Jéova vlé kè ou aprann konnèt-li. Poukwa sa ? I té’é vlé kè zò vin bon bon zanmi. É pou sa fèt, i sav kè fò ou aprann konnèt kalité a-y, jan i ka aji, é ka i ni lentansyon fè pou-w. Men ès ou ka di nou pé vin zanmi èvè Jéova ? (li Sòm 25:14). Kijan ou pé vin zanmi a-y ? Labib ka réponn a sé kèsyon-lasa é i ka èspliké osi poukwa lè ou bon zanmi èvè Jéova sé méyè lanmityé ou pé ni.

1. Ki envitasyon Jéova ka fè-w ?

« Rapwoché-zòt dè Bondyé, é i ké rapwoché-y dè zòt » (Jak 4:8). Ka pawòl a vèwsé-lasa vlé di ? Jéova anvi kè ou vin bon zanmi èvè-y. Konm pa ni mwayen vwè Bondyé, ni moun ki ka konprann kè pa ni mwayen vin zanmi èvè-y nonplis. Men konm i vlé nou vin pli pré a-y, i ka fè-nou sav ki jan dè moun i yé adan Pawòl a-y, Labib. Pli nou ké li Bib-la, kivédi mésaj-la Bondyé voyé ban nou la, pli nou ké vin bon zanmi èvè-y menmsi nou pa’a vwè-y.

2. Poukwa Jéova sé méyè zanmi ou pé ni ?

Pa ni ponmoun ki enmé-w plis ki Jéova. I vlé kè ou ni tchè-kontan é kè ou palé ba-y chakfwa ou bizwen èd a-y. Ou pé ‘lagé tousa ki ka trakasé-w asi-y, paskè i ka sousyé-y dè-w’ (1 Pyè 5:7). Jéova toujou paré pou kouté zanmi a-y, pou soutyenn-yo é pou ba-yo fòs (li Sòm 94:18, 19).

3. Ka Jéova vlé nou fè pou vin zanmi a-y ?

Jéova enmé toutmoun, « men i bon zanmi èvè moun ki ka maché dwèt » (Pwovèb 3:32). Pou vin zanmi èvè Bondyé, fò ou éséyé fè sa i enmé é fò ou rèfizé fè sa i hay. Ni sèwten moun ki ka pansé kè yo pé’é jen pé suiv prensip a Jéova anrapò èvè sa ki byen é sa ki mal. Men Jéova ka konprann-nou. Dépi nou enmé-y é kè nou ka fè tousa nou pé pou fè-y plézi, i dakò pou vin zanmi èvè nou (Sòm 147:11 ; Akt 10:34, 35).

 AN-NOU FOUYÉ PI FON

4. Abraam té bon zanmi èvè Jéova

Nou ka touvé istwa a Abraam (yo ka kriyé Abram osi) adan Labib. Istwa-lasa ka édé-nou konprann ka sa vlé di lè ou bon zanmi èvè Bondyé. Li Jénèz 12:1-4 é fè on ti kozé asi sé kèsyon-lasa :

• Ka Jéova mandé Abraam fè ?

• Ka Jéova pwomèt-li ?

• Kijan Abraam réyaji lè Jéova di-y ka pou i fè ?

5. Sa Jéova ka mandé zanmi a-y fè

Pli souvan ki rarman, nou té’é swété kè zanmi an nou fè sèwten biten ban nou.

• Kijan ou té’é vlé kè zanmi a-w aji èvè-w ?

Li 1 Jan 5:3 é fè on ti kozé asi kèsyon-lasa :

• Ka Jéova ka mandé zanmi a-y fè ?

Pou fè sa Jéova ka mandé, pétèt kè fò-nou ké chanjé konpòwtasyon oben lagé sèwten défo nou ni. Li Izayi 48:17, 18 é fè on ti kozé asi kèsyon-lasa :

• Poukwa Jéova ka mandé zanmi a-y fè sèwten chanjman ?

 6. Ka Jéova ka fè pou zanmi a-y ?

 ON TI RÉZIMÉ

Jéova vlé kè ou vin zanmi a-y é i ké édé-w an sans-lasa.

Ka ou woutyenn

• Kijan Jéova ka édé zanmi a-y ?

• Poukwa Jéova ka mandé zanmi a-y fè sèwten chanjman ?

• Ès ou ka di ni twòp biten a fè pou vin zanmi a Jéova ? Poukwa ou ka di sa ?