SAMBIRO 07
Kasi Mungamulongosora Wuli Yehova?
Kasi ntchivichi chikwiza mu maghanoghano ghinu para mwapulika zina lakuti Yehova? Kasi mukughanaghana kuti ngwankhongono chomene ndipo wangaŵa yayi paubwezi na ŵanthu? Kasi mukughanaghana kuti mungamuwona yayi nga umo mukulekera kuwona kududumira kwa leza? Kasi mungamulongosora wuli Yehova? Baibolo likutiphalira mikhaliro ya Yehova, kweniso likuti Yehova wakutipwelelera chomene.
1. Chifukwa wuli tingamuwona yayi Chiuta?
“Chiuta ni Mzimu.” (Yohane 4:24) Yehova wali na thupi nga la taŵanthu yayi. Iyo ni Mzimu ndipo wakukhala kuchanya, uko tingawonako yayi.
2. Kasi Yehova wali na mikhaliro wuli?
Nangauli tingamuwona yayi Yehova, kweni tingamumanya kwizira mu makhaliro ghake ndipo tingamba kumutemwa chomene. Baibolo likuti: “Yehova wakutemwa urunji, ndipo waŵasidenge yayi ŵakugomezgeka ŵake.” (Salimo 37:28) Kweniso iyo “ngwachitemwa chomene ndiposo ngwalusungu,” ku awo ŵakusuzgika. (Yakobe 5:11) “Yehova wali pafupi na ŵakusweka mu mtima. Wakuponoska awo mzimu wawo wateketeka.” (Salimo 34:18) Kasi mukumanya nthena kuti ivyo tikuchita vingamukondweska panji kumukwiyiska Yehova? Munthu uyo wakuchita vinthu viheni wakukwiyiska Yehova. (Salimo 78:40, 41) Kweni uyo wakuchita viwemi wakumukondweska chomene Yehova.—Ŵazgani Zintharika 27:11.
3. Kasi Yehova wakulongora wuli kuti wakutitemwa?
Chitemwa ndiwo ni mukhaliro ukuru chomene wa Yehova. Nakuti Baibolo likuti, “Chiuta ntchitemwa.” (1 Yohane 4:8) Yehova wakuvumbura kuti wakutitemwa kwizira mu Baibolo kweniso ivyo wali kulenga. (Ŵazgani Milimo 14:17.) Mwachiyelezgero, ghanaghanirani waka umo wali kutilengera. Wali kutilenga munthowa yakuti tikondwenge para tikuwona mitundu yakutowa, para tikupulikizga sumu kweniso para tikurya chakurya icho tikutemwa. Iyo wakukhumba kuti tikondwenge na umoyo.
MANYANI VINANDI
Wonani umo Yehova wakalengera vinthu vyakuzizwiska, kweniso umo wakulongolera mikhaliro yake yakukondweska.
4. Mzimu utuŵa ni nkhongono iyo Chiuta wakugwiliskira ntchito
Nga umo ise tikugwiliskira ntchito mawoko kuti tigwire ntchito, Yehova nayo wakugwiliskira ntchito mzimu utuŵa pakuchita vinthu. Baibolo likuti mzimu utuŵa ni munthu yayi, kweni ni nkhongono iyo Chiuta wakugwiliskira ntchito. Ŵazgani Luka 11:13 na Milimo 2:17, kufuma apo dumbiskanani mafumbo agha:
-
Chiuta watipenge mzimu utuŵa para tamupempha. Kasi mukughanaghana kuti mzimu utuŵa ni vichi? Chifukwa wuli mukughanaghana nthena?
Yehova wakugwiliskira ntchito mzimu utuŵa kuti wachite ivyo wakukhumba. Ŵazgani Salimo 33:6 na 2 Petrosi 1:20, 21, kufuma apo dumbiskanani fumbo ili:
-
Kasi ni vyakuchitika wuli vinyake ivyo Yehova wakagwiliskira ntchito mzimu utuŵa?
