Јеһова истәјир ки, сиз Ону јахындан таныјасыныз. Чүнки Онун хүсусијјәтләри, ишләри вә нијјәти барәдә өјрәндикҹә Онун досту олмаг истәјәҹәксиниз. Бәс Аллаһла дост олмаг мүмкүндүр? (Зәбур 25:14 ајәсини охујун.) Онун досту олмаг үчүн нә едә биләрсиниз? Мүгәддәс Китаб бу суаллара ҹаваб верир. Һәмчинин орадан өјрәнирик ки, нәјә ҝөрә Јеһова инсан үчүн ән јахшы Достдур.

1. Јеһова сизи нәјә сәсләјир?

«Аллаһа јахынлашын, О да сизә јахынлашаҹаг» (Јагуб 4:8). Бу нә демәкдир? Јеһова сизи досту олмаға сәсләјир. Бәзи инсанлар үчүн ҝөрмәдикләри кәслә дост олмаг гејри-мүмкүндүр, о ки галды Аллаһла. Лакин Јеһова Кәламында Өзү барәдә кифајәт гәдәр мәлумат вериб ки, Она јахынлаша биләк. Јеһованы ҝөрмәсәк белә, Мүгәддәс Китабы охумагла Онунла дост ола биләрик.

2. Нәјә ҝөрә Јеһова ән јахшы Достдур?

Инсаны Јеһова гәдәр һеч кәс севә билмәз. О сизин хошбәхт олмағынызы, көмәјә еһтијаҹ дујанда Она үз тутмағынызы истәјир. Мүгәддәс Китаб сизи сәсләјир: «Бүтүн гајғыларынызы Онун үзәринә гојун, чүнки О, гајғынызы чәкир» (1 Бутрус 5:7). Јеһова һәмишә достларына дајаг олмаға, тәсәлли вермәјә, онлары динләмәјә һазырдыр. (Зәбур 94:18, 19 ајәләрини охујун.)

3. Јеһованын досту олмаг үчүн нә етмәлијик?

Јеһова бүтүн инсанлары севир, «амма салеһ адамла достлуг» едир (Мәсәлләр 3:32). Јеһованын досту олмаг үчүн Онун дүзҝүн һесаб етдији ишләри ҝөрмәли, бәјәнмәдији ишләрдән исә узаг дурмалыјыг. Бәзи инсанлара елә ҝәлир ки, онлар һеч вахт Јеһованын бујурдуғу кими јашаја билмәзләр. Амма унутмајаг ки, Јеһова мәрһәмәтли Аллаһдыр. Јеһова Ону сидги-үрәкдән севән, Ону мәмнун етмәк үчүн әлиндән ҝәләни едән һәр кәси гәбул едир (Зәбур 147:11; Һәвариләрин ишләри 10:34, 35).

 Д Ә Р И Н Л И Ј Ә  В А Р Ы Н

4. Ибраһим пејғәмбәр Јеһованын досту иди

Мүгәддәс Китабдан Ибраһим пејғәмбәр (һәмчинин Ибрам адланыр) һагда охујанда өјрәнирик ки, Јеһованын досту олмаг нә демәкдир. Јарадылыш 12:1—4 ајәләриндән Ибраһим пејғәмбәр барәдә охујун. Сонра нөвбәти суаллары мүзакирә един:

• Јеһова Ибраһим пејғәмбәрә нә бујурду?

• Јеһова она нә вәд етди?

• Ибраһим пејғәмбәр Јеһовадан алдығы тапшырыға неҹә јанашды?

5. Јеһова достларына нә бујурур?

Адәтән биз достлугдан мүәјјән шејләр ҝөзләјирик.

• Достларынызын сизинлә неҹә рәфтар етмәсини истәјәрдиниз?

1 Јәһја 5:3 ајәсини охујун вә нөвбәти суалы мүзакирә един:

• Јеһова достларындан нә ҝөзләјир?

Јеһоваја итаәт етмәк үчүн биз давранышымызда, хасијјәтимиздә дәјишиклик етмәлијик. Әшија 48:17, 18 ајәләрини охујун вә нөвбәти суалы мүзакирә един:

• Јеһова нәјә ҝөрә достларына мүәјјән дәјишикликләр етмәји бујурур?

 6. Јеһова достлары үчүн нә едир?

 ИҸМАЛ

Јеһова сизин Достунуз олмаг истәјир вә сизә көмәк едәҹәк ки, Она јахынлашасыныз.

Тәкрар

• Јеһова достларына неҹә көмәк едир?

• Јеһова нәјә ҝөрә достларына мүәјјән дәјишикликләр етмәји бујурур?

• Сизҹә, Јеһованын досту олмаг чәтиндир? Нәјә ҝөрә белә дүшүнүрсүнүз?