LESONI 08
O Rawa ni iTokani i Jiova
E vinakata o Jiova mo kilai koya vinaka. Na vuna? Na levu ga ni nomu kila na nona itovo, nona sala kei na nona inaki, o na vinakata sara ga mo nona itokani. E rawa dina mo nona itokani na Kalou? (Wilika Same 25:14.) Na cava mo cakava mo nona itokani? E sauma na iVolatabu na taro qori qai vakaraitaka ni bibi duadua na veitokani kei Jiova.
1. Na cava e vinakata vei iko o Jiova?
“Toro voleka vua na Kalou ena qai toro voleka mai vei kemuni o koya.” (Jemesa 4:8) Na cava na kena ibalebale qo? E vinakata o Jiova mo nona itokani. Eso era nanuma ni dredre mera veitokani kei na dua era sega ni raica, sa qai dredre sara mera qai veitokani kei na Kalou. Ia e vakarautaka o Jiova ena nona Vosa na iVolatabu na ka kece meda kila me baleta na nona itovo, me rawa nida toro voleka kina vua. Eda sega ni raica na Kalou, ia ena dei na noda veiwekani kei koya nida wilika na kena itukutuku ena iVolatabu.
2. Na cava e iTokani vinaka duadua kina o Jiova?
E sega ni dua e lomani keda vakalevu me vakataki Jiova. E vinakata mo marau, mo kere veivuke vua ena gauna o leqa kina. E rawa ni ‘o biuta vua na nomu lomaocaoca kece, ni kauaitaki iko o koya.’ (1 Pita 5:7) E tu vakarau o Jiova me tokoni ira nona itokani, vakacegui ira qai rogoci ira.—Wilika Same 94:18, 19.
3. Na cava e namaka o Jiova vei ira na nona itokani?
O Jiova e lomani keda kece, “ia e veitokani voleka kei ira na yalododonu.” (Vosa Vakaibalebale 3:32) E namaka o Jiova vei ira nona itokani mera cakava na ka vinaka, ra qai kua ni cakava na ka ca. Eso era nanuma nira na sega ni rawata na ivakatagedegede i Jiova ni ka vinaka kei na ka ca. Ia o Jiova e dau lomasavu. E vakadonui ira na lomani koya dina ra qai saga ena nodra vinaka mera vakamarautaki koya.—Same 147:11; Cakacaka 10:34, 35.
VAKEKELI
Vulica na sala mo itokani kina i Jiova, kei na vuna e iTokani vinaka duadua kina o koya.
4. Na itokani i Jiova o Eparama
Na itukutuku ena iVolatabu me baleti Eparama (e kilai tale ga me o Eparaama) e vakaraitaka na sala eda rawa kina ni veitokani kei na Kalou. Wilika na ka e tukuni me baleti Eparama ena Vakatekivu 12:1-4. Oti veivosakitaka na taro qo:
-
Na cava e tukuna o Jiova me cakava o Eparama?
-
Na cava e yalataka vua o Jiova?
-
Na cava e cakava o Eparama?
5. Na ka e vinakata o Jiova vei ira nona itokani
Eda dau namaka mera cakava eso na ka na noda itokani.
-
Na cava o vinakata mera cakava vei iko nomu itokani?
Wilika 1 Joni 5:3, qai veivosakitaka na taro qo:
-
Na cava e vinakata o Jiova vei ira na nona itokani?
E bibi meda veisautaka noda ivalavala meda talairawarawa kina vei Jiova. Wilika Aisea 48:17, 18, qai veivosakitaka na taro qo:
-
Na cava e vinakata kina o Jiova mera veisau na nona itokani?
Na itokani vinaka ena tukuna vei keda na ka e yaga, ena taqomaki keda. Qori tale ga na ka e cakava o Jiova vei ira nona itokani
6. Na ka e cakava o Jiova vei ira nona itokani
E vukei ira nona itokani o Jiova mera vosota na leqa. Sarava na VIDIO, qai veivosakitaka na taro tarava.
-
E vukea vakacava na marama ena vidio o Jiova me vosota na rai cala kei na yalolailai?
Wilika Aisea 41:10, 13, qai veivosakitaka na taro qo:
-
Na cava e yalataka o Jiova me cakava vei ira kece na nona itokani?
-
O nanuma ni iTokani vinaka o Jiova? Na vuna?
Era na vukei iko na itokani voleka ena gauna ni leqa. Ena cakava tale ga qori vei iko o Jiova
7. Na veitokani kei Jiova e okati kina na veivosaki
Era na veivolekati na veitokani nira veivosaki. Wilika Same 86:6, 11, qai veivosakitaka na taro qo:
-
Eda na vosa vakacava vei Jiova?
-
E vosa vakacava vei keda o Jiova?
Eda vosa vei Jiova nida masu; e vosa vei keda ni vakayagataka na iVolatabu
KA ERA KAYA ESO: “E dredre meda veivolekati kei na Kalou.”
-
Na tikinivolatabu cava o na vakayagataka me dusia nida rawa ni veitokani kei Jiova?
KA O VULICA
E vinakata o Jiova me nomu iTokani, ena vukei iko mo volekati koya.
Railesuvi
-
E vukei ira vakacava nona itokani o Jiova?
-
Na cava e tukuna kina o Jiova vei ira nona itokani mera veisau?
-
O nanuma ni namaka vakasivia na ka o Jiova vei ira nona itokani? Na vuna?
IKURI
Ena veisautaka vakacava nomu bula nomu veitokani kei na Kalou?
“O Jiova—Na Kalou e Dodonu Meda Kila” (Na Vale ni Vakatawa, 15 Feperueri, 2003)
Vulica na sala mo veitokani kina kei na Kalou.
“Rawa Vakacava Niu iTokani ni Kalou?” (Ra Taroga na iTabagone—Kena iSau, iTabataba 2, wase 35)
Wilika nona veisautaka nona bula e dua na marama na veitokani kei na Kalou
Rogoca nodra vakamacalataka eso na itabagone nodra rai me baleti Jiova.
Na Cava na iBalebale ni Nomu Veitokani kei na Kalou? (1:46)
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
