КИЧЭЭЛ 07
Иегова кандыг Бурганыл?
Иегованы кандыг кылдыр бодаар-дыр силер? Ооң өндүр улуу, күчүлүг күжү бисти магададыр, ынчангаш Ол чедип шыдавазывыс талыгырда сылдыс сагындырар чадавас. Азы Бурганны шуурган ышкаш башкартынмас күш кылдыр сагыштаалаар-дыр силер бе? Иегова херек кырында ындыг бе? Бурган Бодунуң Сөзүнде чамдык шынарларын ажыдып, бис дээш сагыш човап турарын бижээн.
1. Бурганны чүге көрүп шыдавас бис?
«Бурган дээрге Сүлде-дир» (Иоанн 4:24). Бурган кижилер ышкаш мага-боттуг эвес. Ол кижи караанга көзүлбес дээрде чурттап турар Хуу-бот-тур.
2. Иегова кандыг шынарларлыг?
Иегова көзүлбес-даа болза, Ону билип аар дээш, чүткүп чоруур улусту Ол Бодунче хаара тудуп турар. Библияда мынча дээн: «Дээрги-Чаяакчы чөптүг чорукка ынак. Ол Бодунга бердинген улусту кагбас болгай» (Ырлар 36:28). Ылаңгыя хилинчектенип чоруур улуска Ол «аажок өршээлдиг болгаш кээргээчел» (Иаков 5:11). «Дээрги-Чаяакчы аажок муңгараан улуска чоок; сагыш-сеткили бастырган улусту камгалап турар» (Ырлар 33:19). Канчаар алдынып чорууруңар Иеговага чугула дээрзин билир силер бе? Бир эвес кижи багай алдынар болза, ол Бурганны хомудадыр (Ырлар 77:40, 41). А шын алдынар кижи Ону өөртүп чоруур. (Номчуптуңар: Чугаалар 27:11.)
3. Иегова биске ынакшылын канчаар көргүзүп турар?
Иегованың эң кол шынары — ынакшыл. Библияда «Бурган — ынакшыл-дыр» дээн (1 Иоанн 4:8). Иегованың ынакшылын чүгле Библиядан эвес, а Ооң чаяалгаларын таварыштыр база билип ап болур бис. (Номчуптуңар: Ажыл-чорудулга 14:17.) Чижээ, бисти канчаар чаяап каанын бодап көрүңер даан. Иегова бисти өңгүр чараш чечектерни көөр кылдыр, аянныг хөгжүмнү дыңнаар, чаагай аъш-чемни амданнанып чиир кылдыр чаяаган. Ол бистиң аас-кежиктиг чурттаарывысты күзеп турар.
ХАНЫ ШИНЧИЛЕҢЕР
Иегова кайгамчык ажыл-херектерин чүнүң дузазы-биле кылып турарын база чараш шынарларын канчаар илередип турарын көрүңер.
4. Ыдыктыг сүлде — Бурганның хөделдирикчи күжү
Кижилер ажылды холдары-биле кылыр, а Иегова Бурган ыдыктыг сүлдезин ажыглаар. Библияда ыдыктыг сүлдени хуу-бот дивээн, а Бурганның күзел-соруун күүседирде ажыглаар күжү деп бижээн. Лука 11:13 биле Ажыл-чорудулга 2:17-ни номчааш, харыылаптыңар:
-
Ыдыктыг сүлдени Бургандан дилеп мөргүүр болзувусса, Ол биске бээр. Ынчаарга ыдыктыг сүлде дээрге аңгы хуу-бот бе азы Бурганның күжү бе? Тайылбырлаптыңар.
Иегова кайгамчык ажыл-херектерни кылырда, ыдыктыг сүлдезин ажыглап турар. Ырлар 32:6 биле 2 Пётр 1:20, 21-ни номчааш, харыылаптыңар:
-
Иегова Бодунуң ыдыктыг сүлдезин ажыглап тургаш, кандыг ажыл-херектерни кылган? Чижектерден чугаалаңар.
5. Иегова кайгамчык шынарларлыг
Моисей Бурганның шынчы бараалгакчызы чораан болгаш, Ону эки билир турган, ынчалза-даа ол Чаяакчызының дугайында оон-даа хөйнү билип алыксап чораан. Ынчангаш ол Бургандан дилээн: «Оруктарыңны меңээ ажыдып берем — ээ көрнүүшкүнүңнү ам-даа чедип аар дээш, Сени билип ап көрейн» (Хосталыышкын 33:13). А Иегова Моисейге Бодунуң дугайында ажыдып берген. Хосталыышкын 34:4—6-ны номчааш, харыылаптыңар:
-
Иегова Моисейге кандыг шынарларын ажыдып берген?
-
Иегованың кандыг шынарларын эң-не сонуургаар-дыр силер?
6. Иегова кижилер дээш сагыш човап чоруур
Бурганның чону чораан еврейлер Египетке кулданыгга турган. Оларның хинчектенип чоруурун көргеш, Иегова чүнү миннип турган? Сөзүглелди эдерти көрүп, АУДИОНУ дыңнааш азы Хосталыышкын 3:1—10-ну номчааш, айтырыгларга харыылаптыңар:
-
Кижилерниң хилинчек-човалаңын көргеш, Иегова чүнү миннип турарыл? (7, 8 дугаар шүлүктерни көрүңер.)
-
Чүү деп бодаар силер, Иегова улуска дузалаарын күзеп турар бе база дузалап шыдаар бе? Тайылбырлаптыңар.
7. Долгандыр турар бойдус Бурганны билип алырынга дузалаар
Иегова чаяалгаларын таварыштыр шынарларын көргүзүп турар. ВИДЕОНУ көрүңер. Оон Римчилерге 1:20-ни номчааш, айтырыгга харыылаптыңар:
-
Иегованың чаяалгаларында Ооң кандыг шынарларын көрүп турар силер?
ЧАМДЫК УЛУС МЫНЧА ДЕП БОЛУР: «Бурган дээрге хуу-бот эвес, а анаа күш-түр. Ол кайда-даа, чүде-даа турар».
-
А силер чүү деп бодаар силер?
-
Чүге?
КОЛ БОДАЛ
Иегова дээрге каракка көзүлбес Хуу-бот-тур. Ооң кайгамчык шынарлары хөй, ынчалза-даа эң чугулазы — ынакшыл.
Катаптаашкын
-
Иегованы чүге көрүп шыдавас бис?
-
Ыдыктыг сүлде дээрге чүл ол?
-
Иегова кандыг шынарларлыг?
НЕМЕЛДЕ
Иегованың дөрт кол шынарларының дугайында номчуп көрүңер.
Бурган кайда-даа, чүде-даа бар дээри шын эвес деп барымдааларны көрүңер.
Библияда ыдыктыг сүлдени чүге Бурганның холдары деп турар?
Караа көрбес аныяк кижиге Бурган ол дээш сагыш човап турар деп чүүлге бүзүрээри чүге берге болган? Ооң үзел-бодалын чүү өскертипкен?
«Ам өскелерге дузалап шыдаар мен» («Таңныыл суургазы» октябрь 1, 2015 чыл)
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
