LECCIÓN 07

Nunákaʼ naka Jeobá

BZENAGA LEN DIDZA

Nunákaʼ naka Jeobá

Katiʼ rhonloʼ kuenda ki Jeobá, nákaʼ rhekelho nakeʼ. A rhekelho nakeʼ beneʼ xhen banachhi lhen zueʼ zitoʼ ka belhaj chhia yiba. O cheʼ rhonloʼ kuenda nakeʼ ka to bchhitaj napa yelarzeke sanlhe be rnisi. Nunákaʼse naka Jeobá. Lo Biblia, Jeobá rluene rhoʼo bi beneʼ nakeʼ lhezekan gakatiʼ zueʼ kuenda lueʼ.

1. Bixhkieʼ be rzekeʼ ilerha Dios

«Dios nakeʼ to espíritu» (Juan 4:24). Jeobá be nakeʼ lhen bhelhaʼ lhen be yoeʼ chhita ka benachi. Leʼ nakeʼ ka to beʼ na zueʼ yiba ganha lhezekan be rzekeʼ ilerha.

2. Nákaʼ beneʼ naka Jeobá

Nikla be rzekeʼ ilerha Jeobá, katiʼ rhombherhaneʼ rzolho rhekerhaneʼ tan nakeʼ to beneʼ balha lhen tazian ta chhiaʼ napeʼ. Biblia rnhe: «Jeobá rhekene yelachhiatzawe na be usanneʼ beneʼ lilhachhiʼ kieʼ» (Salmo 37:28). Lhezekan nakeʼ «beneʼ rheke lhen rheyechilachhi», másrhe lhen ka beneʼ rdzagaloke (Santiago 5:11). «Jeobá zue gagodzo lhen ka beneʼ neyoxhajneguinaj lhexhdoke; rhakalenhe beneʼ zithe natilachhike» (Salmo 34:18). A neziselhoʼ rhoʼo wazeke gzuarha yatzayolaj o gzuayechirha Jeobá lhen tan rhonrha. Beneʼ rhonhe ta malha rzuayechieʼ leʼ (Salmo 78:40, 41). Sanlhe beneʼ rhonhe ta chhiaʼ rzuagaze leʼ yatzayolaj (blaba Proverbios 27:11).

3. Nákaʼ rlueʼ Jeobá rhekene rhoʼo

Ta rhakabhetherhe ki Jeobá naka yelarheke, Biblia rnhe: «Dios nakeʼ yelarheke» (1 Juan 4:8). Jeobá rlueʼ yelarheke kieʼ lo Biblia, lhezekan lhen ta nozanospineʼ (blaba Hechos 14:17). Benkalho kuenda, kanha bhenhe rhoʼo. Bhenhe na ilerha tazian color sdan lhen gonrha banheza ki wuíla lhen tazian ta seke gagorha. Jeobá rheenhene gonrha banheza ki yelaneban.

KSEEDIRHA MÁSRHE KI TANÍ

Ni uyorha bi rgonhechhin Jeobá na gonhe ta xhen banachhi. Denhaʼ kseedirha nákaʼ rlueʼ ka beneʼ chhiaʼ nakeʼ.

4. Beʼ gracia ki Dios: naka yelarzeke kieʼ

Rhoʼo rgonherhachhin naarha na gonrha chhin, Jeobá rgonhenechhin beʼ gracia kieʼ. Biblia be rnhe beʼ gracia ki Dios naka to beneʼ, rnhe naka yelarzeke ki Dios ta rgonhenechhin na gonhe bitithezi. Le ulaba Lucas 11:13 lhen Hechos 2:17, na le ktzalaj ki taní:

Dios wegdeʼ beʼ gracia kieʼ ki beneʼ rnabake, leke a rhekelho lueʼ beʼ gracia ki Dios naka to beneʼ o cheʼ naka yelarzeke kieʼ. Bixhkieʼ rhonloʼ kuenda kan.

Jeobá rgonhenechhin beʼ gracia kieʼ na gonhe ta xhen banachhi. Le ulaba Salmo 33:6 lhen 2 Pedro 1:20, 21, na le ktzalaj ki taní:

Nákaʼ chi bgonhechhin Jeobá beʼ gracia kieʼ.

5. Jeobá napeʼ ta chhiaʼ rhaxhenherha

Moisés gokeʼ beneʼ wenchhin lilhachhiʼ ki Dios. Niklakaʼ goonhene gombherhe chhiaʼ Dios beneʼ bzaspineʼ leʼ. Leke gochhie leʼ: «Blueʼ nhediʼ neza kioʼ na seke gombea lueʼ» (Éxodo 33:13). Jeobá bochhieʼ kieʼ na bluene leʼ bala ta chhiaʼ napeʼ. Le ulaba Éxodo 34:4-6 na le ktzalaj ki taní:

Kanho bi ta chhiaʼ napa Jeobá gdixhajeʼ ki Moisés.
Bi ta chhiaʼ napa Jeobá rhaxhenterhelo lueʼ.

6. Jeobá zueʼ kuenda benachi

Katinaʼ, hebreos gokake yechhi ki Dios, na bhenkeʼ chhin ki beneʼ Egipto. Nákaʼ goka ki Jeobá katiʼ bleneʼ rzakayaʼ yechhi kieʼ. Le uzenaga AUDIO o le ulaba Éxodo 3:1-10. Denhaʼ le ktzalaj ki taní:

AUDIO: Jeobá gookene ziʼ katiʼ bleneʼ rzakayaʼ yechhi kieʼ (2:45)

Bi rseedie lueʼ kaʼ rhaka ki Jeobaʼ katiʼ rlenhe rzakayaʼ benachi (byo versículo 7 lhen 8).
A rheajeloyee Jeobá tabalase rheenheneʼ gakalhenhe benachi. A rhekelho wazekene. Bixhkieʼ rhonloʼ kuenda kan.