7 ӶЛАВА

Саво сыно о Иегова?

ВОСПРОИЗВЕСТИ

Саво сыно о Иегова?

Сар ту гиндос, саво о Дэл о Иегова? Можэт ту дарас лэ Дэвлэстар или гиндос, кай во фартэ дур. Можэт ту гиндос, кай када фартэ баро зор, сар ӷромо? Ай саво о Иегова па чачимастэ? Анда Библия ту уӷанэса, со о Иегова росԥэнэн пала пэстэ и сар во заботийпэ пала мануша.

1. Васо и мануша нэ моӷут тэ диқэн лэ Дэвлэс?

Во жувэл котэ, кай и мануша нэ моӷут тэ диқэн лэс и, важ кода кай лэстэ тила най кацави, сар кай о мануш. Андэ Библия пистромэ, кай «о Дэл на дицол» (Иоанна 4:24).

2. Саво о Иегова?

Хоть о Иегова на дицол, лэс любин кодэла, ко ӷанэн пала лэстэ, важ кода кай ӷанэн, саво во сыно. Андэ Библия пистромэ, кай «о Иегова любий справедливость, во на ашавэла кодэлэн, ко на парашэн тэ кандэн лэс» (Псалом 37:28). Кадяжэ андэ Библия ԥэнэнпэ, кай «о Иегова фартэ любий и жалуий анда вся оди» (Иакова 5:11). Инке пистромэ, кай «о Иегова паша кодэва, ко бидаса умардо, и фэрий кодэлэс, касти ԥарэс по ди» (Псалом 34:18). Ай ӷанэс ту, кай важ о Иегова най всаек, сар о мануш андярэл пэс? Кала о мануш терэл о найлашимос, када холярэл лэ Иеговас и кадэлэстар лэстэ дуқал оди (Псалом 78:40, 41). Ай о мануш, саво кандэл лэ Дэвлэс, радуий лэско ди. (Адиносар Притчи 27:11.)

3. Сар о Иегова сыкавэл, кай любий амэн?

Само ӷлавно андо Иегова, када, кай во любий. Андэ Библия пистромэ: «О Дэл исин любовь» (1 Иоанна 4:8). Пала кода, кай о Дэл любий амэн, амэ уӷанас най кати анда Библия, када дицол андэ вся, со во создал. (Адиносар Деяния 14:17.) Погиндосарам пала кода, сар во создал лэ манушэн. Во стердя кадя, кай амэнди тэ чалёл о шукаримос, саво амэ диқас, о хамос, саво амэ хас и диля, савэ ашунас. Во камэл, кай и жызня тэ анэн лэ манушэнди радость.

УӶАНАМ МАЙ БУТ

Андэ кадэя ӷлава амэ подаса дума, сар кай о Иегова вижал тэ терэл вся, со во загиндой. Инке подаса дума, сар о Иегова пэ дила сыкавэл, саво во.

4. Свынто духо, када лэ Дэвлэско зор, через саво о Дэл терэл кода, со камэл

Сар амэ терас варисо пэстирэ вастэнца, кадяжэ и о Иегова терэл вся пэстирэ свынтонэ духоса. Андэ Библия ԥэнэнпэ, кай о свынто духо, када най Дэл, ай када лэско зор, через саво во терэл вся, со загиндосардя. Адиносарам Луки 11:13 и Деяния 2:17 и подам дума пала вопросоря, савэ май тэлэ.

О Дэл дэла амэнди пэско свынто духо, если амэ мангаса лэс. Сар ту гиндос, кай о свынто духо исин тила, лэстэ исин ҭан, кай во жувэл или када лэ Дэвлэско зор? Васо ту кадя гиндос?

О Иегова пэстирэ зорэса терэл кода, со загиндой. Адиносарам Псалом 33:6 и 2 Петра 1:20, 21 и подам дума пала вопросо, саво тэлэ.

Со терэлас о Иегова через пэско свынто духо?

5. О Иегова шукарнэс пэс андярэл

О Моисеё вся и время кандэлас лэ Дэвлэс, но всаек камэлас май бут тэ уӷанэн пала лэстэ. Важ када во мангля лэс: «Дэ манди тэ ӷанав тирэ дрома, важ кода кай мэ камав тэ ӷанав тут» (Исход 33:13). Тоди о Иегова росԥэндя лэ Моисеёсти дэсо пала пэстэ. Адиносарам Исход 34:4—6 и подам дума пала вопросоря, савэ май тэлэ.

Со о Иегова росԥэндя пала пэстэ лэ Моисеёсти?
Со май фартэ тути чалёл андо Иегова?

6. О Иегова диқэл пала мануша

Лэ Дэвлэско народо, и евреёря, сас раборя андо Египто. Со сас по ди кай о Иегова, кала во диқэлас, сар лэнди ԥарэс? Ашунам АУДИО и диқам андэ Библия или адиносарам Исход 3:1—10. Тоди подам дума пала вопросоря, савэ посли аудио.

АУДИО: «О Иегова жалуияс лэн» (2:45)

Сар амэ ашундям, со кай о Иегова по ди, кала манушэндэ биды? (Диқам о стихо 7 и 8.)
Сар ту гиндос, чаче о Иегова камэл тэ поможый лэ манушэнди и лэстэ исин пэ када зор? Васо ту кадя гиндос?