LECCIÓN 07
¿Ximodo naca Jehová?
Ora riníʼ íqueluʼ Jehová, ¿ximodo rábiluʼ nácabe? Neca nánnaluʼ nápabe stale poder peru runi sentirluʼ nuube zitu de lii, casi ca estrella ne ca galaxia ca la? ¿o rábiluʼ nácabe casi xiixa ni napa stale poder peru qué gapa sentimientu casi ti rayu la? ¿Ximodo peʼ nga naca Jehová? Stiidxabe, Biblia, rusihuinni ximodo peʼ nácabe, ne laaca rusihuínnini rizaaláʼdxibe lii.
1. ¿Xiñee qué zanda gúʼyanu Dios?
«Ti espíritu nga Dios» (Juan 4:24). Qué gapa diʼ Jehová ti cuerpu de beela casi ti binni. Nácabe ti espíritu ne guibáʼ nga nuube, ne laaca qué zanda diʼ guidúʼyanu ra nuube.
2. ¿Ximodo naca Jehová?
Neca qué randa ridúʼyanu Jehová, peru ora runibiaʼnu laabe rannaxhiinu laabe ne rudiʼnu cuenta nápabe sentimientu casi napa binni. Biblia ná: «Nadxii Jehová ni jneza ne qué zusaanabe ca ni qué rixeleʼ de laabe» (Salmo 37:28). Ne laaca nani «nadxii Jehová binni ne [...] riá laacabe» ne jmaruʼ si ca binni ni cayuubaʼ ladxidóʼ (Santiago 5:11). «Nuu Jehová gaxha de ca ni maʼ gucadé ladxidóʼ; rulabe ca ni maʼ biree gana» (Salmo 34:18). ¿Ñee nánnaluʼ laaca zanda gusiéchenu Jehová o cuʼnu laa triste la? Nga runi zanda guininu ca binni ni runi cosa malu la? riguucaʼ triste Jehová (Salmo 78:40, 41). Peru binni runi ni jneza la? rusiecheʼ laabe (biindaʼ Proverbios 27:11).
3. ¿Ximodo rusihuinni Jehová nadxii laanu?
Ni jma rusihuinni Jehová nga guendarannaxhii. Biblia ná: «Dios nga guendarannaxhii» (1 Juan 4:8). Rusihuinni Dios nadxii binni ra bidii laanu Biblia ne pur ca cosa ni bizáʼ (biindaʼ Hechos 14:17). Rusihuinni Jehová nadxii binni pur modo bizáʼ laanu. Randa ridúʼyanu stale color sicarú, riuuláʼdxinu gucaʼdiáganu música ne randa runi saborearnu stale guendaró nanixe. Dxandíʼ peʼ racalaʼdxiʼ Jehová guibáninu nayecheʼ.
GUIZÍʼDIRUNU JMA
Guidúʼyanu xi riquiiñeʼ Jehová para guni stale cosa ni ridxagayaanu. Ne despué zadúʼyanu ximodo rusihuínnibe modo nácabe.
4. Espíritu santu nga stipa stiʼ Dios
Laanu la? riquiiñenu nanu para gúninu dxiiñaʼ, Jehová la? riquiiñeʼ espíritu santu stiʼ. Qué rusiidiʼ diʼ Biblia naca espíritu santu ti binni o ti dios, sínuque laani nga stipa ni riquiiñeʼ Dios para guni cumplir guiráʼ ni racalaʼdxiʼ guni. Laguundaʼ Lucas 11:13 ne Hechos 2:17, ne laiquiiñeʼ ca pregunta riʼ para güitu diidxaʼ:
-
Zanda guinábanu Dios espíritu santu stiʼ ne laa zudii ni laanu. Yanna, ¿ñee rábiluʼ naca espíritu santu riʼ ti binni la? o laani nga stipa stiʼ Dios? ¿Xiñee riníʼ íqueluʼ zacá yaʼ?
