Yehova a mapula ná o bie mo̱ bwam. Ońola nje e? A bi ná nika o mabatano̱ bia bede̱mo bao, mabola mao na mwano mao, nika pe̱ nde o mabatano̱ be̱ne̱ ńo̱ng’a be̱ diko̱m lao. Mo̱ o dube̱ ná we ná o be̱ diko̱m la Loba e? (Langa Myenge 25:14.) Nje weno̱ ná o bola ná o be̱ diko̱m lao e? Bibe̱l e malabe̱ mi myuedi e malee̱ pe̱ ońola nje be̱ diko̱m na Yehova leno̱ mulatako mu buki me̱se̱ weno̱ ná o be̱ne̱.

1. Nje Yehova a mapulano̱ ná o bole e?

“Sisea be̱be̱ na Loba, nde mo̱ pe̱ a masisea be̱be̱ na bińo̱.” (Yakobo 4:8) Nje nika e mapulano̱ kwala e? Yehova a mapula ná o be̱ diko̱m lao. Bato jita ba mo̱nge̱le̱ ná ye ndutu o be̱ diko̱m na Loba ońolana ba titi ná be̱ne̱ mo̱. Nde o Eyal’ao Bibe̱l, Yehova a malangwea biso̱ nje ye̱se̱ jangame̱nno̱ bia jombwea mo̱, ná di siseye be̱be̱ na mo̱. Di malanga te̱ mwe̱ndi Loba a lomedino̱ biso̱ mwe o Bibe̱l, diko̱m lasu na Yehova di mabata be̱ ngińa to̱ná di s’e̱nno̱ mo̱.

2. Ońola nje Yehova eno̱ diko̱m di buki me̱se̱ weno̱ ná o be̱ne̱ e?

To̱ moto a si to̱ndi wa buka Yehova Loba. A mapula ná o be̱ bonam o kane̱ pe̱ mo̱ ponda te̱ o mapulano̱ jongwane̱. We ná o “bambe̱le̱ mo̱ mutaka [mo̱ngo̱] mwe̱se̱, ebanja a mombwea [wa].” (1 Petro 5:7) Yehova a le̱le̱m ponda ye̱se̱ o jongwane̱, lo̱ko̱ na lambe̱ye̱ mako̱m mao toi.—Langa Myenge 94:18, 19.

3. Nje Yehova a mapulano̱ ná di bole ná di be̱ mako̱m mao e?

Yehova a to̱ndi bato be̱se̱, “nde e ba be mbale̱ tik’a diko̱m.” (Minia 3:32) Yehova a mapula ná mako̱m mao ma po̱nge miwe̱n o bola mambo a to̱ndino̱ na o banga bola ma a singe̱no̱. Bato bō̱ ba mo̱nge̱le̱ ná ba titi ná ba bola nje ye̱se̱ Yehova a mapulano̱ ná ba bole, na banga pe̱ bola nje ye̱se̱ a singe̱no̱. Nde, Yehova e ndedi. A makasa moto te̱ nu to̱ndi mo̱ na mbale̱, nu mapo̱nge̱ pe̱ miwe̱n me̱se̱ o bwese̱ mo̱ muńe̱nge̱.—Myenge 147:11; Bebolo 10:34, 35.

 ALA O NJIBA

4. Abraham a ta nde diko̱m la Yehova

Myango ma Bibe̱l jombwea Abraham (nu belabe̱ pe̱ ná Abram) mi mongwane̱ biso̱ o so̱ṅtane̱ nje be̱ la diko̱m na Loba di mapulano̱ kwala. Langa myango ma Abraham o Bebotedi 12:1-4. Nde lo kwaleye pe̱ ońola min myuedi:

• Nje Yehova a baise̱no̱ Abraham ná a bole e?

• Njika kakane̱ Yehova a bolino̱ mo̱ e?

• Nje Abraham a bolino̱ e?

5. Nje Yehova a mengane̱no̱ mako̱m mao

Di yo̱ki jengane̱ mako̱m masu mambo mō̱.

• Njika mambo mō̱ o to̱ndino̱ ná mako̱m mo̱ngo̱ ma boleye wa e?

Langa 1 Yohane 5:3, nde lo kwaleye pe̱ ońola min myuedi:

• Nje Yehova a mapulano̱ ná mako̱m mao ma bole e?

Ná di sengane̱ Yehova, ye ná e pula ná di tukwe bedangwedi basu to̱ bede̱mo basu. Langa Yesaya 48:17, 18, nde lo kwaleye pe̱ ońola min myuedi:

• Ońola nje Yehova a mabaise̱no̱ mako̱m mao ná ma tukwe mambo mō̱ e?

 6. Nje Yehova a maboleano̱ mako̱m mao

 EBONGOLO

Yehova a mapula be̱ diko̱m lo̱ngo̱, a me̱nde̱ pe̱ jongwane̱ wa o sisea be̱be̱ na mo̱.

Ndimbisedi

• Ne̱ni Yehova a mongwane̱no̱ mako̱m mao e?

• Ońola nje Yehova a mabaise̱no̱ mako̱m mao ná ma tukwe mambo mō̱ e?

• Mo̱ o mo̱nge̱le̱ ná nje Yehova a mengane̱no̱ mako̱m mao ye ndutu jita e? Ońola nje pe̱ o makwalano̱ nika e?