Gusto ni Jehova nga makilaea mo imaw it mayad. Ham-an? Nagasalig imaw nga kon tun-an pa gid naton ro anang mga ugali, ro pagtratar nana sa mga tawo, ag ro anang katuyuan, mas gustuhon pa gid naton nga mangin amigo imaw. Pwede ka gid baea mangin amigo it Dyos? (Basaha ro Salmo 25:14.) Ano ro pwede mong obrahon agud mangin amigo ka nana? Ginasabat it Biblia ruyong mga pangutana ag ginapakita kara kon ham-an si Jehova ro pinakamayad nga amigo sa tanan nga pwede mo mangin amigo.

1. Ano ro imbitasyon kimo ni Jehova?

“Magpaeapit kamo sa Dyos, ag ro Dyos magapaeapit kinyo.” (Santiago 4:8) Ano ro buot hambaeon karon? Ginaimbitar ka ni Jehova nga mangin amigo nana. Nalisdan ro iba magpati nga pwede nanda mangin amigo ro Dyos tungod indi man nanda imaw makita. Pero makita sa anang Bisaea, ro Biblia, ro tanan nga parti kay Jehova agud mangin maeapit kita kana. Kon basahon naton ro mensahe it Dyos sa Biblia, ro atong pagpakig-amigo kay Jehova hay mas magabakud maskin indi naton imaw makita.

2. Ham-an si Jehova ro pinakamayad mo nga Amigo?

Owa it makaeabaw sa pagpalangga ni Jehova kimo. Gusto na nga mangin masadya ka ag magpaeapit kana kon may problema ka. Pwede mo ‘itugyan kana ro tanan mo nga mga paealigban, ay nagakabaeaka imaw kimo.’ (1 Pedro 5:7) Si Jehova hay handa pirme magbulig, magpaumpaw, ag magpamati sa anang mga amigo.—Basaha ro Salmo 94:18, 19.

3. Ano ro gusto ni Jehova nga obrahon ku anang mga amigo?

Palangga ni Jehova ro tanan nga tawo, “pero ro matarung hay maeapit Nana nga amigo.” (Hulubaton 3:32) Gusto ni Jehova nga obrahon it anang mga amigo ro mga bagay nga nailaan na ag likawan ro mga bagay nga owa na nailaan. Nagabatyag ro iba nga indi nanda kayang obrahon ro tanan nga gusto ni Jehova. Pero, naintindihan nana kita. Ginabaton ni Jehova ro tanan nga nagapalangga Kana ag nagatinguha nga pasadyahon Imaw.—Salmo 147:11; Binuhatan 10:34, 35.

 TUN-I PA GID

4. Amigo ni Jehova si Abraham

Ro nakasueat sa Biblia parti kay Abraham (nga ginatawag man Abram) nagatao katon it ideya kon paano mangin amigo it Dyos. Basaha ro parti kay Abraham sa Genesis 12:1-4. Ag talakaya rayon rayang mga pangutana:

• Ano ro ginhambae ni Jehova kay Abraham nga obrahon nana?

• Ano ro ginpromisa ni Jehova kana?

• Ano ro gin-obra ni Abraham?

5. Kon ano ro gusto ni Jehova nga obrahon it anang mga amigo

May mga ginapaabot kita nga obrahon it atong mga amigo.

• Ano ro gusto mong obrahon it ing amigo para kimo?

Basaha ro 1 Juan 5:3, ag talakaya rayon rayang pangutana:

• Ano ro gusto ni Jehova nga obrahon it anang mga amigo?

Agud matuman naton si Jehova, basi kinahang-ean naton bag-uhon ro atong mga ginaobra o ugali. Basaha ro Isaias 48:17, 18, ag talakaya rayon rayang pangutana:

• Ham-an gusto ni Jehova nga mag-obra it mga pagbag-o ro anang mga amigo?

 6. Kon ano nga bulig ro ginatao ni Jehova sa anang mga amigo

 SUMARYO

Gusto ni Jehova nga mangin Amigo ka, ag buligan ka nana nga mangin maeapit kana.

Review

• Paano ginabuligan ni Jehova ro anang mga amigo?

• Ham-an gusto ni Jehova nga mag-obra it mga pagbag-o ro anang mga amigo?

• Kon kimo, malisud baea nga mangin amigo ni Jehova? Ham-an ruyon ing sabat?