ROSO 07
Yihowa Hiittoo Maganooti?
Yihowa daafira hedatto woyite, isi hiittoo Magano lawannohe? Isi lowo geeshsha maalaˈlinanniha ikkirono mannuwiinni xeertiˈrinoho? Woy banqote gede wolqaataamo ikkirono umisi ayimma noosikkiho? Yihowa isi addinta hiittooho? Qullaawu Maxaafi Yihowara hiittoo akatta noosiro kulannonke; qoleno Isi ninke daafira hedannoha ikkinota rosiisannonke.
1. Magano laˈˈa dandiineemmokkihu mayiraati?
“Maganu Ayyaanaho.” (Yohaannisi 4:24) Yihowa ninke gede maalu biso uddiˈrinoha diˈˈikkino. Isi Ayyaanaho; heeˈrannohuno ninke laˈˈa dandiineemmokkiwa iima gordohooti.
2. Yihowa akatta giddo mite hiikkuriiti?
Yihowa laˈˈa dandiineemmokkiha ikkirono, dancha akatta noosi daafira banxeemmosi. Qullaawu Maxaafi togo yaanno: “Kaaliiqi [“Yihowa,” NW] halaale baxanno daafira, keeraano dihunanno.” (Faarso 37:28) Isi hakko iso qarru giddo noore “mararanno” Maganooti. (Yaiqoobi 5:11) “Kaaliiqi dadillunni hiiqqantinorira mule noonsa; hexxo hoogginore gatisannonsa.” (Faarso 34:18) Qoleno assootinke Yihowa hagiirsiisara woy dadillisara dandaannota afootto? Bushare assanno manchi Yihowa koffi assanno hattono dadillisanno. (Faarso 78:40, 41) Gara ikkinore assanno manchi kayinni iso hagiirsiisanno.—Lawishsha 27:11 nabbawi.
3. Yihowa baxannonketa leellishinohu hiittoonniiti?
Yihowahu qaru akati baxilleho. Isinni “Maganu baxilleho.” (1 Yohaannisi 4:8) Yihowa baxannonketa leellishinohu Qullaawu Maxaafi widoonni calla diˈˈikkino; kalaqino coyino baxillesi leellishanno. (Soqqamaasinete Looso 14:17 nabbawi.) Hanni lawishshaho isi kalaqinonke gara hendo. Isi biifado kuula laˈˈa, baxisanno muuziiqa macciishsha, hattono coommitanno sagale qamasa dandiineemmo gede asse kalaqinonke. Isi hagiidhinanni heeˈnammora hasiˈranno.
LEDDE XIINXALLI
Yihowa dhagge ikkanno coye assannohu hiittoonniitiro rosi. Hakkiinni Yihowa baxissanno akattasi ninkera leellishannohu hiittoonniitiro huwati.
4. Qullaawu ayyaani Maganu wolqaati
Ninke mitore loosate anganke horoonsiˈneemmo gede, Yihowa loososi loosate qullaawa ayyaanasi horoonsiˈranno. Qullaawu Maxaafi, qullaawu ayyaani umisi biso afiˈrino yee dirosiisanno; hatteentenni Maganu loosisira horoonsiˈranno wolqa ikkinota kulanno. Luqaasi 11:13 nna Soqqamaasinete Looso 2:17 nabbabbe; hakkiinni aante noo xaˈmuwa hasaabbe:
-
Maganu huuccidhannorira qullaawa ayyaanasi ‘dunanno.’ Hatto ikkiro, qullaawu ayyaani umisi ayimma noosihonso, Maganu wolqaati? Hatto yoottohu mayiraati?
Yihowa qullaawu ayyaanisinni dhaggete coye assanno. Iyyoobi 33:4 nna 2 Pheexiroosi 1:20, 21 nabbabbe; hakkiinni aante noo xaˈmo hasaabbe:
-
Yihowa qullaawa ayyaanasi horoonsiˈrino doogga giddo mite hiikkuriiti?
5. Yihowara baxissanno akatta noosi
Muse Maganoho ammaname soqqamanno manchooti; ikkirono isi Kalaqaanchosi lede afa hasiˈrino. Hakko daafira Muse Magano, “Hedoottori [woy, doogokki] maatiro kulie” yee huucciˈrino. (Fulo 33:13) Hakkiinni Yihowa hiittoo Maganootiro Musera kulinosi. Fulo 34:4-6 nabbabbe; hakkiinni aante noo xaˈmuwa hasaabbe:
-
Yihowa Musera hiikkuri akattasi kulinosi?
-
Yihowa akatta giddo roore baxisannohehu hiikkoyeti?
6. Yihowa mannu daafira hedanno
Hundihu Maganu manni Ibiraawootu Gibitsete gobbara borojje ikke heeˈrino. Mannisi qarrami woyite Yihowara mayi macciishshaminosi? QADDAˈNOONNI QOONQO fantine macciishshe; woy Fulo 3:1-10 nabbabbe. Hakkiinni aante noo xaˈmuwa hasaabbe.
-
Tini xagge, mannu qarramanno woyite Yihowa hiitto ikkannota leellishshanno?—Kiiro 7 nna 8 lai.
-
Yihowa addinta manna kaaˈla hasiˈrannoha lawannohe? Qoleno kaaˈla dandaannoha lawannohe? Mayira?
7. Kalaqama laˈne Yihowa akatta daafira rosa dandiineemmo
Yihowa kalaqino coyi widoonni isi hiittoo Maganootiro kulinonke. VIIDIYO laˈe. Hakkiinni Roomu Sokka 1:20 nabbabbine, aante noo xaˈmo hasaabbe.
-
Kalaqama laˈe hiikkuri Yihowa akatta wodanchootto?
MITU MANNI TOGO YAANNO: “Maganu woˈmankawa no.”
-
Ati tennera mayyaatto?
-
Hatto yite ammanattohu mayiraati?
XAPHISHSHA
Yihowa illete leellannokki Maganooti; isira batinye kaajja akatta, roorenkanni baxillu noosi.
Kageeshsha Rosoottore
-
Yihowa laˈˈa dandiineemmokkihu mayiraati?
-
Qullaawu ayyaani maati?
-
Yihowa akatta giddo mite hiikkuriiti?
EGENNO LEXXI
Yihowate shoole qara qara akatta daafira ledde rosi.
“Maganoho Hiitti Akatta Noosi?” (Agarooshshu Shae Kiiro 1 2019)
Yihowa woˈmankawa heeˈrannoha ikkinokkita leellishshanno taje nabbawi.
“Maganu Woˈmanka Bayicho Heeˈranno?” (Webisayitenkera fultino borro)
Qullaawu Maxaafi qullaawa ayyaana Maganu angaati yaannohu mayiraatiro nabbawi.
Mittu ille ballino manchi Maganu dibaxannoe yee hedanni keeshshino. Isi hatto yee heda aguranno gede kaaˈlinosiri maatiro huwatate woˈnaali.
“Xa Manna Kaaˈla Dandeemmo Yee Hedeemmo” (Agarooshshu Shaera fulino birxicho)
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
