DILONGI 07

Bumutu bu Yehova ayi bi kadulu biandi

WILA MU

Mayindu mbi wukala mu diambulu Nzambi? Widi Mutu weta mona lukinzu luwombo, vayi weti mona ti thama kadi kuidi ngeyo? Mu kifuani, banga phila zimbuetila zitutatukidi. Voti wum’banzila Nzambi widi ngolo mosi yikondolo bumutu, dede muphephi wumosi wungolo? Bukiedika Yehova nani kadi? Mu phov’andi, Yehova wutumonisini bikadulu biandi. Monisini diaka ti weta kukipa.

1. Bila mbi katulendi muena Nzambi ko?

“Nzambi niandi pheve.” (Yowani 4:24) Yehova kasi ko nitu yikinsuni. Widi pheve yeti zingila ku diyilu, buangu kioki katulendi mona ko.

2. Bikadulu mbi Yehova kadi?

Yehova kamonikanga ko, vayi ti tulongukidi kun’zaba, matu n’zola bila widi mutu wu kiedika widi bikadulu bimboti. Bibila kitubidi ti: “Yehova weta zola busonga, ayi kalendi zimbakana ko minkuikisi miandi.” (Minkunga 37:28) Widi diaka ayi “Mamboti mawombo ayi weta mona kiadi,” nduka nduka kuidi batu bo balembu moni ziphasi. (Zaki 5:11) “Yehova widi wufikama kuidi batu bo badi mintima mikofakana; ayi wumvukisanga bobo badi mintima milebakana.” (Minkunga 34:18) Zebi kuaku ti mambu momo tueta vanga Yehova weta mamona? Mu thangu tukala sobula vanga mambu mambimbi, dieta kuniongisa ayi dieta kumvana kiadi. (Minkunga 78:40, 41) Vayi thangu tukala sobula vanga mambu mamboti, dieta kunyangidika.—Tanga Zingana 27:11.

3. Bue Yehova keta tumonisina ti weta kutuzola?

Luzolo kidi kadulu kilutidi bikadulu bioso biobi Yehova kadi. Diawu, “Nzambi niandi luzolo.” (1 Yowani 4:8) Yehova wulembu tumonisa luzolo luandi mu Bibila ayi mu bima biobi kavanga. (Tanga Mavanga 14:17.) Mu kifuani, yindula phila katuvangila. Wutuvana diluaku dimona zikulere zi mu phila mu phila, diwa miziki mikitoko ayi dimona lueki lu bidia bimboti. Tidi tumona khini mu zinga.

TUVISA MBOTI MBOTI

Tutala mambu mbi Yehova keta sadila mu diambudi vanga mambu mangitukulu. Ayi tutala bue Yehova keta monisina bikadulu biandi bimboti.

4. Pheve santu yidi ngolo yi Nzambi

Bo tueta sala, tueta sadila mioko mietu; Yehova niandi, pheve santu keta sadila. Bibila kilembu sudikisa ti pheve santu yisi ko mutu, vayi yidi ngolo yo Nzambi keta sadila thangu katidi vanga diambu dimosi. Tanga Luka 11:13 ayi Mavanga 2:17 ayi vana mimvutu mu biuvu biabi:

Yehova weta vana pheve santu’andi kuidi bo beta kuntomba yawu. Bua ya pheve santu yilenda ba mutu? Bila mbi?

Yehova weta sadila pheve santu’andi mu vanga mambu mangitukulu. Tanga Minkunga 33:6 ayi 2 Piela 1:20, 21 ayi vana mvutu mu kiuvu kiaki:

Mambu mbi Yehova kavanga mu nzila pheve santu’andi?

5. Bumutu bu Yehova bueta kutuyangidika

Kadiambu ko Mose weba nsambilanga Yehova mimvu miwombo, thangu mosi, wutomba luta bozaba mboti mvangi’andi. Diawu Mose wunyuvusa: “Ti buyangidikidi, ayi ti mbonokono nlemvo vantual’aku, mbonisa phil’aku yivangila mambu mu diambulu ndizaba.” (2 Mose 33:13) Yehova wumonikisa ndambu bumutu buandi kuidi Mose. Tanga 2 Mose 34:4-6 ayi vana mimvutu mu biuvu biabi:

Phila mbi yi bumutu buandi Yehova kamonisa kuidi Mose?
Bikadulu mbi bi Yehova bieta luta kuyangidika?

6. Yehova weta kipa batu

Basi Ebelewo bo baba dikanda di Nzambi mu thama, baba mimvika ku Ngipiti ayi bamona phasi ziwombo mu buvika beni. Mu thangu beni yina Yehova bue kamuena? Bonga 2 Mose 3:1-10 ayi Wa ziawu mu odio voti tanga ziawu. Ayi vana mimvutu mu biuvu biabi bilandikini.

ODIO: Yehova asalisaki bango ntango bazalaki na mpasi (2:45)

Dilongi mbi beki mu ziverse ziozi, mu phila yo Yehova keta muena thangu kalembu moni batu bamona ziphasi?—Tala verse 7 ayi 8.
Bue wum’banzila, bukiedika Yehova zingolo zidi yandi zisadisila batu? Bila mbi?

7. Bima biobi bidi mu nza bilembu monisa bikadulu bi Yehova

Yehova wulembu monisa bikadulu biandi mu nzila bima biobi kavanga. Tala VIDEO. Ayi tanga Loma 1:20 ayi vana mvutu mu kiuvu kiaki kilandikini.