LESIONY 07
¿Ximod nac Jehová?
Xpensarylo, ¿ximod nac Jehová? ¿Nálo que nacbu nirodandiguieʼ né que sitgoluʼ noʼbu xomod vitzón ni noʼ nigolú sit la? ¿O ronylo pensary que napbu xiroʼgolu galnadip xomod toib guisioʼo né diti napbu cualidades la? ¿Xipa mod nac Jehová? Ló la Biblia Jehová rasuidy lóono tipnés cualidades xtunybu né láaca balaati rioʼbu galrrasaʼ por looy.
1. ¿Xigony diti labúu rabiʼno Dios?
«Dios nac toib espíritu» (Juan 4:24). Jehová diti nacbu suusi lóono. Láabu nacbu toib espíritu né rabésbu lainy guibá, toib lagary ro diti labúu rabiʼno.
2. ¿Xí cualidades nap Jehová?
Ná diti labúu rabiʼno Jehová, rachiinni lóono gonladxno láabu portín nigolú noʼbu né napbu cualidades sacróyen. La Biblia ná: «Jehová rioladxbu gac xinésni né diti sasiambu ni diti rasian láabu» (Salmo 37:28). Láaca «nigolú ronladxbu né ragobiobu buñ», máspa buñ ni cadudy ló galrrioʼob (Santiago 5:11). «Jehová noʼ gaxtiguié de buñ ni cayoʼob xcalnabany; né ralaabu buñ ni nogoluʼ nabann» (Salmo 34:18). Né nanlo la, guirá ni ronyno labúu coʼ nakitni o coʼ nabanni xcalnabanybu. Buñ ni ragoʼ guic gony cós mal rasioʼobbu xcalnabany Jehová (Salmo 78:40, 41). Per buñ ni rony cós tzaay ragoʼ nakit xcalnabany Jehová (bíil Proverbios 27:11).
3. ¿Ximod raslooy Jehová que ronladxbu lóono?
Cualidad xtuny Jehová ni más rareʼ loguiaʼ ngú galnadxiʼ. Scú láani, «Dios ngú galnadxiʼ» (1 Juan 4:8). Jehová raquiimbu la Biblia né guirá ni bisaʼbu par guislooybu galnadxiʼ lóono (bíil Hechos 14:17). Por ejemplo, buny pensary ximod bisaʼ Jehová lóono. Bunybu que labúu guibiʼno xidal color, guioladxno guicadiagno música né guioladxno guáno galrroníx. Raniiny láabu guibaladxno laʼga nabanyno.
NANOY GUISUIDYNO LÁANI
Guisuidyno xi raquiin Jehová par gonybu galrradziguiaʼ. Né guisuidyno ximod raslooybu lóono cualidades sacróyen ni napbu.
4. Espíritu santo: xcalnadip Dios
Lóono raquiinno ñano par gonyno dxiin per Jehová raquiin espíritu santo xtuny. La Biblia diti náni que espíritu santo nacni toib buñ, xalagary ngú nacni xfuers Dios ni raquiimbu par gonybu guirá cós. Colgoʼol Lucas 11:13 né Hechos 2:17, né colgooy xtiitzni:
-
Labúu guinabno espíritu santo xtuny Jehová né sadudybu láani lóono. Xpensarylo, ¿espíritu santo nacni toib buñ la o xalagary ngú, nacni xcalnadipbu ni raquiimbu par gonybu guirá cós? ¿Xigony ronylo pensary modcu?
Jehová raquiimbu espíritu santo xtunybu par gonybu cós ni radziguiaʼ buñ. Colgoʼol Salmo 33:6 né 2 Pedro 1:20, 21, né colgooy xtiitzni:
-
¿Ximod ma biquiin Jehová espíritu santo xtuny?
5. Jehová nap cualidades sacróyen ni rioladxno
Moisés maca rimbubu Dios. Ná scú, goniiny láabu nimbutzaaybu más Jehová ni bisaʼ láabu. Por ngú, Moisés góoch láabu: «Bisuidy xinéslo naʼ par labúu guimbuya looy» (Éxodo 33:13). Né órcu Jehová bislooy láabu cualidades ni nap. Colgoʼol Éxodo 34:4-6 né colgooy xtiitzni:
-
¿Xí cualidades góoch Jehová a Moisés?
-
¿Xí cualidades xtuny Jehová rioladxlo más?
6. Jehová rioʼbu galrrasaʼ por buñ
Buñ hebreos, xcudx Jehová ni goyoʼ ló dzú ni see, goyoʼyibu xan xomandary buñ egipcios. ¿Ximod gosac Jehová órni bibiʼbu xcudxbu cadudy ló galrrioʼob? Colguicadiag GRABACIÓN reʼ né colguicanal láani ló guiich o colgoʼol Éxodo 3:1-10. De ngú colgooy xtiitzni:
-
¿Xí rasuidy historia reʼ looy mod rasac Jehová órni rabiʼbu buñ cadudy ló galrrioʼob? (Colguibiʼ ni ná versículos 7 né 8).
-
¿Nálo que Jehová raniiny gacnébu buñ la? Xpensarylo, ¿labúu gonybu láani la? ¿Xigony ronylo pensary scú?
7. Ló guirá ni goyaʼ rabiʼno cualidades xtuny Jehová
Jehová raquiimbu guirá ni bisaʼbu par guislooybu cualidades xtunybu lóono. Colguibiʼ VIDEO reʼ. De ngú colgoʼol Romanos 1:20 né colgooy xtiitzni:
-
¿Xí cualidades xtuny Jehová rabiʼlo ló guirá ni ma bisaʼbu?
TIPNÉS BUÑ NÁ: «Dios diti rioʼbu galrrasaʼ por lóono órni cadudyno ló galnagan».
-
Looy ¿xí nálo?
-
¿Xigony ronylo pensary scú?
¿XÍ BISUIDYLO?
Jehová nacbu toib espíritu por ngú diti labúu rabiʼno láabu. Napbu cualidades sacróyen ni rioladxno, ni más rareʼ loguiaʼ ngú galnadxiʼ.
Repas
-
¿Xigony diti labúu rabiʼno Jehová?
-
¿Xí láani ngú espíritu santo?
-
¿Xí cualidades nap Jehová?
PAR GANLO MÁS
Bisuidy tap cualidades xtuny Jehová ni más rareʼ loguiaʼ, modreʼ simbutzaaylo láabu más.
Bisuidy xigony ranino que Jehová diti noʼbu guirá lagary.
«¿Noʼ Dios guirá lagary la? ¿Noʼ Dios ló guirá ni bisaʼbu la?» (Artículo ni sieed ló jw.org)
Bieen xigony ná la Biblia que espíritu santo nacni suusi «ña» Dios.
«¿Xí láani ngú espíritu santo?» (Artículo ni sieed ló jw.org)
Toib buñ ni diti rabiʼ diti bunybu crer que Dios goyoʼ galrrasaʼ por láabu. Bisuidy xi láani gocné láabu par bitzaʼbu mod góc xpensarybu.
«Nigoreʼ rasaca que labúu gacnéya stipnés» (Guiich ni caniʼ, 1 de octubre íz 2015)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
