Zoova a ˈbɔn -ˈyeɔ jhibho- -kajɔɔnka. Dhɛɛdɩ- -ɛ? -Bho jhibho- dhɩ -duuˈˈ ˈdhe ɔɔˈ -nɩnsʋn -e ɔɔˈ dhɩnʋnsʋn -e ɔɔˈ -ˈglʋdɩ aˈ dɩ ˈdhi ɛˈ, ɔ jhibhiˈ ɛɛ muɛn ʋn ˈˈtun- -ˈye ɔɔˈ -jhbhɛɛi -nɩɛn- i ˈbɔn. ˈBhoo- -gwlɩˈˈ ˈdhee, -ˈbhɛɛˈ ˈjɛɛn- -nɩn Ɲɔnsoa ˈye -jhbhɛɛ? (Zro Psaume 25:14.) Dhɛwɛ- -ˈbhɛɛ -ˈye nʋn -wɛeˈ -nɩn Ɲɔnsoa ˈye -jhbhɛɛ? Biiblʋ a za ˈe ideedɩ- nɩn ˈmɛn, ˈˈdhe -ka -nɩn Zoova -jhbhɛɛ -ziia -nɩn ɲɔn ooˈˈ ɲɔn -jhbhɛɛ, -man muɛn i ˈŋwɔn.

1. Dhɛwɛ- Zoova a ˈbɔn -ˈye nʋn -ɛn?

“ˈˈKʋaan- Ɲɔnsoa i -wɛeˈ ɔ ˈye mʋn in ˈˈkʋaan-.” (Jacques 4:8) Dhɛwɛ- -ˈmɛn ˈdha -a? Zoova a ˈdha ʋn ˈmɛn -ˈye ɔɔˈ -jhbhɛɛi -nɩn. ˈBho ɲʋn -ˈnʋʋn -gwlɩˈˈ ʋʋ se ˈbhɛɛ- ʋʋ -nɩn ɲɔn ʋaˈ ˈjhea ˈye -jhbhɛɛ. -ˈMɛn ka ʋʋ -nɩn Ɲɔnsoa -mɔnˈ ˈye -jhbhɛɛ? Dhɩ aˈ klɛɛ -a ˈyea jhibho- ˈbho Zoova ˈˈbun -wɛeˈ -a ˈyeɔ i ˈˈkʋaan- an, ɔ ˈtmʋn ɩanˈ dɩ ˈmɛn ˈdhe Biiblʋ ˈdhi. -Bho -aaˈ ˈjhe Zoova mɔn -dhe ɛˈ, dɩ ɔɔ ˈtmʋan -aʋ ˈdhe Biiblʋ ˈdhi ɛ, -bho -aa sɩ ˈdhii zro ɛˈ, ɛɛ nʋɛnˈ -jhbhɛɛ nɩan ˈo ɔmɔn -e -abʋ ˈɲnɩn ɛn ˈkpa ˈˈkpe.

2. Dhɛɛdɩ- Zoova -zii -jhbhɛɛʋn anˈ klɛɛ -a ˈbhɛɛa -a ˈyea ˈbhle -ɛ?

Ɲɔn ˈyea -manˈ dɩ -kman -ɔ ˈyea Zoova -zii ɔ se -nɩn. Zoova a ˈbɔn -ˈye ˈmʋnan ˈjhe ˈˈdhe -ˈyeɔ -manˈ -ˈzɔndɩ aˈ klɛɛ ˈtmʋʋn-. -ˈBhɛɛˈ -ˈye ‘-manˈ -ˈzɔndɩ aˈ klɛɛ ˈbho ɔ ˈˈkpe ˈˈvile- dhɛbhleɛ ɔɔ ˈˈduɛ -manˈ dɩ.’ (1 Pierre 5:7) Zoova a poɛ ɔɔ -jhbhɛɛʋn -ˈˈwe sʋn bho, ɔɔ ˈˈdubʋ dɩ -ˈgwlɩi, ˈˈdhe ɔɔ pʋbʋ -dheinˈˈ bho zɔn ooˈˈ zɔn.​—Zro Psaume 94:18, 19.

3. -Bho -a -nɩn Zoova ˈye -jhbhɛɛ ɛˈ, dhɛwɛ- -a ˈye nʋn -ɛn?

