Jéova tcheng ge o tchente jye é, neke ? É djô ge, o ping tchente dagne potse ne tchi mo ye é be yu a, ne tchi paʼ é ne gre potse a, ba ne ywe ye é be é pap ne ghe a, be o gô ping tchente tcheng ne ji so é. Te o fing kwaʼ ne ji so Si le ? (Ké Mghôm ghamte 25:14.) O fing ne ghe la te ji so é ? Bible baʼ nwe ne mhente menge, neng be daʼte nweke Jéova be ye So tchuô ye o fing ne ghe a.

1. Jéova bo khé o ge o ghe la ?

“Po fouʼte ne tsô ha beng Si, é fouʼte ne é ha beng po.” (Yakop 4:8) A thoute ge ke ? Jéova bo khé o ge o ji so é. She pô fing ne kwè ge a be a tuô téʼ ne pe so Si, nekele wap ka fing ne yô é. Daʼge tchum Ghôm tsye, Bible, Jéova daʼte goung potse tsye a tcheng ge pe jye ne é, te ne fouʼte ne yôkpe ha beng é a. Tchwe ye pe khé Ghôm tsye tchum Bible a, yôkpe ne pe mso pou a Jéova tchente kwye ba m be ye pe lam fe djô é a.

2. Nweke Jéova be ye So tchuô ye o fing ne ghe a ?

Jéova koung o te tchye deng paʼ baya mo le fing ne koung o a. É bo tcheng ge o pe ŋwègne, neng be gre priya bi é ba tchwekele ye a bo tcheng kwite bou a. O fing ne “tak goung mnwe mou awè ne mbou Si, ne paʼ é byap o a. (1 Pètro 5:7) Jéova be ba tchwekele tcheng ne kwite, tcheng ne juete ba ne youʼ mso pye.—Ké Mghôm ghamte 94:18, 19.

3. Jéova tcheng ge mso pye ghe la ?

Jéova koung goung pô awè, “daʼge be so tchuô pou a pô dendeng.” (Mghôm jyenwe 3:32) Jéova tcheng ge mso pye tela ne pe gre potse tsye é djô paʼ potse pepoung a, neng be kengne potse tsye é djô paʼ potse tchwepoung a. She pô sè ge wap ka fing ne laʼ kouʼgne ne ghe goung potse tsye Jéova tcheng ge wap ghe a, neng kengne goung potse tsye a pôk a. Daʼge Jéova be é ghe tum tchômtso. É bing bawele ye é tchente khoung é neng be tela paʼ é fing a ne ghe ywe ye a boung bi a.—Mghôm ghamte 147:11; Mfaʼ 10:34, 35.

 PING TCHENG NE GÔ DZE

4. Abraham le be So Jéova

Tôné Bible ne Abraham (pou bing khé é ge Abram) kwite wôkpe ne youʼ ywe ye ne pe so Si toute a. Ké ywe ye pou gôm ne Abraham a tchum Ne toʼ 12:1-4. Neng gômte ne mhente menge :

• Jéova le ghôm bi Abraham ge é ghe la ?

• Jéova le kaʼgne ke bi é ?

• Abraham le ghe la ?

5. Ywe ye Jéova hente bi mso pye a

Pe gre mso pôkpe, be byap ge wap pe gre she potse.

• O koung ge mso pou ghe ma potse bou ?

Ké 1 Yohané 5:3, neng gômte ne hente yenge :

• Jéova hente ge mso pye ghe la ?

Pe gô ne youʼgne bi Jéova, mouʼtchwe a po tcheng ge pe kwyepgne she potse ne yôkpe tchi ne ghe ke tchi mo ye pe be yu a le. Ké Izaya 48:17, 18, neng gômte ne hente yenge :

• Nweke Jéova hente bi mso pye ge wap ghe mkwyepgne ?

 6. Ywe ye Jéova gre ne ne kwite mso pye a

 YE NE KHAMTE

Jéova bo tcheng ne pe So o, neng bo gô kwite o ne fouʼte ne o ha beng é.

O lagne ke ?

• Jéova kwite mso pye m tchi ge ke ?

• Nweke Jéova gôm bi mso pye ge wap ghe mkwyepgne ?

• O kwè ge a be a tuô tèʼ ne ji so Jéova a ? Nweke ?