SOMO YA 07

Yehova Ni Mutu wa Namna Gani?

CHAGUA LUGA

Unawazaka Yehova Mungu ni mutu wa namna gani? Unawazaka ni Mungu wa ajabu sana, lakini mwenye iko mbali sana na weye, sawa vile nyota zenye ziko mbali sana? Ao unawazaka kama Mungu haiko mutu wa kwelikweli, lakini ni nguvu fulani sawa vile upepo mukali? Kwa kweli, Yehova ni mutu wa namna gani? Kupitia Biblia, Yehova anatuambia sifa zake, na anatuambia kama anatuhangaikiaka.

1. Juu ya nini hatuwezi kumuona Mungu?

“Mungu ni Roho.” (Yohana 4:24) Yehova hana mwili sawa yetu. Yeye ni Roho na anaishi mbinguni, fasi kwenye hatuwezi kuona.

2. Yehova iko na sifa gani fulani?

Hatuwezi kumuona Yehova. Lakini wakati tunafikia kumujua muzuri, tunamupenda juu iko mutu wa kweli kabisa na iko na sifa za muzuri sana. Biblia inasema hivi: “Yehova anapenda haki, na hataacha washikamanifu wake.” (Zaburi 37:28) Tena, Yehova ni “mwenye upendo mwingi sana na mwenye rehema” kwa watu wote, zaidi sana kwa wale wenye kuteseka. (Yakobo 5:11) “Yehova iko karibu na wale wenye kuvunjika moyo; anaokoa wale wenye kuvunjika moyo.” (Zaburi 34:18, maelezo ya chini) Unajuaka kama matendo yetu inaweza kumufurahisha Yehova ao kumuhuzunisha? Wakati mutu anafanya mambo ya mubaya, Yehova anahuzunikaka. (Zaburi 78:40, 41) Lakini wakati mutu anafanya mambo ya muzuri, Yehova anafurahiaka.—Soma Mezali 27:11.

3. Namna gani Yehova anaonyesha kama anatupenda?

Sifa kubwa ya Yehova ni upendo. Biblia inasema kama “Mungu ni upendo.” (1 Yohana 4:8) Biblia na vitu vyenye Yehova aliumba vinaonyesha kama anatupenda. (Soma Matendo 14:17.) Kwa mufano, fikiria namna alituumba. Alitupatia uwezo wa kuona rangi za muzuri, kufurahia muziki, na kusikia butamu ya chakula. Anapenda tufurahie maisha.

TUJIFUNZE MAMBO MINGI ZAIDI

Tuone nini njo Yehova anatumiaka juu ya kufanya mambo ya ajabu. Kisha, tuone namna Yehova anatusaidiaka tujue sifa zake za muzuri na namna anazionyeshaka.

4. Roho takatifu ni nguvu ya Mungu

Sawa vile tu tunatumiaka mikono yetu juu ya kufanya kazi mbalimbali, Yehova naye anatumiaka roho yake takatifu juu ya kufanya kazi mbalimbali. Biblia inaonyesha kama roho takatifu haiko mutu, lakini ni nguvu yenye Mungu anatumiaka juu ya kufanya mambo mbalimbali. Musome Luka 11:13 na Matendo 2:17, na kisha muzungumuzie hii maulizo:

Mungu ‘atamwanga’ roho yake takatifu juu ya wale wenye wanaiomba. Sasa unawaza roho takatifu ni mutu, ao ni nguvu yenye Mungu anatumiaka juu ya kufanya mambo mbalimbali? Juu ya nini unasema vile?

Yehova anatumiaka roho yake takatifu juu ya kufanya mambo ya ajabu. Musome Zaburi 33:6 na 2 Petro 1:20, 21, na kisha muzungumuzie hii ulizo:

Yehova alitumia roho yake takatifu juu ya kufanya mambo gani?

5. Yehova iko na sifa za muzuri

Musa alikuwa mutumishi muaminifu wa Mungu, lakini alipenda kumujua Muumbaji wake muzuri zaidi. Njo maana, alimuambia Mungu hivi: “Nijulishe njia zako, ili nikujue wewe.” (Kutoka 33:13) Kisha, Yehova aliambia Musa sifa zake fulani. Musome Kutoka 34:4-6, na kisha muzungumuzie hii maulizo:

Yehova alimuambia Musa kama yeye ni Mungu wa namna gani?
Ni sifa gani za Yehova zenye unafurahia sana?

6. Yehova anahangaikiaka watu

Waisraeli walikuwa watu wa Mungu na walikuwa watumwa kule Misri. Yehova alijisikia namna gani wakati aliona mateso yao? Musikilize USOMAJI WA BIBLIA, ao musome Kutoka 3:1-10. Kisha muzungumuzie maulizo yenye kufuata.

USOMAJI WA BIBLIA: Yehova Aliona Mateso Yao (2:45)

Hii habari inaonyesha kama Yehova anajisikiaka namna gani wakati anaona watu wako wanateseka?—Ona mustari wa 7 na 8.
Unawaza kama Yehova anapenda kabisa kusaidia watu na kama iko na uwezo wa kufanya vile? Juu ya nini unawaza vile?