Xehová quere que o coñezas mellor. Por que? Porque espera que canto mellor o coñezas máis queiras ser o seu amigo. Por iso quere que aprendas sobre as súas calidades, sobre a maneira na que trata as persoas e sobre o que quere para ti. Pero, de verdade podes ser amigo de Deus? (Le Santiago 2:23) Que podes facer para chegar a ser o seu amigo? A Biblia responde estas preguntas e explica por que Xehová é o mellor amigo que podes ter.

1. Que invitación che fai Xehová?

“Achegádevos a Deus e El achegarase a vós” (Santiago 4:8). Que quere dicir isto? Xehová invítate a facerte amigo del. A algunhas persoas igual lles custa crer que poden ser amigas de Deus porque non o poden ver. Pero na súa Palabra, a Biblia, Xehová ensínanos todo o que necesitamos saber da súa personalidade para que poidamos achegarnos a el. Aínda que non podemos ver a Xehová, a nosa amizade con el vai medrando cando lemos o que nos di na Biblia.

2. Por que Xehová é o mellor amigo que podes ter?

Ninguén te quere tanto coma Xehová. El quere que sexas feliz e que acudas a el sempre que necesites axuda. A Biblia di: “Botade sobre Deus tódalas vosas ansias, que El coida de vós” (1 Pedro 5:7). Xehová sempre está disposto a axudar, consolar e escoitar os seus amigos (le Salmo 94:18, 19).

3. Que espera Xehová dos seus amigos?

Xehová quérelle a todo o mundo, pero “reserva a súa intimidade para os honrados” (Proverbios 3:32). Xehová ten normas sobre o que está ben e o que está mal. Espera que os seus amigos sigan esas normas. Algúns pensan que nunca poderán estar á altura do que el pide. Pero Xehová é moi comprensivo e acepta como amigos a tódolos que o queren de verdade e fan todo o que poden por agradarlle (Salmo 147:11; Feitos 10:34, 35).

 AFONDA MÁIS

4. Abraham foi amigo de Xehová

O relato da Biblia sobre Abraham (tamén chamado Abram) axúdanos a entender o que significa ser amigo de Deus. Lede sobre Abraham en Xénese 12:1-4. Logo comentade estas preguntas:

• Que lle pediu Xehová a Abraham?

• Que lle prometeu Xehová?

• Como respondeu Abraham ó que Xehová lle pedira?

5. Que espera Xehová dos seus amigos

Adoitamos esperar certas cousas dos amigos.

• Como che gusta que te traten os teus amigos?

Lede 1 Xoán 5:3 e logo comentade esta pregunta:

• Que espera Xehová dos seus amigos?

Para obedecer a Xehová, é posible que teñamos que facer cambios na nosa conduta ou na nosa personalidade. Lede Isaías 48:17, 18 e logo comentade esta pregunta:

• Por que lles pide Xehová ós seus amigos que fagan cambios?

 6. Que fai Xehová polos seus amigos

 RESUMO

Xehová quere que sexas o seu amigo e vaiche axudar a que te achegues a el.

Repaso

• Como lles axuda Xehová ós seus amigos?

• Por que lles pide Xehová ós seus amigos que fagan cambios?

• Pensas que Xehová espera demasiado dos seus amigos? Por que pensas así?