E tangiriko Iehova bwa ko na kinaa raoi. Bukin tera? E kantaningaia bwa ngkana ko reiakina riki aroarona, kawaina nako, ao te bae tangiria ibukim, ao ane ko na kan riki bwa raoraona. Ko kona n riki bwa raoraon te Atua? (Wareka Taian Areru 25:14.) Tera ae ko na karaoia bwa ko aonga n riki bwa raoraona? E kaekai titiraki aikai te Baibara ao e kaota naba bukina ngkai te iraorao ma Iehova bon te bwai ae te kabanea ni kakawaki.

1. Tera ae kaoko iai Iehova bwa ko na karaoia?

“Kaania te Atua, ao ane e na kaaningkami.” (Iakobo 4:8) Tera nanon anne? E kaungako Iehova bwa ko na riki bwa raoraona. E kangaanga irouia tabeman iangoan ae a kona riki bwa raoraon te Atua ngkai a aki kona n noria. Ma rinanon ana Taeka ae te Baibara, e kaotii iai Iehova aroarona aika a na buokira ni kaania. Ngkana ti wareka ana rongorongo te Atua nakoira ae n te Baibara, e na bon rikirake ara iraorao ma ngaia e ngae naba ngke ti aki kona n noria.

2. E aera ngkai e kona n riki Iehova bwa Raoraom ni koaua?

Akea ae e kona n tangiriko riki n aron tangirakim iroun Iehova. E tangiriko bwa ko na kukurei ao n tataro nakoina ngkana ko kainnanoa te ibuobuoki. Ko kona ni ‘kabanea am iango n raraoma ni kaaki i aona, ibukina bwa e mumutiakiniko.’ (1 Betero 5:7) E tatauraoi Iehova ni boutokaiia raoraona, ni kabebeteia, ao ni kakauongo irouia.​—Wareka Taian Areru 94:​18, 19.

3. Tera ae kantaningaia Iehova mairouia raoraona?

E tangiriia aomata nako Iehova, “ma e kaan Ana iraorao ma akana raoiroi.” (Taeka n Rabakau 3:​32) E kantaningaiia raoraona Iehova bwa a na kataia ni karaoi baika e tarai bwa a raoiroi ao a na ribai baika e tarai bwa a buakaka. A iangoia tabeman bwa a aki kona ni maiuakin ana kaetieti Iehova ni kaineti ma baika raoiroi ao aika buakaka. Ma e ota iai Iehova. E tangiriia te koraki aika a tangiria ni koaua ao a kabanea aia konaa ni kakukureia.​—Taian Areru 147:11; Mwakuri 10:​34, 35.

 REIAKINA AE BATI RIKI

4. Aberaam bon raoraon Iehova

E buokira rongorongon Aberaam (ae aranaki naba bwa Aberam) n te Baibara n ota n ae nanonaki n te riki bwa raoraon te Atua. Wareka rongorongon Aberaam ni Karikani Bwaai 12:​1-4. Ao maroroakin titiraki aikai:

• Tera are e tuanga Aberaam Iehova bwa e na karaoia?

• Tera are e beritanna Iehova nakon Aberaam?

• Tera aron Aberaam nakon ana kaetieti Iehova?

5. Te bae kantaningaia Iehova mairouia raoraona

Ti aki toki ni kantaningai bwaai tabeua mairouia raoraora.

• Baikara bwaai tabeua aika ko tangiri bwa a na karaoi raoraom ibukim?

Wareka 1 Ioane 5:​3, ao maroroakina te titiraki aei:

• Tera ae e kantaningaia Iehova mairouia raoraona?

Ngkana ti na ongeaba iroun Iehova, ti riai moa ni bitii aroarora. Wareka Itaia 48:​17, 18, ao maroroakina te titiraki aei:

• E aera Iehova ngkai e tuangia raoraona bwa a na karaoi bitaki?

 6. Te bae e karaoia Iehova ibukia raoraona

 KAKIMOTOTOANA

E kan riki Iehova bwa Raoraom, ao e na boni buokiko ni kaania.

Kauring

• E kangaa Iehova ni buokiia raoraona?

• E aera Iehova ngkai e tuangia raoraona bwa a na karaoi bitaki?

• Ko iangoia bwa e rangi ni kangaanga te riki bwa raoraon Iehova? Kabwarabwaraa am kaeka.