Ɛ tɔˈdɩ Zoova -kman ɲʋn anˈ klɛɛ ɛˈ dɩ, “ˈklaa ɲʋn ˈsrɛaˈˈ a, ʋbʋ- -nɩn ɔɔ jhbhɛɛ.” (Proverbes 3:32) Zoova a ˈbɔn ɔɔˈ -jhbhɛɛʋn ˈye dhɩ nɩan dhɩ ˈjɛɩn ˈdhe ɔ ˈˈjhriɛ ˈdhe nʋn -wɛeˈ ʋʋ ˈye dhɩsaɩn bho -tɛɛn. ˈBho ɲʋn -ˈnʋʋn -gwlɩˈˈ ɛ, ʋʋ se ˈbhɛɛ- ʋʋ ˈye dhɩ aˈ klɛɛ Zoova a ˈtmʋan ˈˈjhriɛ ˈˈdu. Dhɛ nɩan ˈo bhla ɛmɛn- -nɩn Zoova aˈ dhɛ se ˈˈɩ -kman. Ɲʋn anˈ klɛɛ -ʋʋ kman ɔɔˈ dɩ ˈjɛɛn- ˈˈdhe -ʋa- poa ˈe ˈkpɩ -ʋʋ ˈyea ɔɔˈ -ˈglʋdɩ nʋn ɛn, ɔɔ ˈŋwɔɔn ʋaˈ dɩ ˈmɛn.​—Psaume 147:11; Actes 10:34, 35.

 KPA DHƐ I ˈŊWƆƐN ƝAN

4. Ablaamʋn -nɩɛn- Zoova aˈ -jhbhɛɛi -dhe

Dhɛ Ɲɔnsoa aˈ -jhbhɛɛi -nɩɛn ˈdha a, Ablaamʋn ɔnˈ bo ɔ poɛ -aʋ sʋn bho -aa yeɛ i ˈŋwɔn. Zro Genèse 12:1-4 -ɛɛ ˈtmʋan Ablaamʋn ɔnˈ dɩ, -ˈmɛn aʋ ˈtmʋn ideedɩ- nɩn anˈ dɩ:

• Dhɛwɛ- Zoova ˈtmʋʋn- Ablaamʋn ɔ ˈye nʋn -dhe -ɛ?

• Dhɛwɛ- -ɛɛ ghwlu Zoova cɛn ˈdhe ɔ bho -ɛ?

• Dhɛwɛ- Ablaamʋn nʋn -ɛn?

5. Dhɛwɛ- Zoova a ˈbɔn ɔɔˈ -jhbhɛɛʋn ˈye nʋn -ɛn?

-Aa ˈbɔn -aaˈ -jhbhɛɛʋn ˈye dhɩ -dhee -ˈnɩɩn anˈ nʋanˈ ˈbhɛɛ-.

• Dhɩ -ˈnɩɩn -wɛ -man ˈbɔn -manˈ -jhbhɛɛʋn ˈye nʋn ʋʋ ˈye ʋn ˈˈɲɩn -ɛn?

Zro 1 Jean 5:3, -ˈmɛn aʋ ˈtmʋn ideedɩ- nɩn anˈ dɩ:

• Dhɛwɛ- Zoova a ˈbɔn ɔɔˈ -jhbhɛɛʋn ˈye nʋn -ɛn?

-Bho -aa sa ˈbɔn -a ˈye Zoova aˈ Ghwlu ŋwɔn ˈjhe ɛˈ, -ˈmɛn -a ˈye -aaˈ kplɩn ˈˈɩn zian-. Zro Isaïe 48:17, 18, -ˈmɛn aʋ ˈtmʋn ideedɩ- nɩn anˈ dɩ:

• Dhɛɛdɩ- Zoova a ˈbɔn ɔɔˈ -jhbhɛɛʋn ˈye kplɩn ˈˈɩn zian-?

 6. Ka Zoova a nʋn ɔɔˈ -jhbhɛɛʋn sʋn bho -po sʋn -ɛn?

 DHƐWƐ- ˈCƖAN-?

Zoova a ˈbɔn -ˈye ɔɔˈ -jhbhɛɛi -nɩn ˈˈdhe ɔɔ muɛn ʋn sʋn bho -po -ˈyeɔ i ˈˈkʋaan-.

Dhɛwɛ- -ˈŋwɔn in -ɛn?

• -Kawɛ Zoova a nʋn ɔɔˈ -jhbhɛɛʋn sʋn bho -po sʋn -ɛn?

• Dhɛɛdɩ- Zoova aˈ ˈbɔn ɔɔˈ -jhbhɛɛʋn ˈye kplɩn ˈˈɩn zian-?

• ˈBhoo- -gwlɩˈˈ ˈdhee, Zoova aˈ -jhbhɛɛi -nɩɛn- -kmanˈˈ? Dhɛɛdɩ- ɛ -kmanˈˈ -aeˈˈ dhɛɛdɩ- ɛ se ˈˈɩ -kman?