TIMIRTTE 07
Nuuni Yihoowabaa Eriyoobay Aybee?
Yihoowabaa neeni ay qoppay? Issi issi asay Xoossay gitanne yashshiyaagaa gidiyo gishshawu aara haasayana danddayettenna giidi qoppees. I tumuppe deˈiyaagaa gidennan, dadaa mala wolqqaamaba gaada qoppay? Yihooway tumu ay malee? Geeshsha Maxaafay Yihoowa eeshshata yootees. I neessi qoppiyoogaakka yootees.
1. Nuuni Xoossaa beˈana danddayennay aybissee?
“Xoossai ayyaana.” (Yohaannisa 4:24) Xoossawu deˈiya bollay nuugaa mala gidenna. I nuuni beˈana danddayenna sohuwan saluwan deˈiya Ayyaana.
2. Yihoowa eeshshatuppe amaridaageeti awugeetee?
Nuuni Yihoowa beˈana danddayennaba gidikkonne, A eeshshati nuuni A eriyo wode siiqanaadan oottoosona. Geeshsha Maxaafay, “GODAI xillobaa dosees. Xoossaa asata i yeggenna” yaagees. (Mazamure 37:28) Qassi I waayettiya asaa ‘keehi siiqeesinne eta maarees.’ (Yaaqooba 5:11) Yihooway “wozanai me77idoogeetussi mataana; qassi bantta ayyaanan liiqidaageeta ashshees.” (Mazamure 34:18) Qassi nuuni oottiyooban Yihooway ufayttana woy azzanana danddayiyoogaa eray? Iitabaa oottiya uri A yiilloyeesinne azzanttees. (Mazamure 78:40, 41) Gidoppe attin, loˈˈobaa oottiya uri A ufayssees.—Leemiso 27:11 nabbaba.
3. Yihooway nuna siiqiyoogaa waati bessii?
Yihoowa eeshshatu ubbaappe aaruwan qoncciday siiquwaa. “Xoossai siiqo.” (1 Yohaannisa 4:8) Yihooway Geeshsha Maxaafaa xallaana gidennan, ba medhdhidobatunkka ba siiquwaa qonccissiis. (Oosuwaa 14:17 nabbaba.) Leemisuwawu, I nuna waati medhdhidaakko qoppa. I nuuni loˈˈiya merata beˈanaadan, ufayssiya cenggurssaa siyanaadaaninne malˈˈiya qumaa shaakki eranaadan oottidi medhdhiis. I nuuni nu deˈuwan ufayttanaadan koyees.
LOYTTA AKEEKA
Yihooway maalaalissiyaabata waati oottiyaakko xannaˈa. Yaatada Yihooway ufayssiya ba eeshshata waati qonccissidaakko akeeka.
4. Geeshsha ayyaanay Xoossaa wolqqaa
Nuuni nu kushiyan oosuwaa oottiyoogaadan, Yihooway ba geeshsha ayyaanaa goˈettees. Geeshsha ayyaanay Xoossaa gidennan, Xoossay dumma dummabaa oottiyo wolqqaa gidiyoogaa Geeshsha Maxaafay yootees. Luqaasa 11:13nne Oosuwaa 2:17 nabbabite; yaatidi ha oyshata tobbite:
-
Xoossay geeshsha ayyaanaa immanaadan oychchiyaageetu bolli ba ayyaanaa “gussana.” Yaatiyo gishshawu, geeshsha ayyaanay Xoossaa gaada qoppayiyye Xoossaa wolqqaa gaada qoppay? Neeni hegaadan giyoy aybissee?
Yihooway maalaalissiyaabata oottanawu ba geeshsha ayyaanaa goˈettees. Mazamure 33:6nne 2 PHeexiroosa 1:20, 21 nabbabite; yaatidi ha oyshaa tobbite:
-
Yihooway ba geeshsha ayyaanaa goˈettido amarida ogeti aybee?
5. Yihoowawu ufayssiya eeshshati deˈoosona.
Muusee Xoossawu ammanettidi oottida asa, shin I Xoossaabaa loytti eranawu koyiis. Hegaa gishshawu Muusee Xoossaa, “Taani nena erana . . . mala ne ogiyaa tana tamaarissa” yaagiis. (Kessaabaa 33:13) Yihooway Ba eeshshaappe amaridaagaa Muusessi qonccissiis. Kessaabaa 34:4-6 nabbabite; yaatidi ha oyshata tobbite:
-
Yihooway Ba eeshshatuppe awugeeta Muusessi qonccissidee?
-
Yihoowa eeshshatuppe nena keehi ufayssiyaageeti awugeetee?
6. Yihooway asawu qoppees
Xoossaa asa gidida Ibraaweti, Gibxxen aylle gididi deˈidosona. Eti waayettidoogee Yihooway waananaadan oottidee? CENGGURSSAN GIIGIDAAGAA dooyidi siyite, woy Kessaabaa 3:1-10 nabbabite. Yaatidi kaallidi deˈiya oyshata tobbite.
-
Asay waayettiyo wode Yihoowawu aybi siyettiyaakko ha taarikiyaappe ay akeekadii?—Paydo 7nne 8 xeella.
-
Yihooway asaa maaddanawu koyees, qassi maaddana danddayees gaada qoppay? Aybissi?
7. Yihooway medhdhidobaappe A eeshshaabaa nuuni erana danddayoos
Yihooway ba medhdhidobatun ba eeshshata qonccissees. BIIDUWAA beˈite. Yaatidi Roome 1:20 nabbabite; qassi kaallidi deˈiya oyshaa tobbite.
-
Yihoowa eeshshatuppe awugeeta I medhdhidobatun akeekay?
ISSI ISSI ASAY HAGAADAN GEES: “Xoossay taassi qoppenna.”
-
Ne qofay aybee?
-
Neeni hegaadan qoppiyoy aybissee?
AY AKEEKADII?
Yihoowa beˈana danddayokko. Ayyo siiqoynne hara ufayssiya daro eeshshati deˈoosona.
Zaaretuwaa
-
Nuuni Yihoowa beˈana danddayennay aybissee?
-
Geeshsha ayyaanay aybee?
-
Yihoowa eeshshatuppe amaridaageeti awugeetee?
PILGGA
Yihoowa waanna eeshshatuppe oyddatubaa loyttada era.
Yihooway ubbaban deˈennaagaa qonccissiya naqaashaa beˈa.
Geeshsha Maxaafay geeshsha ayyaanaa Xoossaa kushe giyoy aybissakko akeeka.
Issi qooqe bitanee bana Xoossay siiqiyoogaa ammananawu metootiis. A qofaa aybi laammidaakko akeeka.
“Haˈˈi Harata Maaddana Danddayays Gaada Qoppays” (Wochchiyo Keelaa huuphe yohuwaa)
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
