యెహోవా దేవుని పేరు వినగానే మీకేం అనిపిస్తుంది? ఆకాశంలోని నక్షత్రాల్లా ఆయన మనకు అందనంత దూరంలో ఉంటాడని, ఆయన చాలా గొప్పవాడని అనిపిస్తుందా? లేదా ఉరుములు-మెరుపుల్లాగే ఆయన కేవలం ఒక శక్తి అని, ఆయనకు వ్యక్తిత్వం ఉండదని అనిపిస్తుందా? అసలు యెహోవా ఎలాంటి దేవుడు? ఆయన ఎలాంటి దేవుడో బైబిలు చెప్తుంది. అంతేకాదు, యెహోవాకు మీ మీద శ్రద్ధ ఉందని కూడా చెప్తుంది.

1. మనం దేవుణ్ణి ఎందుకు చూడలేం?

“దేవుడు అదృశ్య వ్యక్తి.” (యోహాను 4:24) యెహోవాకు మనలాంటి శరీరం లేదు. అందుకే మనం ఆయన్ని చూడలేం. అంతేకాదు ఆయన పరలోకంలో ఉంటాడు. అది కూడా మన కంటికి కనిపించదు.

2. యెహోవాకు ఉన్న కొన్ని లక్షణాలు ఏంటి?

యెహోవా మనకు కనిపించకపోయినా ఆయన నిజంగా ఉన్నాడు, ఆయనకు ఎన్నో చక్కని లక్షణాలు ఉన్నాయి. ఆ లక్షణాల గురించి తెలుసుకున్నప్పుడు మనం ఆయనకు దగ్గరౌతాం. బైబిలు ఇలా చెప్తుంది: “యెహోవా న్యాయాన్ని ప్రేమిస్తాడు, ఆయన తన విశ్వసనీయుల్ని విడిచిపెట్టడు.” (కీర్తన 37:28) ఆయన అందరి మీద, ముఖ్యంగా బాధలో ఉన్నవాళ్ల మీద ‘ఎంతో వాత్సల్యం, కరుణ’ చూపిస్తాడు. (యాకోబు 5:11) “విరిగిన హృదయంగలవాళ్లకు యెహోవా దగ్గరగా ఉంటాడు; నిరుత్సాహపడినవాళ్లను ఆయన కాపాడతాడు.” (కీర్తన 34:18, అధస్సూచి) మన పనులు యెహోవాను సంతోషపెట్టవచ్చు లేదా బాధపెట్టవచ్చు అని మీకు తెలుసా? మనం చెడ్డ పనులు చేస్తే ఆయన నొచ్చుకుంటాడు, బాధపడతాడు. (కీర్తన 78:40, 41) కానీ మనం మంచి పనులు చేస్తే ఆయన సంతోషిస్తాడు.—సామెతలు 27:11 చదవండి.

3. మన మీద ప్రేమ ఉందని యెహోవా ఎలా చూపిస్తున్నాడు?

యెహోవా లక్షణాల్లో అన్నిటికన్నా ముఖ్యమైనది ప్రేమ. నిజానికి, దేవునికి ప్రేమ ఉండడం కాదు ‘దేవుడే ప్రేమ’ అని బైబిలు చెప్తుంది. (1 యోహాను 4:8) యెహోవాకు మన మీద ఎంత ప్రేమ ఉందో బైబిల్ని చదివి తెలుసుకోవచ్చు, అలాగే సృష్టిని చూసి కూడా తెలుసుకోవచ్చు. (అపొస్తలుల కార్యాలు 14:17 చదవండి.) ఉదాహరణకు, ఆయన మనల్ని ఎలా తయారు చేశాడో ఆలోచించండి. అందమైన రంగుల్ని చూసేలా, మంచి సంగీతాన్ని వినేలా, రుచికరమైన ఆహారాన్ని ఆస్వాదించేలా ఆయన మనల్ని తయారు చేశాడు. ఎందుకంటే, మనం సంతోషంగా జీవించాలని ఆయన కోరుకుంటున్నాడు.

 ఎక్కువ తెలుసుకోండి

5. యెహోవాకు చక్కని లక్షణాలు ఉన్నాయి

మోషే చాలా సంవత్సరాలు దేవుణ్ణి నమ్మకంగా సేవించాడు, అయినా సృష్టికర్త గురించి ఇంకా తెలుసుకోవాలనుకున్నాడు. అందుకే మోషే ఇలా అడిగాడు: ‘నీ మార్గాలు నాకు తెలియజేయి. అప్పుడు నేను నిన్ను తెలుసుకుంటాను.’ (నిర్గమకాండం 33:13) దానికి జవాబుగా, యెహోవా తన లక్షణాల్లో కొన్నిటిని మోషేకు చెప్పాడు. నిర్గమకాండం 34:4-6 చదవండి, తర్వాత ఈ ప్రశ్నల్ని చర్చించండి:

• యెహోవా తనకున్న ఏ లక్షణాల్ని మోషేకు చెప్పాడు?

• యెహోవా లక్షణాల్లో మీకు ఏది బాగా నచ్చింది?

 ఒక్కమాటలో

యెహోవా దేవుడు మన కంటికి కనిపించడు. ఆయనకు ఎన్నో చక్కని లక్షణాలు ఉన్నాయి, అందులో ముఖ్యమైనది ప్రేమ.

మీరేం నేర్చుకున్నారు?

• మనం యెహోవాను ఎందుకు చూడలేం?

• పవిత్రశక్తి అంటే ఏంటి?

• యెహోవాకు ఉన్న కొన్ని లక్షణాలు ఏంటి?