Kafai koe e mafaufau ki a Ieova te Atua, heā te tau ki ei to mafaufau? Pe ko ia ko he tahi e mamalu, ma matakutia kae e mamao kehe mai ia te koe e ve ko te mamao o na fetu o he kaniva? Pe kikila koe ki ei ko he tahi e malohi e ve ko he faititili, kae e heai ni ona uiga? Heā tonu lava te itukaiga Atua e iei ai ia Ieova? E ala mai i tana Afioga te Tuhi Paia, kua fakailoa mai e Ieova ona uiga, ma tona manatu mamafa mai ki a te koe.

1. Aiheā e he mafai ai ke ki tatou kitea te Atua?

“O le Atua o le Agaga.” (Ioane 4:​24) E heai he tino fakate-tagata o Ieova. Ko ia ko he agaga e afio i te lagi, ko he nofoaga e he mafai ke ki tatou kitea.

2. Ni a na tahi uiga o Ieova?

E ui lava e he ki tatou kitea ia Ieova, kae ko ia ko he Atua moni e iei ona uiga matagofie. Leamai te Tuhi Paia: “E fiafia Ieova i le faamasinogatonu, E na te lē tuua fo’i o ē e faamaoni iā te ia.” (Salamo 37:28) Ko ia foki “e alofa faapelepele ma alofa mutimutivale,” kae maihe lava ki tagata e feagai ma na mafatiaga. (Iakopo 5:​11) “E latalata mai Ieova iā i latou o ē e loto momomo; Ma e faaola e ia i latou o ē ua loto nutimomoia.” (Salamo 34:18) E ke iloa ko a tatou gaoioiga e ono aafia ai na fakalagona o Ieova? Kafai e filifili e he tino ke fai na mea kino e mafai ke tigā ai tona finagalo ma fakanoanoa ai ia. (Salamo 78:​40, 41) Ka ko te tino e ia faia te mea hako e fakafiafia ai ia.​—Faitau te Faataoto 27:11.

3. E vefea ona fakailoa mai e Ieova tona alofa mo ki tatou?

Ko te uiga kautū o Ieova ko te alofa. Auā, “O le Atua o le alofa lava ia.” (1 Ioane 4:8) Kua fakailoa mai e Ieova tona alofa, e ala mai i te Tuhi Paia ma na mea na ia foafoagia. (Faitau te Galuega 14:17.) Iloilo te auala na ia foafoagia ai ki tatou. Na ia foki maia ki a te ki tatou te kikila ke mafai ke iloa ai na lanu kehekehe matagofie, ko te fakalogo ke lagona ai na muhika mananaia, ma te tomi ki na meakai malie. E finagalo ia ko ki tatou ke ola i he olaga fiafia.

 HAKILIKILI ATILI

5. E iei na uiga matagofie o Ieova

Ko Mose ko he kaukauna fakatuatua e a Te Atua, kae nae naunau ke ia iloa atili te na Foafoagia ia. Ko te na lea ai ia Mose ki ei: “Ia e faailoa mai ou ala, ina ia ou iloa ai oe.” (Esoto 33:13) Na tali mai ia Ieova ma fakailoa mai ki a Mose te itukaiga Atua e iei ai ia. Faitau te Esoto 34:​4-6, oi talanoa ai na fehili ienei:

• Ni a na uiga o Ieova na ia fakailoa atu ki a Mose?

• Heā he uiga o Ieova e hili ona fiafia koe ki ei?

 OTOOTOGA

Ko Ieova ko he agaga e he mafai ke ki tatou kitea ma e lahi ona uiga matagofie kae maihe lava te alofa.

Fehili Autalu

• Aiheā e he mafai ai ke ki tatou kitea ia Ieova?

• Heā te agaga paia?

• Ni a ni ietahi uiga mo Ieova?