Riquiiñeʼ Dios espíritu santu stiʼ para guni stale cosa ni ridxagayaanu. Laguundaʼ Salmo 33:6 ne 2 Pedro 1:20, 21, ne laiquiiñeʼ pregunta riʼ para güitu diidxaʼ:
-
¿Ximodo huaquiiñeʼ Jehová espíritu santu stiʼ?
5. Riuuláʼdxinu guidxíñanu Jehová pur modo naca
Moisés nga ti hombre ni qué nusaana Dios. Peru neca zacá biyúbibe gunibiáʼ chaahuibe Dios ni bizáʼ laanu. Ngue runi, gudxi Moisés laabe: «Bisiidiʼ naa neza stiluʼ ti gunebiaʼyaʼ lii» (Éxodo 33:13). Bicabi Jehová Moisés ra gudxi laabe ximodo naca. Laguundaʼ Éxodo 34:4-6 ne laiquiiñeʼ ca pregunta riʼ para güitu diidxaʼ:
-
¿Ximodo bisiene Jehová Moisés modo naca?
-
¿Xii nga ni jma riuuláʼdxiluʼ de Jehová?
6. Rizaalaʼdxiʼ Jehová binni
Gulí Dios ti guidxi dxiqué, laacabe nga ca hebreu, gúcacabe esclavu Egipto. ¿Xi biʼniʼ sentir Dios ora biʼyaʼ cayuninácabe xquidxi yaʼ? Laucaadiaga AUDIO riʼ ne lachinanda lectura stini, o laguundaʼ Éxodo 3:1-10. Despué laiquiiñeʼ ca pregunta riʼ para güitu diidxaʼ:
-
Casi ná ra bidúʼndanu riʼ, ¿xi rábiluʼ runi sentir Jehová ora guʼyaʼ cayacaná binni? (Biiyaʼ xi ná versículo 7 ne 8).
-
¿Ñee rábiluʼ dxandíʼ racalaʼdxiʼ Jehová gacané binni la? ¿Rábiluʼ zanda gúnibe ni la? ¿Xiñee riníʼ íqueluʼ zacá yaʼ?
7. Rusihuinni guiráʼ ni bizáʼ Jehová modo naca
Riquiiñeʼ Jehová guiráʼ ni bizáʼ para guluíʼ laanu ximodo naca. Laguuyaʼ VIDEU riʼ. Despué laguundaʼ Romanos 1:20 ne laiquiiñeʼ pregunta riʼ para güitu diidxaʼ:
-
¿Ximodo rusihuinni Jehová modo laa pur guiráʼ ni bizáʼ?
NUU TU NÁ: «Ti espíritu ni zanda gacané laanu nga Dios ne qué zanda gunibiaʼnu laabe».
-
¿Xi riníʼ íqueluʼ?
-
¿Xiñee riníʼ íqueluʼ zaca yaʼ?
XI BIZÍʼDINU
Naca Jehová ti espíritu, nga runi qué zanda guidúʼyanu laabe. Peru pur modo nácabe riuuláʼdxinu chuʼnu gaxha de laabe, ne jmaruʼ si ra gánnanu laabe nga guendarannaxhii.
Xi biziidiluʼ
-
¿Xiñee qué zanda guidúʼyanu Jehová?
-
¿Xii nga espíritu santu?
-
¿Ximodo naca Jehová?
BIIYAʼ XIRUʼ ZANDA GUIZIIDILUʼ
Biiyaʼ tapa guenda napa Jehová ni zacané lii gunibiaʼluʼ laa jma.
Biiyaʼ xiñee zanda guininu cadi nuu Jehová guiráʼ ladu.
Biiyaʼ xiñee ruchaaga Biblia espíritu santu casi «náʼ» Dios.
Biindaʼ historia stiʼ ti hombre ciegu ni qué ñuni cré pa rizaalaʼdxiʼ Dios laa. Ne biiyaʼ xi gucané laabe para guchaabe modo riníʼ íquebe.
«Runeʼ sentir maʼ randa racaniáʼ binni» (Torre stiʼ ni rapa, 1 de octubre de 2015)
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
