UMBUESÁ 07

Rekuá piri Jeová resé

UYUPIRŨ

Mairamé remanduári ramé Jeová resé mayé Aé indé arama? Remaã Aé mayé awá kirimbawaá, ma uikuwaá yawé apekatú ne suí mayé estrelaitá yawé? U remaité Aé ti yepé mira ma yepé natureza kirimbasá, mayé yepé trovão? Awá taá Jeová? Bíblia umbeu siya Jeová rikusá resé asuí Aé uyupreocupari ne rupí.

1. Marã ti yapoderi yamaã Deus?

Bíblia umbeu João 4:24 upé: “espírito kuá Deus.” Jeová ti urikú ipira mayé yané yawé. Aé espírito asuí uviveri iwaka upé, mamé tiwaá yapoderi yamaã Aé.

2. Mayé Jeová rikusá?

Supité ti yapoderi yamaã Jeová. Ma yayumbué ramé isesé, yakuá Aé yepé mira retewaá, isikusá purangawaá. Bíblia umbeu “Jeová usaisú satambikawaá asuí ti uxari awaitá ta usenduwaá Aé”. (Salmo 37:28) Aé “pirasúa umaã yandé”, asuí awaitá ta upurará ta uikú. (Tiago 5:11) “Jeová ruakí uikú awaitá ta uikuwaá sasiária ta piá upé, aé umukaturu awaitá ta uikuwaá sasiára.” (Salmo 34:18) Yamuñhãwaá rupí Jeová upoderi uyusaã surí u sasiára. Sá yamuñhã puxiwerawaá Jeová upitá sasiára. (Salmo 78:40, 41) Ma Jeová uyusaã surí yamuñhã ramé satambikawaá.— Releri Provérbios 27:11.

3. Mayé Jeová uxari yakuá usaisuwaá yandé?

Saisusá aé Jeová rikusá puranga piriwaá. Bíblia uñheẽ “gustarisá kuá Deus”. (1 João 4:8) Yapoderi yamaã Jeová saisusá yaleri ramé Bíblia asuí yamaã ramé maã Aé umuñhãwaá. (Releri Ato 14:17.) Remaã mayé Aé umuñhã yandé. Jeová uxari yamaã siya pinimasá, yasendú ñheengarisá asuí yambaú siya timbiú sé retana. Aé uputari yaikú arama surí.

REYUMBUÉ PIRI ARAMA

Remaã maã Jeová usari umuñhã arama maã purangawaitá. Remaã yuíri mayé Jeová uxari yakuá isikusá.

4. Espírito santo aé Deus kirimbasá

Yapurakí ramé yausari yané pú. Ma maã Jeová usari? Aé usari espírito santo. Yepeyepé ta umaité espírito santo aeté Deus, ma Bíblia umbeu espírito santo aé Deus kirimbasá, usariwaá umuñhã arama maã uputariwaá. Peleri Luka 11:13 asuí Ato 2:17. Ariré pekuntari kuá resé:

Bíblia umbeu Deus ‘uyusena’ espírito santo awá resé upuranduwaá irum kuá espírito. Ape, maã remanduári: espírito santo aeté Deus u Deus kirimbasá? Marã resuaxara kuayé?

Jeová usari iespírito santo umuñhã arama maã purangawaá. Peleri Salmo 33:6 asuí 2 Pedro 1:20, 21. Ariré pekuntari kuá resé:

Mayé Jeová usariwana iespírito santo?

5. Jeová urikú rikusaitá puranga retana

Moizé aé yepé mira tiwaá uxari Deus. Aé uputariwara uyumbué yané Muñhãgara resé. Yawé arama, Moizé upurandú Jeová irum: “Reajudari ayumbué arama ne peé resé, akuá arama awá indé.” (Êxodo 33:13) Ape, Jeová ukuntari isikusá resé Moizé supé. Peleri Êxodo 34:4-6. Ariré pekuntari kuá resé:

Mayewaá Jeová rikusaitá resé Moizé uyumbué?
Mayewaá Jeová rikusaitá regustari piri?

6. Jeová uyupreocupari miraitá resé

Deus miraitá kuxiíma kuá ebreuitá, asuí ta upitá mayé escravo Egito upé. Mayé Jeová uyusaã kuera umaã ramé imiraitá ta upurará? Pesendú kuá ÁUDIO u peleri Bíblia upé Êxodo 3:1-10. Ariré pekuntari kuá resé:

ÁUDIO: Jeová uyupreocupari upurarawaitá rupí (2:45)

Mayé Jeová uyusaã umaã ramé miraitá ta upurará?— Remaã versículoitá 7 asuí 8.
Reruyari será Jeová uputari uajudari miraitá? Reruyari Aé upoderi umuñhã kuayé? Marã remanduári kuayé?