5. Yehova wali na mikhaliro yakukondweska chomene
Mozesi wakasopanga Chiuta mwakugomezgeka, kweni wakakhumbanga kumumanya makora Mlengi wa chilengiwa chose. Ntheura Mozesi wakati kwa Chiuta: “Nimanyiskani nthowa zinu, mwakuti nimumanyani.” (Ekisodo 33:13) Yehova wakamuvumbulira mikhaliro yake Mozesi. Ŵazgani Ekisodo 34:4-6, kufuma apo dumbiskanani mafumbo agha:
-
Kasi Yehova wakamuvumbulira mikhaliro wuli Mozesi?
-
Kasi ni mikhaliro wuli ya Yehova iyo yikumukondweskani chomene?
6. Yehova wakutipwelelera
Apo ŵanthu ŵa Chiuta ŵakaŵa ku wuzga ku Eguputo, kasi Chiuta wakajipulikanga wuli na masuzgo agho ŵakasangananga nagho? Pulikizgani VIDIYO YA MAZGU PERA panji ŵazgani Ekisodo 3:1-10. Kufuma apo dumbiskanani mafumbo agha.
-
Kasi nkhani iyi yikulongora kuti Yehova wakujipulika wuli para ŵanthu ŵake ŵakusuzgika?—Wonani vesi 7 na 8.
-
Kasi mukuwona kuti Yehova wakukhumba nadi kovwira ŵanthu ŵake kweniso wali na nkhongono zakuchitira nthena? Chifukwa wuli?
7. Tingamanya mikhaliro yinyake ya Yehova kwizira mu ivyo wali kulenga
Yehova wakuvumbura mikhaliro yake kwizira mu ivyo wali kulenga. Wonelerani VIDIYO. Ndipo ŵazgani Ŵaroma 1:20, kufuma apo dumbiskanani fumbo ili.
-
Kasi mukuwona mikhaliro wuli kwizira mu ivyo Chiuta wali kupanga?
IVYO ŴANYAKE ŴAKUYOWOYA: “Chiuta ni munthu yayi, kweni ni nkhongono iyo yikusangika palipose.”
-
Imwe mukuti wuli?
-
Chifukwa wuli mukughanaghana nthena?
MWAKUDUMURA
Yehova ni Mzimu ndipo tingamuwona yayi, iyo wali na mikhaliro yinandi kweni ukuru chomene ntchitemwa.
Kuweleramo
-
Chifukwa wuli tingamuwona yayi Yehova?
-
Kasi mzimu utuŵa ni vichi?
-
Kasi ni mikhaliro wuli yinyake iyo Yehova wali nayo?
SANGANI FUNDO ZAKUSAZGIKIRA
Sambirani mikhaliro yinyake yinayi iyo Yehova wali nayo.
“Kasi Tingamulongosora Wuli Chiuta?” (Gongwe la Mulinda Na. 1 2019)
Wonani maukaboni agho ghakulongora kuti Yehova wakusangika waka palipose yayi.
Wonani chifukwa icho Baibolo likuyaniskira mzimu utuŵa na mawoko gha Chiuta.
Mwanalume munyake wambura kuwona vikamusuzganga kugomezga kuti Chiuta wakumupwelelera. Wonani umo wakasinthira maghanoghano ghake.
“Sono Nkhuwona Kuti Ningawovwira Ŵanji” (Gongwe la Mulinda, Okutobala 1, 2015)
Panji Mungatemwa Kuŵerengaso Nkhani Izi
IVYO ŴANTHU ŴAKUTEMWA KUFUMBA
Kasi Kosi ya Kusambira Baibolo ya Ŵakaboni ŵa Yehova Ni Vichi?
Apo mukusambira Baibolo munthowa yakudumbiskana na Ŵakaboni ŵa Yehova, mungagwiliskira ntchito Baibolo lililose ilo mwakhumba. Fwatukani kuchemerako banja linu panji ŵabwezi ŵinu.
