo si? Gindis tu ke sar si gadia de baro, dur lo tutar sar le cheraia ando cheri? Vai gindis ke nai varekon chacho ai ke si iek bari zor sar iek rhonzheto? Chachimasa ke fialo si o Jehova? Ande peski Vorba, e Biblia, o Jehova sikavel amenge ke ande leste si lashe prame ai ke si leske pala tute.

1. Sostar nashtis te dikhas le Devles?

“O Del si duxo” (Iovano 4:24). Ka o Jehova nai iek stato masesko. Vo si iek dujo kai trail ando cheri, iek rig kai nashtis te dikhas.

2. Save si uni andal lashe prame katar o Jehova?

Makar nashtis te dikhas ka o Jehova, kana prinzharas les anklel anda amaro ilo te kamas les pala le lashe prame kai si ande leste. E Biblia phenel: “Ke o Jehova drago leske so si vorta ai vo chi mekela godolen kai si chache lesa” (Salmo 37:28). Vi phenel pa o Del ke defial “miloso lo ai lasho” mai but godole manushentsa kai nekezhin (Iakov 5:11). “O Jehova si pasha godola kai si lengo ilo dukhado, skepil godolen kai si defial nekezhime” (Salmo 34:18). Zhanesas ke pala so keras shai veselis vai dukhavas o ilo le Jehovasko? O manush kai alosarel te kerel so nai vorta nekezhil ai dukhavel lesko ilo (Salmo 78:40, 41). Numa o manush kai kerel o mishtimos veselil lesko ilo (chito Proverbios 27:11).

3. Sar sikavel o Jehova ke kamel amen?

E mai bari prama kai si ka o Jehova si o kamlimos, e dragostia, pala godo “O Del si dragostia” (1 Iovano 4:8). Mashkar e Biblia ai le prame kai kerdias, o Jehova sikavel amenge pesko kamlimos (chito Hechos 14:17, NWT). De tu gogi sar kerdias amen, shai dikhas shukarimos amare iakhentsa, shai ashunas shukar gilia ai te jas lasho jabe. Vo kamel te avel amen iek lasho traio.

TE MAI SIKIOS

Aida dikhas sosa kerel o Jehova bare prame. Ai polme si te dikhas sar sikavel le lashe prame kai si ande leste.

4. O sunto dujo: e zor le Devleski te kerel sa le prame

Gadia sar amen keras buki amare vastentsa, o Jehova kerel buki mashkar pesko sunto dujo. E Biblia chi phenel ke o sunto dujo si iek manush, phenel ke si e zor le Devleski te kerel sa le prame. Chiton Lucas 11:13 [NWT] ai Hechos 2:17 [NWT], ai den duma pa:

O Del si te shorel pesko sunto dujo pe godola kai mangen les lestar. So pakias, o sunto dujo si iek manush vai si leski zor te kerel sa le prame? Sostar pakias gadia?

O Jehova mashkar pesko sunto dujo kerel bare prame. Chiton Salmo 33:6 ai 2 Pedro 1:20, 21 [NWT], ai den duma pa:

So kerdias o Jehova mashkar pesko sunto dujo?

5. Ka o Jehova si lashe prame kai anen amen leste

O Moises luvudilas ka o Del kai kerdias les, numa kamelas te prinzharel les mai but. Pala godo, o Moises phendias leske: “Sikau mange cho drom te shai prinzharau tu” (Éxodo 33:13). O Jehova dias les suato ai phendias leske uni lashe prame pa peste. Chiton Éxodo 34:4-6, ai den duma pa:

So phendias pa peste o Jehova ka o Moises?
Save prame katar o Jehova plachan tu mai?

6. O Jehova si leske pala le manush

De dumut le hebreuria, o foro le Devlesko, sas slugi ando Egipto. Sar aliarelaspe o Jehova kana kinuilas pesko foro? Ashunen o AUDIO vai numa chiton Éxodo 3:1-10. Polme den duma pa:

AUDIO: Ka o Jehova dukhadias les te dikhel sar kinuilas pesko foro (2:45)

So sikavel tuke kako pa so aliarel o Jehova kana dikhel ke kinuin le manush? (Dikhen le verseturia 7 ai 8).
Pakias tu ke o Jehova kamel chachimasa te azhutil le manushen? Gindis ke shai kerel godo? Sostar gindis gadia?