BAG I 08
O kuʼni nebe nshun Yaweh Nsi
Yaweh Nsi kô mbʼo lèn i kuaʼ mebwô. Numke? A lèn mbe o nèn mbwe neziʼde mat tse, ntshùʼ tse mba ze nekô, mba oaʼ kô nebe nshun i. Kuaʼ nenùn o kuʼni nebe nshun Nsi ké? (Siañ Yobkwi 25:14.) Ke zʼo kuʼni neghù kà mbe nshun Nsi à? Ñwaʼni Nsi num mbùnde tshen mbètte li, mbèn ndaʼde mbe nekut kushun bo Yaweh Nsi bʼa ju ndùb o kuʼni neghù là.
1. Yaweh Nsi tshwèt ntsiañ o o ghù à ke?
“Bin kùʼde nseʼ mbañ Nsi, a kùʼde nseʼ mbañ bin.” (Yakobo 4:8) Yenni nke mbagdʼà mbe ke? Mbe Yaweh Nsi tshwèt ntsiañ o o be nshun i. A num nta tsemoʼ nekwade mbe bo kuʼni nebe shun Nsi, nummbe be bo ke yen i. Ndaʼndù ntùm Ntshob mi, Ñwaʼni Nsi, Yaweh Nsi tshwèt ntshob njoñ tshu fa a bètte be lèn mfà num i là num nebe nshun i. Ngelañ be num nsiañ Ñwaʼni Nsi là, zebe kushun bo yi nke nta nèn à be mbwe mba tà ndù be keʼ toʼ yen i.
2. Bʼo ke ghù moʼ mbwô nshun mba Yaweh Nsi lʼà numke?
Yaweh Nsi kô o ntshùa mba zit mènntùn no. A kô mbʼo nke ntsiañde mbèn ndeʼdʼé mba zit ngelañ o kô a ywimdʼo là. O kuʼni ‘neyab njoñ yu nelab wut fa num i, nummbe a num nywin num o.ʼ (1 Pétro 5:7) Yaweh Nsi ke nsi tsin neywimde, ntomde mbèn njuʼ shun tse.—Siañ Yobkwi 94:18, 19.
3. Nebe nshun Yaweh Nsi, ke zʼa bètte be ghù à?
Yaweh Nsi kô njoñ benntùn fa, “là a nke mbʼa shun ben ndañndañ.” (Tànkùt 3:32) Yaweh Nsi kô mbe shun tse kagtùn neghù tshu tsʼa kô là, mbèn nguaʼ tshu tsʼa keʼ kô là. Tsemoʼ benntùn num nkwade mbe bo keʼ kuʼni neze njoñ ntshùʼ Yaweh Nsi fa. Ndaʼndù Yaweh Nsi num njuʼ yennà. A kô mba we lo zʼa num nkô i ntù ntshùʼ bèn nke nkagtùn neghù njoñ tshu fa a kuʼni là num netsiañde ntù i.—Yobkwi 147:11; Mfaʼ Ghantum 10:34, 35.
TSWEʼ NTUN MI
Ziʼde tshu yàm mfà num mbʼo kuʼni nebe nshun Yaweh Nsi là, mbèn njen ju zʼa ghù moʼ mbwô nshun mba yi là keʼ be.
4. Abraham naʼ be nshun Yaweh Nsi
Tshô Abraham (ze bo naʼ nke ntsiañ Abram nà) tshwèt ndaʼde ju ze be kuʼni neghù kà mbe nshun Nsi là. Siañ tshô Abraham a be ntùm Netoʼde 12:1-4 là. Miagde mbùnde tshen mbètte li:
-
Ke ze Yaweh Nsi naʼ mbètte Abraham ghù à?
-
Ke ze Yaweh Nsi naʼ mbù yi à?
-
Abraham naʼ ngù à ndùke?
5. Ju ze Yaweh Nsi kô mbe shun tse nke ngù là
Be num nkô mbe shun be ghù tsemoʼ tshu ben.
-
Tunde tshu tsʼo num nkô mbe shun tsho ghù wù là
Siañ 1 Yohané 5:3, mbèn mbùnde yen bètte li:
-
Ke ze Yaweh Nsi kô mbe shun tse nke ngù à?
Num nejuʼ ntshu Yaweh Nsi, a bètte be bade zebe kuzin mba tsebe mat kebwô. Siañ Esaya 48:17, 18, mbèn mbùnde yen bètte li:
-
Numke Yaweh Nsi nke nkô mbe shun tse bade tshob mat kebwô à?
Taʼ mbwô nshun aʼ nke ntshob ben tshu tsʼa kuʼni netshètte mbèn njwimde ben nà. Yaweh Nsi nke ngù à be ju ntshùʼ bo shun tse
6. Mba Yaweh Nsi num njwimde shun tse là
Yaweh Nsi num njwimde shun tse nemaʼ tshob ngùtni ntshùa. Lôde LAʼDE NETSHAÑ, mbèn mbùnde yen bètte li.
-
Yaweh Nsi ywimde mènnzwi ntùm laʼde netshañ nemaʼ tse nkwade kebwô ntshùa à ndùke?
Siañ Esaya 41:10, 13, mbèn mbùnde tshen mbètte li:
-
Yaweh Nsi tshob mbe aʼ ghù à ke num njoñ shun tse fa à?
-
O kwade mbe Yaweh Nsi aʼ be taʼ mbwô nshun wù ké? Numke?
Mbwô shun num njwimdʼo ngelañ o be ntùm ngùtni là. Mba Yaweh Nsi aʼ ywimdʼo ze
7. Nebe nshun Yaweh Nsi, a bètte be nke ntshobte bo yi mbèn nke njuʼ i
Neghù mbe yu kushun bo mènntùn ta, a bètte mbe bin yi nke ntshobte njoñ ngelañ fa. Siañ Yobkwi 86:6, 11, mbèn mbùnde tshen mbètte li:
-
Be kuʼni netshobte bo Yaweh Nsi à ndùke?
-
Yaweh Nsi nke ntshobte bo ben à ndùke?
Be num ntshobte bo Yaweh Nsi ntshùade njam leʼde; a nke ntshobte bo be ntshùade njam Ñwaʼni Nsi
TSEMOʼ BENNTÙN NUM NTSHOB MBE: “Be mènntùn ke be nshun Nsi.”
-
Mbʼo loʼ zit nka Ñwaʼni Nsi num nelaʼde mbe be kuʼni nebe nshun Yaweh Nsi à?
JU NETSHÙBE
Yaweh Nsi kô nebe nshun o, ndùlà, aʼ ywimdʼo nekut kushun bo yi.
Mbètte nekwimde
-
Yaweh Nsi num njwimde shun tse à ndùke?
-
Numke Yaweh Nsi nke mbètte shun tse mbe bo bade tshob mat kebwô à?
-
O kwade mbe a ta nebe nshun Yaweh Nsi ké? Numke?
DIAGE
Bʼo jù tsit bin nebe nshun Nsi à?
“Jéhovah: un Dieu qui mérite dʼêtre connu” (La Tour de Garde, 15 février 2003)
Yen mbʼo kuʼni nekut kushun bo Nsi là.
Yen ju zʼa ghù taʼ mènnzwi tshob mbe ze kushun bo Yaweh Nsi ghù yôg se bèn mbwô neshu là.
Juʼ ju ze tsemoʼ ghuan benntùn nke ntshob mfà num yub kushun bo Yaweh Nsi là.
