NLÔ AJÔ 08

Ô ne bo mvôé Zambe

Vô’ôlô nkobô

Ô ne bo mvôé Zambe

Yéhôva a yi na ô kôme yeme za a né. Amu jé? Amu a yeme na nge ô tu’a yem avale môt a né, mefulu mé a nsôñane wé, wé kômbô bo mvôé jé. Ve ye wo simesane na môt a ne kôme bo mvôé Zambe? (Lañe’e Besam 25:14.) Jé ô ne bo asu na ô bo mvôé Zambe? Bible a yalane minsili mite, a liti fe na Yéhôva a ne Mvôé ja dañe bemvôé bese bi ne bi.

1. Jé Yéhôva a yi na ô bo?

“Mi suba’ane bebé be Zambe, ndemben a ye subu mia bebé.” (Jacques 4:8) Nalé a tinan aya? Na Yéhôva a yi na ô bo mvôé jé. Bôte béziñe ba simesane na, be vo’o bo bemvôé be Zambe amu be lôô ki nye. Ve Bible a kate bia mam mese bia yiane yem a lat a Yéhôva asu na bi bo bemvôé bé. Éyoñe bia lañe Kalate Zambe, bia bi ngul élat a Yéhôva, akusa bo na bi vo’o nye yen a mis.

2. Amu jé Yéhôva a ne Mvôé ja dañe bemvôé bese?

Teke môte mfe a nye’e wo adañe Yéhôva. A yi na ô bo mevak, a na ô ye’elane nye éyoñ ése wo yi mvolan. Ô ne nye kate ‘mam mese ma tyelé wo nleme yôp, amu nnye a ba’ale wo.’ (1 Pierre 5:7) Yéhôva a su’u bemvôé bé éyoñ ése be tele minju’ été, a volô be minlem, a vô’ôlô fe be.—Lañe’e Besam 94:18, 19.

3. Jé Yéhôva a yi na ô bo asu na ô bo mvôé jé?

E ne été na Yéhôva a nye’e bôte bese, ve a dañe “ñbwaane bôt be ne [zôsôô].” (Minkana 3:32) Yéhôva a yi na bemvôé bé be bo mam me ne mvo’é mise mé, a na be sa’ale mam a vini. Bôte béziñe ba simesane na be vo’o bo mam mese Yéhôva a sili. Yéhôva émien a yeme na jam ete e nji bo tyi’ibi. Jôm a yi é ne ve na, môt ase a nye’e nye a ve ngul ése na a bo mam me ne zôsôô.—Besam 147:11; Mam minlôman 10:34, 35.

TUKA’A FAK

Yene’e mam mefe ô ne bo asu na ô bo mvôé Yéhôva, a amu jé Yéhôva a ne Mvôé ja dañe bemvôé bese ô ne bi.

4. Abraham a mbe mvôé Yéhôva

Nkañete Abraham (nge ke Abram, avale be mbe be loene nye ôsusua) wo volô bia na bi yeme jé ja tinane na e bo mvôé Zambe. Bia koene nkañete wé Metata’a 12:1-4. Mvuse ya valé, yala’ane minsili mi:

Yéhôva a nga jô Abraham na a bo jé?
Jé Yéhôva a nga ka’ale nye?
Jé Abraham a nga bo?

5. Jé Yéhôva a yi na bemvôé bé be bo?

Bi wô’ô yi na bemvôé bangan be bo mam méziñ asu dangan.

Ô wô’ô yi na benyo bemvôé be bo jé asu dôé?

Lañe’e 1 Jean 5:3, mvuse ya valé, yala’ane nsili wu:

Jé Yéhôva a yi na bemvôé bé be bo?

Asu na bi bo Yéhôva mewôk, bia yiane tyendé mefulu mangan méziñ. Lañe’ Ésaïe 48:17, 18, mvuse ya valé, yala’ane nsili wu:

Amu jé Yéhôva a yi na bemvôé bé be tyendé mefulu map méziñ?

Mbamba mvôé a ve bia melebe me ne volô bia. Nne fe Yéhôva a bo nalé asu bemvôé bé

6. Aval avé Yéhôva a volô bemvôé bé?

Yéhôva a su’u bemvôé bé éyoñe ba tôbane minjuk. Futi’i VIDÉO, mvuse ya valé, yala’ane nsili wu:

VIDÉO: Yéhôva a nga bo ma abui mam (3:20)

Aval avé Yéhôva a nga volô minga ate na a titan mbia b’asimesane bé, a na a bi mvolane nlem?

Lañe’e Ésaïe 41:10, 13, mvuse ya valé, yala’ane minsili mi:

Ngaka’a fé Yéhôva a bo bemvôé bé bese?
Ye wo simesane na Yéhôva a ne bo mbamba Mvôé asu dôé? Amu jé wo simesane nalé?

Benya bemvôé ba su’u wo éyoñe wo yi mvolan. Yéhôva é volô fe wo aval ete

7. Asu na bi bo bemvôé be Yéhôva, bia yiane laan a nye, a vô’ôlô nye

Minlañ mia volô na bemvôé be tu’a late ngbwa. Lañe’e Besam 86:6, 11, mvuse ya valé, yala’ane minsili mi:

Aval avé bi ne laan a Yéhôva?
Aval avé Yéhôva a laan a bia?

Bia laan a Yéhôva éyoñe bia ye’elane nye; Yéhôva ki a laan a bia éyoñe bia lañe Kalate wé

BÔTE BÉZIÑE BA JÔ NA: “Teke môt éziñ a ne bo mvôé Zambe.”

Éfuse ya Bible évé ô ne belane je asu na ô liti na bi ne bo bemvôé be Zambe?

ÔBALEBAS

Yéhôva a kômbô bo Mvôé jôé, a ye fe volô wo na ô late ngbwa a nye.

Ô ne yalan aya?

Aval avé Yéhôva a su’u bemvôé bé?
Amu jé Yéhôva a yi na bemvôé bé be tyendé mefulu map méziñ?
Ye wo simesane na Yéhôva a sili bemvôé bé mam ma lôte be nkôñ? Amu jé wo jô nalé?

Môse wo te mane yé’é nlô ajô wu:

Jôm ô ne bo

Kate’e mvôé jôé éziñe jam ô ne ndeme yé’é a lat a Yéhôva.

Nge ke:

Your other goal